Omicron Update: मिरजेत मेडिकल काॅलेजच्या 56 विद्यार्थिनींना ओमिक्रॉनची लागण | Sakal
sakal

बोलून बातमी शोधा

Omicron Variant

विद्यार्थिनींच्या नमुन्यांचा अहवाल महाराष्ट्र सरकारच्या विशेष विभागास प्राप्त झाला.

Omicron: मेडिकल काॅलेजच्या 56 विद्यार्थिनींना ओमिक्रॉनची लागण

मिरज : येथील एका महाविद्यालयात शिकणाऱ्या ५६ विद्यार्थिनींना ओमिक्रॉनची (Omicron) लागण झाली असल्याचे रविवारी (ता. ९) स्पष्ट झाले. दिल्ली येथील इंडियन कौन्सिल ऑफ मेडिकल रिसर्च (Delhi Indian Council Medical Research Student)या संस्थेमध्ये तपासणीसाठी पाठवलेल्या या विद्यार्थिनींच्या नमुन्यांचा अहवाल काल महाराष्ट्र सरकारच्या विशेष विभागास प्राप्त झाला. त्यामध्ये त्यांच्यात ओमिक्रॉनची लक्षणे असल्याचे स्पष्ट झाले आहे.

यामध्ये पुणे येथील प्रयोगशाळेत झालेल्या तपासणीत एकाही विद्यार्थिनीला ओमिक्रॉनची लागण झाले नसल्याचे स्पष्ट झाले; परंतु दिल्ली येथील इंडियन कौन्सिल ऑफ मेडिकल रिसर्च या संस्थेत झालेल्या तपासणीत मात्र ५६ विद्यार्थिनींना ओमिक्रॉनची लागण झाल्याचे स्पष्ट झाले.

हेही वाचा: ZP,महानगरपालिकेच्या निवडणुकीत 'आमचं नवीन ठरलयं'; मंडलिकांचा इशारा

याबाबतचा अधिकृत अहवाल इंडियन कौन्सिल ऑफ मेडिकल रिसर्च या संस्थेकडून राज्य सरकारच्या विशेष कक्षास पाठविण्यात आला आहे. याबाबतच्या अधिकृत सूचना रात्री उशिरा मिरज वैद्यकीय महाविद्यालयास प्राप्त झाल्या. त्यानंतर महाविद्यालय प्रशासनाने तातडीने या ५६ विद्यार्थिनींना पुन्हा वेगळे करून त्यांच्यावरील उपचारांची स्वतंत्र व्यवस्था केली आहे. याशिवाय हा परिसर प्रतिबंधित केला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top