मंचर: राज्यातील गोरगरीब, आर्थिकदृष्ट्या दुर्बल महिलांसाठी सुरु करण्यात आलेल्या ‘मुख्यमंत्री लाडकी बहीण’ योजनेचा लाभ काही शासकीय महिला कर्मचाऱ्यांनी घेतल्याचे धक्कादायक प्रकार समोर आला आहे..या प्रकरणी तपास सुरू असून दोषी आढळणाऱ्या कर्मचाऱ्यांकडून रक्कम वसूल करून शासकीय कोषागृहात भरली जाईल, तसेच त्यांच्यावर प्रशासकीय कारवाई होईल.”असा इशारा महिला व बालकल्याण मंत्री अदिती तटकरे यांनी दिला आहे.मंचर (ता. आंबेगाव) येथे गुरुवारी (ता. ३१) उपमुख्यमंत्री अजित पवार यांच्या वाढदिवसानिमित्त राष्ट्रवादी कॉंग्रेसने आयोजित महिला मेळाव्यात तटकरे बोलत होत्या. अध्यक्षस्थानी माजी गृहमंत्री दिलीप वळसे पाटील होते..यावेळी म्हाडाचे अध्यक्ष शिवाजीराव आढळराव पाटील, अनुसया महिला उन्नती केंद्राच्या अध्यक्षा किरण वळसे पाटील, निर्मला नवले, तृप्ती सरोदे, मोनिका हरगुडे, सुषमा शिंदे, सविता बगाटे, तुलसी भोर, अरुणा थोरात, उषा कानडे व ज्योती निघोट उपस्थित होत्या.तटकरे म्हणाल्या, 'अजित पवार, सुनिल तटकरे, वळसे पाटील हे नेते गेली ४० वर्षे अहोरात्र काम करत आहेत. महिला सक्षम होण्यासाठी यांचे मोठे योगदान आहे.'.वळसे पाटील म्हणाले, 'अनुसया महिला उन्नती केंद्रामार्फत महिलांना उद्योग-व्यवसाय उभारणीसाठी वेळोवेळी मार्गदर्शन केले जाते. पुणे जिल्हा मध्यवर्ती बँक महिलांना व्यवसायासाठी दहा लाख रुपयां पर्यंत चे कर्ज ४.५ टक्के व्याज दराने देते. प्रत्येक महिलेचे घरातील योगदान महत्वपूर्ण आहे. त्यांना प्रोत्साहन व प्रेरणा दिली पाहिजे.' निलेश पडवळ यांनी सूत्रसंचालन केले. क्रांती गाढवे यांनी आभार मानले..'महिलांना समाजकार्यात सक्रिय सहभाग देण्यासाठी तयार करण्यात आलेल्या आदिशक्ती समित्यांचे कार्यक्षेत्र आता तालुका, जिल्हा व राज्यस्तर असे केले जाईल. आदर्श कार्य करणाऱ्या समित्यांचा आढावा घेतला जाईल. विशेष कामगिरी करणाऱ्या समित्यांना प्रमाणपत्र, रोख रक्कम व गौरवचिन्ह देण्यात येणार आहे.'- अदिती तटकरे, महिला व बालकल्याण मंत्री..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
