'माझा बंगला काढला'; सरकारकडून गळचेपी : प्रविण दरेकर

Untitled-4.gif
Untitled-4.gif

मुंबई : विधानपरिषदेचे विरोधी पक्षनेते प्रविण दरेकर यांनी ठाकरे सरकार हे विरोधकांची गळचेपी करत असल्याची टीका केली आहे. या सरकारने माझा शासकीय बंगला काढून घेतल्याची माहिती त्यांनी एका वृत्तवाहिनीशी बोलताना दिली.

त्याचप्रमाणे दरेकर यांनी सध्या सरकारी बंगल्यांचे नूतनीकरण सुरु आहे, त्याच्या डागडुजीवरती होणाऱ्या करोडोंच्या खर्चावरती ताशेरे ओढले आहेत. ते म्हणाले, ''अशा प्रकारे जनतेच्या पैशांची उधळपट्टी योग्य नाही. हा जनतेचा पैसा आहे, त्याचा योग्य वापर व जनतेच्या कामांसाठी वापर होणे आवश्यक आहे.''

महाविकास आघाडीतील मंत्र्यांच्या बंगल्यांचे सध्या नुतनीकरण सुरु आहे. यामध्ये 31 बंगल्यांसाठी तब्बल 15 कोटींचा खर्च करण्यात येत आहे. या सर्वाधिक खर्च बाळासाहेब थोरात आणि छगन भुजबळ यांच्या बंगल्यांवर होत आहे.

विरोधी पक्षनेते देवेंद्र फडणवीस यांच्या सारंग बंगल्याच्या डागडुजीसाठी तब्बल 92 लाख खर्च करण्यात येणार आहेत. त्यामुळे सत्ताधाऱ्यांच्या या उधळपट्टीवर विरोधी पक्ष तरी काय बोलणार? मात्र यावरती प्रविण दरेकर यांनी टीका केली आहे.

बंगले व होणारा खर्च

रॉयल स्टोन : 1 कोटी 81 लाख
रामटेक :- 1 कोटी 48 लाख

सातपुडा :- 1 कोटी 33 लाख
मेघदूत :- 1 कोटी 30 लाख
शिवनेरी :- 1 कोटी 17 लाख

पर्णकुटी :- 1 कोटी 22 लाख
अग्रधुत :- 1 कोटी 22 लाख
ज्ञानेश्वरी :- 1 कोटी 1 लाख
सेवासदन :- 1 कोटी 5 लाख

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com