हनुमान जन्मस्थळावरून वाद; साधू महंतांमध्ये 'रामायण'

नाशिक : त्र्यंबकेश्वर हनुमान जन्मस्थावरून सध्या वाद सुरू असून साधू आणि महंतामध्ये मतमतांतरे सुरू आहेत. त्यामुळे किष्किंधा मठाधिपत्यांनी त्र्यंबकेश्वरमध्ये ठाण मांडून आंदोलन सुरू केलं आहे. हनुमानाचं जन्मस्थान अंजनेरी नसून किष्किंधा असल्याचा दावा किष्किंधेच्या मठाधिपत्यांनी केला आहे. तर नाशिकमधील महंतांनी जन्मस्थळावरून मतमतांतरे निर्माण केली आहेत.

(Hanuman Birth Place Controversy)

राज्यामध्ये हनुमान चालीसावरून राजकीय वातावरण ढवळून निघालं असताना हनुमानाच्या जन्मस्थळावरून वाद निर्माण झाला आहे. किष्किंधा मठाचे मठाधिपती गोविंदानंद स्वामी सरस्वती हे त्र्यंबकेश्वरमध्ये आले आहेत. त्र्यंबकेश्वरमधील साधूंनी त्यांच्या भेटीला यावे ही त्यांची इच्छा होती पण त्र्यंबकेश्वरमधील कोणीही साधू महंत त्यांची भेट घेण्यासाठी गेलेले नाही. त्यामुळे त्यांनी ठाण मांडून आंदोलन सुरू केलं आहे.

दरम्यान किष्किंधा मठाचे मठाधिपती गोविंदानंंद स्वामी सरस्वती यांनी वाल्मिकी रामायणातले काही पुरावे आणि संदर्भ देत हनुमानाचं जन्मस्थळ अंजनेरी नसून किष्किंधा असल्याचा दावा केला. हा वाद जुना असल्याचं बोललं जात आहे. नाशिकमधील किष्किंधामध्ये किंवा हरियाणातील काही हनुमानाचा ठिकाणी जन्म झाल्याचे दावे करण्यात आले होते.

रामजन्मभूमीचा वाद नुकताच संपला असताना पुन्हा हा वाद निर्माण झाला होता. त्यानंतर काशी मथुरा मंदिराबाबतही सध्या वाद सुरू आहेत. दरम्यान केंद्राकडून हनुमानाचं मंदिर उभारण्यासाठी निधी दिला जात आहे. जगातील सर्वांत उंच हनुमानाची मुर्ती उभी करणार असल्याचं किष्किंधाच्या महंतांनी सांगितलं आहे. त्याचबरोबर हनुमानाचा जन्म किष्किंधामध्ये झाला आहे त्यामुळे अंजनेरीच्या महंतांनी जन्मावरून दावा करू नये असं किष्किंधाच्या महंतांनी आणि मठाधिपत्यांनी सांगितलं आहे.