सबस्क्राईब करा
रायगड- ठाकरे गटाच्या नेता सुषमा अंधारे यांना घ्यायला गेलेल्या हेलिकॉप्टरचा अपघात झाला आहे. यात पायलट सुखरुप असल्याचं कळतंय. महाडमध्ये सुषमा अंधारे यांना घेण्यासाठी हेलिकॉप्टर आले होते. येथून त्या बारामती येथे सभेसाठी जाणार होत्या. पण, याठिकाणी हेलिकॉप्टर आल्यानंतर दुर्घटनाग्रस्त झालं आहे.
सुषमा अंधारे या सुखरुप आहेत. त्या हेलीपॅडवर पोहोचल्यावर त्यांना हेलिकॉप्टर क्रॅश झाल्याची माहिती मिळाली. सुषमा अंधारे यांचा राज्यभर दोरा सुरु आहे. त्यासाठी त्यांना घेण्यासाठी हेलिकॉप्टर महाड येथे आले होते. सुदैवाने कोणालाही दुखापत झालेली नाही. मात्र, हेलिकॉप्टरच्या अपघाताचे कारण अद्याप अस्पष्ट आहे.
सुषमा अंधारे यांनी यावर प्रतिक्रिया दिली आहे. त्या म्हणाल्या की, सकाळी एका प्रचारसाठी जाणार होतो. दिवसभरात दोन-तीन सभा होत्या. रात्रीची महाडची सभा करुन आम्ही रात्री येथे थांबलो होते. हेलिपॅडवर आलो तेव्हा हेलिकॉप्टर घिरट्या मारत होतं. अचानक ते कोसळलं. मी आणि माझा भाऊ हेलिकॉप्टरने प्रवास करणार होता. पण, सुदैवाने आम्हाला काहीही झालं नाही. आम्ही सुखरुप आहोत.
मी सुखरूप आहे माझ्यासह कॅप्टन आणि असिस्टंट आणि माझा लहान भाऊ विशाल गुप्ते आम्ही सगळे सुखरूप आहोत चिंता नसावी, असं अंधारे म्हणाल्या. पुढील दौरा सुरुच राहणार असल्याचं त्या म्हणाल्या आहेत. आज बारामती येथील सभेसाठी त्या उपस्थित राहणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.