"...म्हणून ती मुलगी एकटी होती"; मुंबईतल्या महिला वसतीगृहातील 'त्या' घटनेवर चंद्रकांत पाटलांचं सभागृहात उत्तर

Mumbai Hostel Rape Case: मुंबईच्या शासकीय वसतीगृहात एका मुलीवर बलात्कार करण्यात आला होता. त्यानंतर शिंदे-फडणवीस सरकारच्या कार्यक्षमतेवर प्रश्नचिन्ह उपस्थित करण्यात आले होते.
Chandrakant Patil
Chandrakant Patilesakal

Chandrakant Patil on Mumbai Rape case:काही दिवसांआधी विधानपरिषदेचे विरोधी पक्षनेते अंबादास दानवे यांनी शिंदे फडणवीस सरकारवर महिल्यांच्या सुरक्षिततेच्या मुद्द्यावरुन हल्ला बोल केला होता. मुंबई येथे शासकीय वसतीगृहात विद्यार्थीनीवर झालेल्या बलात्कार करण्यात आला होता, या प्रकराणात त्यांनी गृहमंत्री देवेंद्र फडणवीस यांच्यावर प्रश्न उपस्थित केले होते.

सध्या सुरु असलेल्या विधानसभेच्या पावसाळी अधिवेशनात उच्च व तंत्र शिक्षणमंत्री चद्रकांत पाटील यांनी या प्रकरणावर वक्तव्य केलं. त्यांनी या घटनेचा निषेध केला आणि ही घटना निंदनीय असल्याचं सांगितलं. यावेळी त्यांनी वसतीगृहात सीसीटीव्ही कमी असल्याची गोष्टही मान्य केली.

यावर स्पष्टीकरण देताना ते चंद्रकांत पाटील म्हणाले की, "मरीनड्राइव्ह येथील महिला शासकिय वसतीगृहात घडलेली घटना निंदनीय आहे."

जेव्हा ही घटना घडली तेव्हा, पूर्ण वसतीगृहात ती मुलगी एकटी होती. यावर स्पष्टीकरण देताना पाटील म्हणाले की, "ही इमारत डागडूजी करणे गरजचे असल्याने ८ कोटी मंजूर केले होते. कालांतराने संपूर्ण इमारतच पाडून नवी बांधावी लागणार त्या अनुषंगाने निर्णय घेण्यात आला. त्यावेळी पालकांनी परीक्षेपर्यंत वेळ मागितला."

यापुढे ते म्हणाले की , " पीडीत मुलगी एकटी त्या मजल्यावर राहत नव्हती. आजूबाजूला मुली होत्या, पण ज्यांच्या परीक्षा झाल्या त्या गेल्या, ही एकटीच होती. आरोपीने केलेल्या गुन्ह्याचे कृत्य सीसीटीव्हीत आले. सीसीटीव्ही नाहीत असं नाही, कमी होते."(Latest Marathi News)

Chandrakant Patil
Monsoon Session 2023: उपसभापती नीलम गोऱ्हे यांना हटवण्याच्या मुद्यावरून आज बैठक, फडणवीस यांच्यासह 'हे' नेते राहणार उपस्थितीत

तसेचं ज्या वसतीगृहामध्ये ही बलात्काराची घटना घडली, त्या वसतीगृहातील सर्व मुलींची वांद्रे येथे पर्यायी व्यवस्था करण्यात आली आहे. त्याचरबरोबर वसतीगृहाच्या अधिक्षिकांना निलंबित करण्यात आलंय. मुलीच्या भावाला अमरावतीमध्ये कंत्राटी नोकरी देण्यात आली असून पालकांच्या काही मागण्या मान्य करण्यात आल्या आहेत. (Latest Marathi News)

या घटनेनंतर वरीष्ठ अधिकाऱ्यांची समिती नेमण्यात आली असून यात आयपीएस अधिकारी रश्मी करंदीकर यांचाही समावेश आहे. अशी माहिती चंद्रकांत पाटील यांनी दिली.

Chandrakant Patil
Rahul Gandhi Defamation Case: शिक्षेला स्थगिती देण्याची राहुल गांधींची याचिका मंजूर, सुप्रीम कोर्टात होणार सुनावणी

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com