हिजाब प्रकरण: अशांतता निर्माण होईल असे कृत्य करू नका, गृहमंत्र्याचे आवाहन

हिजाब प्रकरणावरून देशभरातुन पडसाद उमटत आहे. राजकीय स्तरातूनही वेगवेगळ्या प्रतिक्रिया येत आहे अशातच राज्याचे गृहमंत्री दिलीप वळसे पाटील यांनी यावर प्रतिक्रिया दिली आहे हिजाब वादाच्या पार्श्वभूमीवर पोलिसांना सतर्क राहण्याचे आदेश दिले असल्याची माहिती गृहमंत्री दिलीप वळसे पाटील (Dilip Walse Patil) यांनी दिली. अशांतता निर्माण होईल असे कृत्य करू नका, असे आवाहनही त्यांनी केले.

कोणत्याही राज्यातील मुद्दा उपस्थित करून महाराष्ट्रातील (Maharashtra) परिस्थीती बिघडवणे योग्य नाही. शिक्षण हेच प्राधान्य असले पाहिजे, असेही ते म्हणाले. हिजाब वादाच्या पार्श्वभूमीवर पोलिसांना सतर्क राहण्याचे आदेश गृहमंत्री दिलीप वळसे पाटील यांनी दिलेत .

कर्नाटकातील (Karnataka) उडुपी जिल्ह्यातील एका महाविद्यालयात मुस्लिम मुलीनी हिजाब (Hijab) घालू देण्याच्या मागणीसाठी आंदोलन केले होते. हिजाब परीधान करून वर्गात प्रवेश दिला जात नसल्याचा आरोप या मुस्लीम विद्यार्थिनींनी केला होता त्यानंतर हा वाद चांगलाच चिघळला.