राज्यातील सत्तांतर आणि नाट्यमय घडामोडीनंतर आज मुख्यमंत्री एकनाथ शिंदे आणि राष्ट्रवादी काँग्रेस पक्षाचे अध्यक्ष शरद पवार हे पहिल्यांदाच जाहीर कार्यक्रमात एकाच व्यासपीठावर एकत्रित दिसणार आहेत. वसंतदादा शुगर इन्स्टिटय़ूटच्या वार्षिक सर्वसाधारण सभेच्या निमित्ताने दोन्ही नेते एकाच व्यासपीठावर येणार असल्यामुळे राजकीय वर्तुळात जोरदार चर्चा रंगू लागली होती. यावेळी बोलताना मुख्यमंत्री एकनाथ शिंदे यांनी शरद पवार यांच्यावर कौतुकाचा वर्षाव केला आहे.
बोलताना मुख्यमंत्री एकनाथ शिंदे म्हणाले की, "मला ज्यावेळी सल्ल्याची गरज असते. त्यावेळी मी शरद पवारांना फोन करतो. ते नेहमी चांगले सल्ले देतात," असं म्हणत मुख्यमंत्री एकनाथ शिंदे यांनी शरद पवार यांच्यावर कौतुकाचा वर्षाव केला आहे. या कार्यक्रमावेळी जयंत पाटील, विरोधीपक्षनेते अजित पवार हे देखील उपस्थित होते.
काय म्हणाले मुख्यमंत्री एकनाथ शिंदे?
"शरद पवार यांच्या तोंडी नेहमी साखर असते. गेल्या आठवड्यात संक्रात झाली, त्यामुळे गोड गोड बोलायचं, मीही गोड गोड बोलणार. मी नुकतंच दावोसला जाऊन आलो. कोणी काहीही म्हणो पण मी चांगली गुंतवणूक आणली. शरद पवार यांना यासंदर्भात माहिती आहे. शरद पवार नेहमीच राज्याच्या हितासाठी आणि भल्यासाठी मार्गदर्शन करतात. मलाही जेव्हा जेव्हा गरज असते, तेव्हा मी त्यांना फोन करतो तेव्हा ते मला सूचना देतात. सहकार क्षेत्रात त्यांचं असणारं योगदान हे नाकारता येणार नाही," अशा शब्दांत मुख्यमंत्री एकनाथ शिंदे यांनी शरद पवार यांचं कौतुक केलंय."
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.