परिचारिकांचे स्वतंत्र संचालनालय हवे; समन्वय समितीची मागणी
मुंबई -: वैद्यकीय शिक्षण आणि संशोधन संचालनालय व आरोग्य सेवा संचालनालय यांच्या कार्यक्षेत्राखाली राज्यातील सरकारी सेवेतील परिचारिका काम करतात; परंतु वैद्यकीय शिक्षण व संशोधन संचालनालय फक्त वैद्यकीय शिक्षणावर आणि आरोग्य सेवा संचालनालय फक्त डॉक्टरांच्या उन्नतीवर लक्ष देत असल्याने परिचारिका संवर्गाची अवस्था दयनीय असल्याचा आरोप केला जातो. त्यामुळे परिचारिकांसाठी स्वतंत्र संचालनालय स्थापन करण्याची मागणी पुढे आली आहे.
संपूर्ण जगात 12 मे रोजी जागतिक परिचारिका दिवस पाळला जातो. या दिवसाचे औचित्य साधून महाराष्ट्र राज्य परिचर्या व आरोग्य सेवा कर्मचारी संघटना समन्वय समितीने राज्य सरकारकडे प्रलंबित मागण्या तातडीने मार्गी लावण्याची मागणी केली आहे. संपूर्ण राज्यातील आरोग्य सेवा, वैद्यकीय शिक्षण सेवा, जिल्हा परिषदा, महापालिका आणि नगरपालिका क्षेत्रांतील संघटनांची ही समन्वय समिती आहे. कोरोनाच्या संकटात रुग्णसेवेसाठी परिचारिकांनी पुढाकार घेतला आहे. सध्या सर्व स्तरांवरील परिचारिकांचे वरिष्ठ त्यांच्या संवर्गातील नाहीत. त्यामुळे त्यांच्याकडून परिचारिकांच्या हिताचे निर्णय घेतले जात नाही, असा आरोप समन्वय समितीने केला आहे.
पुण्याच्या बातम्या वाचण्यासाठी येथे ► क्लिक करा
संपूर्ण राज्यातील आरोग्य सेवा, वैद्यकीय शिक्षण सेवा, जिल्हा परिषदा,महापालिका आणि नगरपालिका क्षेत्रांतील संघटनांची ही समन्वय समिती आहे. कोरोनाच्या संकटात रुग्णसेवेसाठी परिचारिकांनी पुढाकार घेतला आहे.प्रत्येक रुग्णालयात सर्वांत जास्त मनुष्यबळ परिचारिका संवर्गातील असते. या कर्मचाऱ्यांचे व्यवस्थापन करण्यासाठी अधिसेविका कार्यालय आणि वेगळी आस्थापना असणे गरजेचे आहे. त्यासाठी वेगळी इमारत उभारणे आवश्यक आहे; परंतु सध्या अधिसेविका कार्यालये वैद्यकीय महाविद्यालये किंवा परिचर्या महाविद्यालयांच्या इमारतींमध्ये आहेत. त्यामुळे परिचारिकांसाठी वेगळ्या व्यवस्थापनाची व्यवस्था करावी, अशी मागणी समन्वय समितीने केली आहे.
परिचारकांसाठी स्वतंत्र संचालनालय असावे, असे केंद्र सरकारचे निर्देश आहेत. त्यासाठी केंद्राने निधीही उपलब्ध केला आहे; परंतु या निर्देशांचे पालन करता हा निधी अन्य कामांसाठी वापरण्यात आला. त्यामुळे सरकारने हस्तक्षेप करून राज्यात परिचारकांसाठी वेगळे संचालनालय स्थापन करावे.
- अजय क्षीरसागर, संघटक, राज्य परिचर्या व आरोग्य सेवा कर्मचारी संघटना समन्वय समिती
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.