Jitendra Awhad : फडणवीसांच्या टीकेला आव्हाडांचं प्रत्युत्तर; म्हणाले, मी कट्टर हिंदू...

मुंबईः राष्ट्रवादीचे नेते जितेंद्र आव्हाड यांनी महाराष्ट्रात दंगली होतील, असं वक्तव्य करणं चुकीचं असल्याचं राज्याचे उपमुख्यमंत्री देवेंद्र फडणवीस यांनी म्हटलं आहे. हा समाजाचा आणि रामभक्ताचा अपमान असल्याचंही फडणवीस म्हणाले. यावर आव्हाड यांनी प्रतिक्रिया देताना फडणवीसांना प्रत्युत्तर दिलं आहे.

आता मी बोललो नाही, तर महाराष्ट्राला कळणार नाही. माणसाच्या मृत्यूपेक्षा कशाला किंमत असते का? आपण लढायला निघालो तर सत्य सांगावच लागतं. मला काही जन्मठेप होणार नाही. यावरही आणखी दोन दिवस जेलमध्ये जाईल. रामनवमी आणि हुनमान जयंती ज्या पद्धतीने केलं जायचं, रामाची, हनुमानाची पूजा व्हायची, हे मी घरात अनुभवल्याचं आव्हाड म्हणाले.

आव्हाड म्हणाले की, मी असो बोललो की, सध्या परिस्थिती अशी तयार करण्यात येते की, रामनवमी-हनुमान जयंती हे उत्सव केवळ दंग्यांसाठीच आहे, हे दाखवलं जात. यामुळे हे उत्सव बदनाम होत आहे. मी हिंदू आहे, कट्टर हिंदु आहे. वासुदैव कुटुंबकम मानणारा हिंदू असल्याचंही आव्हाड म्हणाले.

श्रीराम आपल्या आईचं ऐकणारे होते, आपल्या भावाला सन्मानित कऱणारे राम सर्वांना माहित आहेत. हे उत्सव समाजात एकता निर्माण करतात. पण समाजात विष पेरलं जात आहे. हे व्हायला नको. समाजात द्वेष परवल्याने देशाचं नुकसान होतं, असंही आव्हाड म्हणाले.