राज्याच्या राजकारणात काही महिन्यांपूर्वी अनेक घडामोडी घडल्या. राज्यात सत्तांतर झालं आणि त्याचं मुख्य केंद्रस्थान राहिलं ते म्हणजे गुवाहाटी. सत्तांतराच्या केंद्रस्थानी राहिलेल्या या गुवाहाटीचं स्थान मुख्यमंत्री एकनाथ शिंदे आणि समर्थक आमदार यांच्यासाठी वेगळंच आहे. दरम्यान राज्यात सत्तांतर व्हावं झाल्यानंतर पुन्हा एकदा एकनाथ शिंदे (बाळासाहेबांची शिवसेना) पक्षाचे आमदार आणि खासदार कुटुंबासह आज मुख्यमंत्री एकनाथ शिंदे यांच्या सोबत गुवाहाटीला जाणार आहेत. गुवाहाटीमधील प्रसिद्ध कामाख्या देवीच्या दर्शनासाठी हे सगळे याठिकाणी जात आहेत.
आज सकाळी दहा वाजता मुंबई विमानतळावरून बाळासाहेबांची शिवसेना पक्षाचे आमदार गुवाहाटीच्या दिशेने विशेष विमानाने उड्डाण करणार आहेत. तर गुवाहाटी विमानतळावर दुपारी 12 वाजता पोहचल्यानंतर पक्षाचे सर्व आमदार आणि खासदार सत्तांतराच्या दरम्यान प्रसिद्ध झालेल्या रेडिसन ब्लू हॅाटेलमध्ये मुक्काम करणार आहेत.
आज दुपारी मुख्यमंत्री एकनाथ शिंदे समर्थक आमदार आणि खासदारांसह कामाख्या देवीचे दर्शन घेणार आहेत. दरम्यान आसामचे मुख्यमंत्री हेमंत बिस्वा सर्मा यांचीही मुख्यमंत्री एकनाथ शिंदे सदिच्छा भेट घेणार असल्याची माहीती समोर येत आहे. जून महिन्यामध्ये राज्यात राजकीय भूकंप झाला होता. यावेळी आसाममधील गुवाहाटी हे राज्यात चर्चेचा विषय ठरला होता. नाराज झालेले नेते आणि एकनाथ शिंदे गुवाहाटीमध्ये थांबले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.