घोटाळेबाज राक्षसाचा नाश करण्यासाठी कोल्हापूरला निघालोय

कऱ्हाड (सातारा) : घोटाळेबाज राक्षसाचा नाश करणासाठी मी कोल्हापुरातील आंबेमातेच्या दर्शनाला निघालोय, असं म्हणत भाजप नेते किरीट सोमय्या (BJP Leader Kirit Somaiya) यांनी मंत्री हसन मुश्रीफांवर (Hasan Mushrif) निशाणा साधलाय. कोल्हापूर दौऱ्यावर निघालेल्या सोमय्यांचे उंब्रजला कार्यकर्त्यांनी स्वागत केले. त्यावेळी त्यांनी माध्यमांशीही संवाद साधला.

सोमय्या पुढे म्हणाले, आंबेमातेची अनेक रूपे आहेत. त्यातील शक्तीचं रूप महत्वाचंय. त्या शक्तीच्या रूपातूनच भ्रष्टाचाररूपी राक्षस संपविण्याचा आशज्ञ वाद मी घेवून, त्या विरोधात लढा देत आहे.

सोमय्या पुढे म्हणाले, सरकारच्या बंदीला कोण भिक घालतो. मी तर ठाकरे व पवार सरकारला चॅलेंज केलं होतं. हिम्मत असेल तर अडवून दाखवा. त्यांनी तो प्रयत्न केला. मात्र, जनता माझ्याबरोबर आहे हे समजल्यावर त्यांनी बंदी इज्जत रहावी म्हणून मागे घेतली, असा घणाघातही त्यांनी केला. सोमय्या उंब्रज मार्गे कोल्हापूरच्या दिशेने रवाना झाले आहेत.