मुंबई - मुख्यमंत्री माझी लाडकी बहीण योजनेचा मे महिन्याचा हफ्ता २ कोटी ४७ लाख महिलांना देण्यास सुरुवात झाली आहे, मात्र जवळपास पाच लाख महिलांनी ‘केवायसी’ पूर्ण केले नसल्याने त्यांना हा लाभ देण्यात अडचणी येत आहेत..बँक खात्याला आधारकार्ड लिंक असणाऱ्या महिलांनाच या योजनेचा लाभ देण्याचा निर्णय महिला व बालकल्याण विभागाने घेतला असल्याने पाच लाख महिलांचा निधी विभागाकडे पडून आहे.महिला व बालकल्याण विभागाच्या अधिकाऱ्यांनी सांगितले की, या योजनेतंर्गत २ कोटी ५२ लाख लाभार्थीसाठी विभागाकडून दरमहा ३ हजार ७८० कोटी रुपयांची तरतूद केली जाते. पण प्रत्यक्षात आर्थिक मदत २ कोटी ४७ लाख महिलांना हस्तांतरित केली जात आहे..उर्वरित पाच लाख महिलांनी केवायसी तपशील अद्ययावत न केल्यामुळे त्यांना योजनेच्या फायद्यांपासून वंचित राहावे लागत असल्याचे अधिकाऱ्यांनी सांगितले. यामध्ये केवायसी न केलेल्या महिलांचा जसा समावेश असू शकतो तसेच बोगस लाभार्थींचीही शक्यता आहे..त्यामुळेच बोगस लाभार्थींना शोधण्यासाठी प्राप्तिकर रिटर्न (आयटीआर) फाईलिंग डेटा मिळवण्यासाठी राज्य सरकारने प्राप्तिकर विभागाला अनेक पत्रे पाठविली आहेत. एका वरिष्ठ अधिकाऱ्याने सांगितले की, आयटीआर डेटा मिळविण्यासाठी लवकरच केंद्र सरकारकडून परवानगी मिळणार आहे..मुख्यमंत्री माझी लाडकी बहीण योजनेत २१ ते ६५ वयोगटातील वार्षिक उत्पन्न अडीच लाखांपेक्षा कमी असणाऱ्या विवाहित, घटस्फोटित आणि निराधार महिलांना दर महिन्याला दीड हजार रुपये मिळतात..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
