Lalit Patil : ललित पाटील 'ड्रग्ज'प्रकरणी ससून रुग्णालयातील एका अधिकाऱ्याचा राजीनामा

पुणेः मागील काही दिवसांपासून ललित पाटील ड्रग्ज प्रकरण गाजत आहे. ललित पाटील सुरुवातीला ससून रुग्णालयातून फरार झाला होता. त्यानंतर पोलिसांनी त्याला अटक केली. आता हे प्रकरण अनेकांच्या अंगलट येण्याची शक्यता आहे.

ललित पाटील नाशिकमध्ये चक्क ड्रग्ज बनवण्याचा कारखाना चालवत होता. त्याच्या भाऊ आणि साथीदारांनाही पोलिसांनी ताब्यात घेतलेलं आहे. खुद्द ससून रुग्णालयाचे डीन त्याच्यावर उपचार करत असल्याचं वृत्त 'एबीपी माझा'ने दिलं होतं.

या प्रकरणी सोमवारी ससून रुग्णायातील एका अधिकाऱ्याने राजीनामा दिला आहे. ससून रुग्णालयाच्या कैदी रुग्ण समितीच्या अध्यक्षांनी हा राजीनामा दिला. ललित पाटील प्रकरणात ते संशयाच्या भोवऱ्यात अडकले आहेत. त्यामुळे डॉक्टर सुजित धीवारे यांनी राजीनामा दिला.

ससून प्रशासनाच्या त्रासाला कंटाळून डॉक्टर सुधीर यांनी राजीनामा दिला का? असा प्रश्न उपस्थित होत आहे. २७ सप्टेंबर रोजी त्यांची नियुक्ती करण्यात आली होती. आता धीवारे यांनी राजीनामा दिलेला आहे. या प्रकरणी आणखी किती अधिकाऱ्यांचे बळी जातात, हे बघावं लागेल.