उद्धव ठाकरे बाजी पलटवणार? कायदेतज्ञ उल्हास बापट थेट मातोश्रीवर

शिवसेनेच्या पक्ष आणि चिन्हाचा निकाल लागल्यानंतर राज्याचे वातावरण चांगलेच ढवळून निघाले आहे. निवडणूक आयोगाने शिवसेना पक्ष आणि चिन्ह शिंदे गटाला देण्याचा निकाल जाहीर केला. दरम्यान, कायदेतज्ञ उल्हास बापट थेट मातोश्रीवर पोहचले आहेत. त्यामुळे राज्यातील राजकीय घडामोडींना वेग आला आहे. कायदेतज्ञ बापट मातोश्रीवर दाखल झाल्याने अनेक तर्क वितर्क काढण्यात येत आहेत. (Legal expert Ulhas Bapat matoshree Uddhav Thackeray Cm Eknath Shinde Maharashtra Politics )

निवडणूक आयोगाने शिवसेना हे नाव आणि धनुष्यबाण हे चिन्ह एकनाथ शिंदे यांच्या गटाला गेल्यानंतर उद्धव ठाकरे पुढील भूमिका काय घेणार याकडे सर्वांचे लक्ष लागून राहिले आहे. अशातच त्यांनी कायदेतज्ञ उल्हास बापट यांना फोन केल्याची माहिती समोर आली आहे.

दोघांच्या फोनवरील चर्चनंतर उल्हास बापट मातोश्रीवर दाखल झाले आहेत. दोघांमध्ये काही तास चर्चा झाली. मात्र, काय चर्चा झाली हे अद्याप गुलदस्त्यात आहे.

आज उद्धव ठाकरे यांनी कायदेतज्ञ तसेच काही वकिलांची मुंबईत बैठक बोलावली होती. कायद्याच्या संदर्भात अनेक गोष्टींच्या मार्गदर्शनासाठी उद्धव ठाकरे यांनी उल्हास बापट यांना बोलावले होते. अशी माहिती मिळाली आहे.