Jalgaon Loksabha election 2024 : जळगावमध्ये स्ट्राँग रुमचे CCTV काही वेळासाठी बंद; जिल्हाधिकारी म्हणतात...

जळगावः जळगावमध्ये ज्या ठिकाणी ईव्हीएम मशिन्स ठेवलेल्या आहेत त्या स्ट्राँग रुमचे सीसीटीव्ही काही वेळेसाठी बंद होते. त्यामुळे गोंधळ उडाला होता, परंतु काहीच मिनिटात परिस्थिती पूर्वपदावर आली.

वीज पुरवठा खंडीत झाल्याने सीसीटीव्हीचे डिस्प्ले बंद झाल्याचं सांगण्यात येत आहे. केवळ चार मिनिटांसाठी डिस्प्ले बंद होते. मात्र व्हिडीओ चित्रिकरण सुरुच होते, असं प्रशासनाने सांगितलं.

यासंबंधी जिल्हाधिकाऱ्यांनी सांगितलं की, चार मिनिटांसाठी डिस्प्ले बंद होते, परंतु व्हिडीओ रेकॉर्डिंग सुरुच होतं. सर्व राजकीय पक्षांच्या प्रतिनिधींना रेकॉर्डिंग दाखवले आहेत. त्यामुळे कुणाचीही तक्रार नाही, असं त्यांनी सांगितलं.