Sharad Pawar Candidate List : शरद पवार गटाची दुसरी यादी जाहीर; बीडमधून ज्योती मेटेंची चर्चा, उमेदवारी मात्र सोनवणेंना

Sharad Pawar Group : शरद पवार गटाकडून लोकसभा उमेदवारांची दुसरी यादी जाहीर करण्यात आलेली आहे. बीडमधून शरद पवार गटाने बजरंग सोनवणे यांना उमेदवारी जाहीर केली आहे.

शरद पवार गटाने ३० मार्च रोजी जाहीर केलेली यादी

• वर्धा- अमर काळे

• दिंडोरी- भास्कर भगरे

• बारामती- सुप्रिया सुळे

• शिरुर- डॉ. अमोल कोल्हे

• अहमदनगर- निलेश लंके

4 एप्रिल रोजी दोन नावे जाहीर

• बीड- बजरंग सोनवणे

• भिवंडी- सुरेश उर्फ बाळ्यामामा म्हात्रे

बीड लोकसभा मतदारसंघातून भाजपने पक्षाच्या राष्ट्रीय नेत्या पंकजा मुंडे यांना लोकसभेची उमेदवारी जाहीर केली आहे. पंकजा मुंडेंच्या बहीण प्रितम मुंडे ह्या बीडच्या दोनवेळच्या खासदार आहेत. तरीही पक्षाने त्यांचं तिकीट कापून पंकजांना उमेदवारी दिली.

पंकजा मुंडे यांच्याविरोधात शरद पवार गटाकडून ज्योती मेटे यांना उमेदवारी दिली जाईल, असं सांगितलं जात होतं. परंतु बजरंग सोनवणे यांना उमेदवारी जाहीर झाली आहे. सोनवणे यांनी आठवड्याभरापूर्वी शरद पवार गटामध्ये प्रवेश केला होता.

बजरंग सोनवणे हे धनंजय मुंडे यांच्या जवळचे कार्यकर्ते समजले जातात. २०१९ मध्ये राष्ट्रवादीने त्यांना निवडणुकीच्या रिंगणात उतरवलं होतं. परंतु त्यांचा प्रितम मुंडेंनी पराभव केला होता. आता सोनवणे यांनी शरद पवार गटात प्रवेश केल्याने धनंजय मुंडे आणि सोनवणे यांच्या आरोप-प्रत्यारोपांचं राजकारण सुरु झालं आहे.