राज्यात दिवसभरात 825 नव्या रुग्णांची भर; 14 जणांचा मृत्यू

मुंबई : आज राज्यात 825 नवे कोरोनाबाधित (corona new patients) रुग्ण आढळले तर 14 कोरोनाबाधित रुग्णांच्या मृत्यूची (corona deaths) नोंद झाली. मृतांचा एकूण आकडा 1,41,367 इतका झाला आहे.औरंगाबाद,लातूर,नागपूर मंडळात एकाही मृत्यूची नोंद झाली नाही. तर ठाणे 4,पुणे 1,नाशिक 7,कोल्हापूर 1,अकोला 1 मृत्यू नोंदवले गेले.

राज्यात आज 825 नवीन कोरोना बाधित रुग्णांची भर पडल्याने करोना बाधित रुग्णांची एकूण संख्या 66,50,965 झाली आहे.राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या ही कमी होऊन 7111 इतकी आहे. आज 792 रुग्ण कोरोनामुक्त झाले. कोरोनातून बरे होणाऱ्या रुग्णांची संख्या 64,98,807 इतकी आहे. राज्यातील रुग्ण बरे होण्याचे प्रमाण वाढून 97.71 % एवढे झाले आहे. सध्या राज्यात 73,053 व्यक्ती होमक्वारंटाईनमध्ये आहेत तर 864 व्यक्ती संस्थात्मक क्वारंटाईनमध्ये आहेत.