Monsoon Update| महाराष्ट्रातला मॉन्सून संपला; आता थंडीची चाहूल

राज्यात दाखल झाल्यानंतर चार महिन्यांनतर मॉन्सूनने गुरुवारी परतीचा निरोप घेतला आहे
Monsoon Update
Monsoon Updatesakal media

पुणे : नैर्ऋत्य मोसमी वाऱ्यांनी (मॉन्सून) संपूर्ण महाराष्ट्रातून माघार घेतला आहे. त्यामुळे आता राज्याच्या अनेक भागांत हवामान कोरडे राहणार आहे. मात्र, विदर्भ आणि मराठवाड्यात पुढील तीन ते चार दिवस तुरळक ठिकाणी मेघगर्जना आणि विजांच्या कडकडाटासह पावसाची शक्यता हवामान विभागाने वर्तवली आहे.

Monsoon Update
दिवाळीत निर्बंध कठोर करण्याची शक्यता; मुंबईत कोरोना रुग्णवाढीमुळे चिंता

राज्यात दाखल झाल्यानंतर चार महिन्यांनतर मॉन्सूनने गुरुवारी परतीचा निरोप घेतला आहे. हवामान विभागाच्या नवीन वेळापत्रकानुसार १५ ऑक्टोबर ही मॉन्सूनच्या राज्यातून माघारीची दीर्घकालीन सर्वसाधारण तारीख होती. मात्र त्यानुसार वेळेच्या एक दिवस आधीच मॉन्सूनने महाराष्ट्राचा निरोप घेतला आहे.

सध्या बंगालचे उपसागर आणि अरबी समुद्रात कमी दाबाचे क्षेत्र तयार झाले आहेत. अरबी समुद्रातील कमी दाबाचे क्षेत्र हे पुढील दोन दिवसात केरळच्या दिशेने जाण्याची शक्यता आहे. तर बंगालच्या उपसागरातील कमी दाबाचे क्षेत्र २४ तासांत ओडिशा-आंध्र प्रदेशकडे प्रवास करेल. त्यामुळे पावसासाठी पोषक हवामान तयार होत विदर्भ आणि मराठवाड्यात काही ठिकाणी पुढील काही दिवस पावसाची शक्यता आहे. मात्र उर्वरित राज्यात हवामान मुख्यतः कोरडे राहण्याचा अंदाज आहे.

Monsoon Update
महाराजांना Petrol परवडत नाही, मग BMW कशावर चालवणार?

शहर आणि परिसरात पुढील आठवडाभर दुपारनंतर अंशतः ढगाळ वातावरणाची शक्यता आहे. सध्या शहरात हवामान कोरडे असून दिवसा कडकडीत ऊन असल्यामुळे उकाडा जाणवू लागला आहे. शहरात गुरुवारी ३२.९ अंश सेल्सिअस कमाल आणि १९.९ अंश सेल्सिअस इतक्या किमान तापमानाची नोंद झाली. दोन्ही कमाल व किमान तापमान सरासरीच्या तुलनेत सुमारे १ अंश सेल्सिअस पेक्षा जास्त नोंदले गेले. तर पुढील चार ते पाच दिवस आकाश मुख्यतः निरभ्र राहून दुपारनंतर अंशतः ढगाळ वातावरणाचा अंदाज आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com