Mansoon Update: राज्यात पावसाचा जोर वाढला, चार जिल्ह्यात पावसाचा यलो अलर्ट

राज्यात विविध भागात पावसाने दमदार हजेरी लावली. मुंबई, पुण्यासह, ठाणे, नवी मुंबई, पालघर, मराठवाडा परिसरात विजांच्या कडकडाटासह पावसाने दमदार हजेरी लावली. दरम्यान, आजही राज्यात कोकणसह, पश्चिम महाराष्ट्र, मराठवाडा आणि विदर्भात पावसाचा यलो अलर्ट जारी करण्यात आला आहे. तर पुढचे पाच दिवस पावसाचा जोर कायम राहणार असल्याचा अंदाज हवामान विभागाकडून वर्तवण्यात आला आहे.

नवी मुंबई, पनवेल परिसरात विजेच्या कडकडाटासह पाऊस चालू आहे. तर इतर ठिकाणी ढगाळ वातावरण निर्माण झाले आहे.

हवामान विभागाकडून दिलेल्या माहितीनुसार राज्याभरात वादळी वाऱ्यासह पावसाची शक्यता वर्तवण्यात आली आहे. आजपासून राज्यात पावसाचा जोर वाढणार असल्याचंही विभाकडून सांगण्यात आलं आहे. त्यामुळे नागरिकांना सतर्कतेचं आवाहन करण्यात आलं आहे. दरम्यान, राज्याच्या विविध भागात पावसाने चांगलीच हजेरी लावली. गेली काही दिवस पावसाने उघडीप दिली होती. मात्र, पुन्हा एकदा पावसाचा जोर वाढला आहे.

पावसाने चांगली हजेरी लावली आहे. लांबलेल्या पावसामुळे उभी पिके धोक्यात आली होती, मात्र, पावसामुळे पिकांनी जीवदान मिळालं आहे.