निवडणूक निर्णय अधिकाऱ्यांच्या निर्णयाविरुद्ध जिल्हा न्यायालयात आव्हान देण्यात आलेल्या नगरपरिषदा व पंचायतींच्या सार्वत्रिक निवडणुकीमध्ये २४ ठिकाणी अध्यक्षपदांच्या आणि विविध ठिकाणच्या १५४ सदस्यांच्या निवडणुकीची प्रक्रिया पुढील टप्प्यापासून सुधारित कार्यक्रमानुसार राबविण्यात येईल. त्यासाठी २० डिसेंबर रोजी मतदान घेण्यात येणार असून, उर्वरित अन्य सर्व नगर परिषदा आणि पंचायतीच्या ठिकाणी नियोजित कार्यक्रमानुसार आजच (ता. २) मतदान होणार असल्याचे निवडणूक आयोगाने स्पष्ट केले आहे.
