Latest Marathi News Live Update : महिलांचे अश्लील व्हिडिओ काढणाऱ्या रवींद्र एरंडेवर आणखी एक फसवणुकीचा गुन्हा दाखल

पुण्यात महिलांचे अश्लील व्हिडिओ काढून ब्लॅकमेल करणाऱ्या रवींद्र एरंडेच्या अडचणी वाढत आहेत. त्याच्यावर आता आणखी एका गंभीर फसवणुकीचा गुन्हा दाखल झाला आहे. नोकरीचे आमिष दाखवून त्याने तब्बल १३ लाख ८० हजार रुपयांची फसवणूक केल्याचा आरोप समोर आला आहे..गडहिंग्लज : येथील नगराध्यक्ष महेश महादेव तुरबतमठ आणि गंगाधर राजशेखर हिरेमठ यांना प्रांताधिकारी एकनाथ काळबांडे यांनी कारणे दाखवा नोटीस बजावली आहे. दोघांनीही बेडा-जंगम जातीचा दाखला प्राप्त केला असून त्यासाठी सादर केलेली कागदपत्रे खोटी असल्याची तक्रार आरक्षण बचाव समितीने केल्यानंतर ही कार्यवाही प्रांताधिकाऱ्यांनी केली. .सांगली ः नूतन आयुक्त संजिता मोहपात्रा बुधवारी पदभार स्वीकारणार आहेत. त्यांनी स्वागतासाठी पुष्पगुच्छ किंवा हार नकोत त्याऐवजी पुस्तके, शालेय साहित्य द्यावे, अशी विनंती नागरिकांना केली आहे. अमरावती जिल्हा परिषदेच्या मुख्य कार्यकारी अधिकारी असलेल्या मोहपात्रा यांची नुकतीच बदली झाली आहे. त्यांनी सर्व लोकप्रतिनिधी व नागरिकांना आधीच आवाहन केले असून जमा झालेली पुस्तके साहित्य महापालिका शाळांमध्ये वाटप केली जातील. या अभिनव ‘पुस्तक आणि शाळे साहित्य दान’ चळवळीत सहभागी होण्याचे आवाहन ही त्यांनी केले आहे..मुंबई : पश्चिम आशियातील संघर्षाच्या पार्श्वभूमीवर १५ हजार ४०० टन द्रवरुप पेट्रोलियम वायू (एलपीजी) घेऊन येणारे ‘ग्रीन आशा’ हे भारतीय ध्वजधारक जहाज होर्मुझची सामुद्रधुनी यशस्वीपणे ओलांडून गुरुवारी मुंबईतील जवाहरलाल नेहरू बंदर प्राधिकरणात (जेएनपीए) दाखल झाले. .बेळगाव : बारावी परीक्षेचा निकाल गुरुवारी (ता. ९) शिक्षण खात्याने जाहीर केला असून, बेळगाव शैक्षणिक जिल्ह्याचा एकूण निकाल ८०.३२ टक्के लागला आहे. मात्र, निकालात सुधारणा होऊनही राज्यातील क्रमवारीत बेळगाव जिल्हा २५ व्या स्थानावरून घसरून २६ व्या क्रमांकावर आला आहे. तसेच गोगटे कॉमर्स आणि विज्ञान महाविद्यालयाची विद्यार्थिनी ध्वनी कुलकर्णीने वाणिज्य विभागात जिल्ह्यात पहिला, तर राज्यात दुसरा क्रमांक मिळवला. .कोल्हापूर : सरकारकडून थकीत बिले न मिळाल्याने कंत्राटदारांनी राज्यभरात मंगळवार (ता. ७) पासून कामबंद आंदोलन सुरू केले आहे. त्याचा पुढील भाग म्हणून आज जिल्हाधिकारी कार्यालय, जिल्हा परिषद, जलसंपदा विभाग, जलसंधारण विभाग, सार्वजनिक बांधकाम विभाग, पाणीपुरवठा विभाग कार्यालयाला निवेदन देऊन सोमवार (ता.१३) पासून सार्वजनिक बांधकाम विभाग कार्यालयासमोर बेमुदत धरणे आंदोलन करण्यात येईल, असा इशारा महाराष्ट्र कंत्राटदार महासंघातर्फे देण्यात आला. महिन्याभरात बिले न मिळाल्यास राज्यात कोणतेही काम होऊ देणार नाही, असेही त्यांनी कळविले आहे. .कोल्हापूर : शेतकरी सहकारी संघाच्या शनिवार (ता. ११) च्या संचालक मंडळाच्या बैठकीत उपाध्यक्षपदाचा राजीनामा मंजूर करण्याचा मुद्दा पाचव्या क्रमांकावर आहे. मात्र, यावेळी अध्यक्ष राजीनामा देणार नाहीत. बैठकीच्या अजेंड्यावरदेखील त्याचा उल्लेख नाही. त्यामुळे हा मुद्दा चर्चेचा ठरण्याची शक्यता आहे. शेतकरी सहकारी संघावर आता सर्वपक्षीय सत्ता आहे. विद्यमान अध्यक्ष बाबासाहेब शिंदे हे जनसुराज्य शक्ती पक्षाचे आहेत. उपाध्यक्षा असलेल्या अपर्णा पाटील या कॉंग्रेस पी. एन. पाटील गटाच्या होत्या. दोघांनाही अकरा महिन्यांचा कालावधी देण्याचे सर्वपक्षीय नेत्यांमध्ये ठरले होते. त्यामुळे उपाध्यक्षा पाटील यांनी अकरा महिन्यांची मुदत संपल्यामुळे राजीनामा दिला आहे..बंगळूर : बारावी (द्वितीय पीयूसी) परीक्षा-१ चा निकाल जाहीर झाल्यानंतर विद्यार्थ्यांसाठी परीक्षा-२ चे वेळापत्रक आणि मूल्यांकन प्रक्रियेबाबत शिक्षण विभागाने महत्त्वाची माहिती जाहीर केली. अनुत्तीर्ण विद्यार्थ्यांनी निराश न होता संबंधित विषयांची परीक्षा पुन्हा देण्याची संधी उपलब्ध करून दिली आहे. बारावीची दुसरी परीक्षा ३० एप्रिलपासून सुरू होऊन १३ मेपर्यंत चालणार आहे. या परीक्षेद्वारे विद्यार्थ्यांना आपले गुण सुधारण्याची संधी मिळणार आहे. मात्र, यावर्षी तिसरी परीक्षा घेण्यात येणार नसल्याचे शिक्षण विभागाने स्पष्ट केले आहे..सांगली : सांगली कृषी उत्पन्न बाजार समितीच्या प्रस्तावित त्रिभाजनाविरोधातील लढा आता न्यायालयात पोहोचला आहे. विद्यमान संचालक, शेतकरी संघटना, ग्रामपंचायती, विकास सोसायट्या आणि जत व कवठेमहांकाळ येथील शेतकऱ्यांनी अशा चार याचिका उच्च न्यायालयाच्या कोल्हापूर सर्किट बेंचमध्ये दाखल केल्या आहेत. या सर्व याचिकांवर उद्या (ता. १०) सुनावणी होणार आहे..Latest Marathi Live Updates 10 April 2026 : संतोष देशमुख यांच्या हत्येमुळे रिक्त झालेल्या मस्साजोग ग्रामपंचायतीच्या सरपंचपदाच्या पोटनिवडणुकीत त्यांच्या पत्नी अश्विनी देशमुख यांनी उमेदवारी अर्ज दाखल केला. या निवडणुकीत स्वरूपानंद देशमुख यांनीही अर्ज दाखल केला आहे. जिल्ह्यातील १६ सरपंच व ७२ सदस्यपदांची निवडणूक होत आहे. १३ एप्रिलपर्यंत उमेदवारी अर्ज भरता येणार आहेत. २८ एप्रिल रोजी मतदान आणि २९ एप्रिल रोजी मतमोजणी व निकाल जाहीर होईल. दरम्यान, २०२४ मध्ये सरपंच संतोष देशमुख यांचा अपहरणासह खून करण्यात आला. या प्रकरणाचा खटला विशेष मोका न्यायालयात सुरू आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : महिलांचे अश्लील व्हिडिओ काढणाऱ्या रवींद्र एरंडेवर आणखी एक फसवणुकीचा गुन्हा दाखल

Pune Live : महिलांचे अश्लील व्हिडिओ काढणाऱ्या रवींद्र एरंडेवर आणखी एक फसवणुकीचा गुन्हा दाखल

Related Stories