मुंबईतील विलेपार्ले येथे वाहतूक विभागाच्या कारवाईमुळे रिक्षा चालकांमध्ये संतापाचे वातावरण निर्माण झाले आहे. एका अतिरिक्त प्रवाशासाठी 12,200 दंड ठोठावल्याचा आरोप असून, रिक्षा जप्त केल्याने वाद वाढला. या त्रासाला कंटाळून सिगवन नावाच्या रिक्षा चालकाने फिनाईल पिऊन आत्महत्येचा प्रयत्न केला. मात्र, त्याला तात्काळ कूपर रुग्णालयात दाखल करण्यात आले. रिक्षा चालक संघटनांनी पोलिसांवर टार्गेट केल्याचा आरोप करत कारवाईची मागणी केली आहे.
