Latest Marathi News Live Updates : देश-विदेशासह राज्यात दिवसभरात काय घडलं? वाचा एका क्लिकवर

आंदोलन करण्यासाठी राष्ट्रीय महामार्ग रोखून धरल्याने, आता प्रहार संघटनेचे प्रमुख बच्चू कडू यांच्यासह १२ जणांविरोधात गुन्हा दाखल करण्यात आला आहे..कालपर्यंत तुम्ही काटे ला ओळखत नव्हता ना? प्रदेशाध्यक्ष म्हणून पद आणि जबाबदारीचे वितरण करणे हे तुमचे काम म्हणजे दीपक काटे या सराईत गुन्हेगाराला भाजूयूमोचे प्रदेश सरचिटणीस पद तुम्ही दिले. गुन्हेगाराच्या पाठीशी आहोत याचा कबुली जबाब देता...!! इतका कोडगेपणा येतो कुठून ? असा सवाल शिवसेना उद्धव बाळासाहेब ठाकरे पक्षाच्या उपनेत्या सुषमा अंधारे यांनी भाजपचे मंत्री चंद्रशेखर बावनकुळेंना केला आहे..बालासोर आत्मदहन प्रकरणाविरोधात काँग्रेस नेत्यांनी मेणबत्ती पेटवून निषेध केला. काल रात्री उशिरा भुवनेश्वरच्या एम्समध्ये उपचारादरम्यान पीडितेचा मृत्यू झाला.मुवानी शहरातील सुनी पुलाजवळ १३ जणांना घेऊन जाणारे वाहन कोसळून आठ जणांचा मृत्यू झाला. पोलिस अधिकारी घटनास्थळी पोहोचले आहेत आणि बचाव कार्य सुरू आहे..महायुतीची समन्वय बैठक थोड्याच वेळात सुरू होणार आहे. मंत्री शंभूराजे देसाई यांच्या बंगल्यावर शिवसेना भाजपा आणि राष्ट्रवादी अजित पवार गट अशी महायुतीची ही बैठक पार पडत असून या बैठकीसाठी मंत्री हसन मुश्रीफ दाखल झाले आहेत..एरंडोल येथे आठ दिवसांच्या विश्रांतीनंतर पावसाचे आगमन झाल्यामुळे शेतकरी वर्गात समाधान व्यक्त केले जात आहे.पावसामुळे गटारींचे पाणी रस्त्यावरुन वाहत असल्याने नागरीकांची तारांबळ उडाली..सोलापूरात मराठा समाजाच्या बैठकीत राडा झाला आहे..शहरात गेल्या १३ वर्षापासून सक्तीने वसूल करण्यात येणारी लोकवर्गणी रद्द करा तसेच जादाचा आकारण्यात येत असलेला शिक्षण कर कमी करा या मागणीसाठी नागरिकांनी पालिकेत जाऊन आंदोलन केले.यावेळी नागरिक मोठ्या संख्येने आक्रमक झाले होते.आधी झालेल्या ठरावानुसार कर आकारण्यात येत असून कायदेशीर बाबी तपासून जनहिताचे निर्णय घेण्याचे आश्वासन यावेळी मुख्याधिकारी तुषार नेरकर यांनी दिले.घरपट्टीवर आकारला जाणारा जादाचा कर यावर देखील नागरिकांनी नाराजी व्यक्त केली.अमळनेर व तालुका पत्रकार संघाने या मोर्चाचे नेतृत्व केले..घनसावंगी तालुक्यातील 96 ग्रामपंचायतीच्या सन 2025 त 30 या कालावधीत होणार्या ग्रामपंचायतीच्यानिवडणूकीकरीता सरपंच पदांच्या आरक्षणांची सोडत तहसील कार्यालय घनसावंगी येथे मंगळवार (ता.15) उपविभागीय अधिकारी उमाकांत पारधी यांच्या नियंत्रणा खाली तहसीलदार मोनाली सोनवणे यांच्या उपस्थितीत काढण्यात आले यात अनुसुचीत जातीकरीता 13 पैकी सात महिला, नागरिकांचा मागासप्रवर्गाकरीता 26 पैकी 13 महिला तर सर्वसाधारण 55 पैकी 28 अशा एकूण 96 ग्रामपंचायतीपैकी 49 ग्रामपंचायतीवर महिला राज असणार आहे. .करवीर तालुक्याला एक राज्यसभा खासदार ,एक लोकसभा खासदार, तीन आमदार असताना सुद्धा अनेक वर्ष इमारतीचा प्रश्न भिजत पडला आहे. आज जोरदार पाऊस झाला यावेळी सर्व विभागात गळती लागल्यामुळे वीज खंडित झाली, आणि अधिकारी कर्मचाऱ्यांनी काम बंद केले. कॉम्प्युटर, दप्तर भिजले यावेळी सर्व साहित्य झाकून ठेवले होते. यामुळे तालुक्यातून येणाऱ्या नागरिकांची गैरसोय झाली आहे.महापुरात पंचायत समितीमध्ये 12 फूट पाणी येत असते.दिव्यांगांचे पाच ट्रक साहित्य येऊन पडले आहे. याबाबत कोणतीही कार्यवाही नाही, यामुळे महापुरात दिव्यांगांच्या कुबड्या बुडणार आहेत असे चित्र आहे..उपजिल्हा रुग्णालयात जननी शिशू सुरक्षा योजनेचा बोजवारा उडाला आहे. आदिवासी प्रसूत महिलांना घरी पोहोचविण्यासाठी प्रशासनाकडे डिझेलला पैसेच नसल्याचे सांगत त्यांना वाऱ्यावर सोडले जात आहे. शासनाने आदिवासी महिलांची हेळसांड थांबविण्यासाठी डिझेलसाठी तत्काळ निधी उपलब्ध करून द्यावा अशी मागणी आहे. कळवण शंभर टक्के आदिवासी बहुल तालुका असून येथील उपजिल्हा रुग्णालयात प्रसूतीसाठी कळवण, दिंडोरी, सुरगाणा, सटाणा, देवळा तालुक्यातून महिला येत असतात. यात काही महिला नैर्सगिक पद्धतीने प्रसूत होतात तर काही महिलांचे सिझेरियन केले जाते. प्रसूती नंतर या महिलांची व नवजात शिशूंची योग्य देखभाल व औषधोउपचार करून घरी सोडले जाते. जननी शिशू सुरक्षा योजनेंतर्गत गरोदर मातेला प्रसूतीसाठी रुग्णालयापर्यंत व प्रसूतीनंतर घरी सोडण्यासाठी मोफत १०२ व १०८ रुग्णवाहिकेचा लाभ दिला जातो..क्रिकेटपटू यश दयालला उच्च न्यायालयाकडून दिलासा मिळाला आहे. न्यायालयाने त्याच्या अटकेवर बंदी घातली आहे. .पुण्यासह अनेक जिल्ह्यांसाठी आज पावसाचा ऑरेंज अलर्टपुणे, सातारा व कोकणातील घाटमाथ्यांवर आज जोरदार पावसाची शक्यताराज्यात पुढील चार दिवस पावसाची उघडीप – पाऊस काहीसा गायबमहाराष्ट्रात पावसाचा जोर येत्या चार दिवसांत कमी राहणारकोकण, मध्य महाराष्ट्र आणि विदर्भात पावसाचे प्रमाण घटणार.इगतपुरीतील बैठकीनंतर राज ठाकरे मुंबईकडे रवानासकाळच्या सत्रात नेते व पदाधिकाऱ्यांना राज ठाकरे यांचं मार्गदर्शनदुपारी नेत्यांशी चर्चा करून घेतली आढावा बैठकसंध्याकाळचं सत्र मनसे नेते बाळा नांदगावकर घेणार.यंदा कपाशीला योग्य भाव नसल्याने शेतकऱ्यांनी सर्वाधिक पेरणी ही मक्याची केली आहे. कपाशीपेक्षा जास्त पेरणी मक्याची केली असताना आता मात्र धुळे तालुक्यात मुसळधार पाऊस नसल्याने मका पिकावर लष्करी अळीचा प्रादुर्भाव झाला आहे. लष्करी अळी मक्याची पाने खाऊ लागले आहेत..प्रवीण गायकवाड यांच्यावर शाईफेक करणाऱ्या आरोपी दिपक काटे याला कोर्टात हजर केले. थोड्याच वेळात कोर्टात सुनावणीला होणार सुरुवात. अक्कलकोट तालुका प्रथम वर्ग न्याय दंडाधिकारी एम एम कल्याणकर यांच्या कोर्टात हजर केले जाणार..मुंबईमध्ये मुसळधार पाऊस सुरु आहे. मुंबई, ठाणे, रायगड मुसळधार पाऊस सुरु असून अलर्ट जारी करण्यात आला आहे. अंधेरी सबवेदेखील पाण्याखाली गेला आहे. घाटकोपरमध्ये पावसाचा जोर कायम असून पंतनगरमध्ये पाणी साचलं आहे. नवीमुंबईतही पावसाचा जोर वाढला असून APMC मार्केट परिसर जलमय झाला आहे..किल्ले रायगडचा पायरी मार्ग बंदरायगडचे जिल्हाधिकारी डॉ. किसन जावळे यांनी काढले आदेशरायगड जिल्ह्याला पावसाचा रेड अर्लट असून किल्ले रायगड परिसरात जोरदार पाऊस कोसळत असल्याने पायरी मार्ग बंदचे आदेश जारीपुढील आदेश येईपर्यंत पायरी मार्ग बंदीचे आदेश जारी रहाणार.'मी ब्राह्मण आहे इथे ब्राह्मणांचा जास्त चालत नसलं तरी, उत्तर प्रदेशमध्ये त्यांचं चालतं, असं मंत्री नितीन गडकरी म्हणाले आहेत. एका कार्यक्रमात ते उपस्थित होते. या कार्यक्रमादरम्यान, त्यांनी जात पात मानत नसल्याचं सांगितलं.'त्या ठिकाणी दुबे मिश्रा पांडे सगळे लठ्ठूबाज आहेत, त्यांचा मोठा दबाव आहे. मी यूपीमध्ये गेलो होतो तेव्हा माझ्याकडे तिथले काही लोक आले आणि म्हणाले की अटल बिहारी वाजपेयी यांच्यानंतर तुम्ही आमचे नेते आहे. मी त्यांना विचारलं का? तर ते म्हणाले तुम्ही ब्राह्मण आहात. मी त्यांना सांगितलं मी जातपात मानत नाही. लोकांना नेहमी म्हणतो जात-पात मानू नका. जेव्हा डॉक्टरकडे जातो तेव्हा आपण जात-पात पाहून जात असतो का? बिर्याणी खायला जाताना तेव्हा नाही पहात की ते कोणाचा दुकान आहे. सिनेमा पाहताना आपण दिलीप कुमारचे पाहतो तेव्हा आम्ही कोणाची जात-पात विचारत नाही'; असं नितीन गडकरी म्हणाले..- सततच्या पडणाऱ्या पावसाने महाबळेश्वरातील वेण्णा नदीचे पाणी रस्त्यावर- महाबळेश्वर - पाचगणी रस्त्यावर आले पाणी- पावसाचा आणखी जोर वाढला तर रस्त्यावरील वाहतुकीला होणार अडथळा- गेल्या दोन दिवसांपासून महाबळेश्वर पाचगणी परिसरात सतत पावसाच्या धारा सुरू.डॉ. आशिष पनशेट्टी यांचा भीषण कार अपघातात जागीच मृत्यूसोलापूर जिल्ह्यातील तडवळ येथील डॉ. आशिष पनशेट्टी यांचा भीषण कार अपघातात जागीच मृत्यू झालाय. हा अपघात सोलापुराहून तडवळकडे जाणाऱ्या रस्त्यावर घडला आहे. रात्रीचा सुमारास अपघात झाल्याने रस्तावर गर्दी नसल्याने त्यांना वेळीच वैद्यकीय मदत मिळाली नाही. त्यामुळेडॉक्टरांचा मृतदेह सहा तास गाडीत पडून होता..उपनगरातील काही सकल भागात चाचले पाणीमानखुर्द स्टेशन परिसरात साचले पाणीमानखुर्द परिसरात मोठ्या प्रमाणात पाणी साचल्यामुळे नागरिकांची तारांबळ.पुण्यातील राजीव गांधी प्राणी पार्क कात्रज येथील हरणांचा मृत्यूगेल्या ४ ते ५ दिवसात १४ हरणांचा मृत्यूमुळे एकच खळबळराजीव गांधी प्राणी उद्यानात सद्यस्थितीत ९८ हरिण यापैकी १४ हरणांचा मृत्यूनेमका हरणांचा मृत्यू कशामुळे झाला हे अद्याप समजू शकलेले नाही.दीपक काटेला दोन दिवसाची पोलिस कोठडीप्रवीण गायकवाड हल्लाप्रकरणी दीपक काटेला कोठडी.सरन्यायाधीश भूषण गवई यांच्या कार्यकाळात कोल्हापूरमध्ये मुंबई हायकोर्टाचे खंडपीठ होण्याच्या हालचालींना वेग आला आहे. गवई नोव्हेंबर महिन्यात होणार निवृत्त असून यापूर्वीच कोल्हापूरला खंडपीठ मिळेल अशा हालचाली सुरू आहेत. पश्चिम महाराष्ट्रासाठी अनेक वर्षांची खंडपीठाची प्रलंबित मागणी सुरू आहे..पुढील ३ तासांत पुणे आणि सातारा येथील घाटांमध्ये वादळांसह जोरदार पाऊस पडण्याची शक्यता आहे. नागरिकांनी सतर्कता बाळगावी. अशी माहिती हवामान विभागाने दिली..काही दिवसांपासून दडी मारलेल्या पावसाने रात्रीपासूनच जिल्ह्यामध्ये दमदार कमबॅक केला. रत्नागिरीतील संगमेश्वर तालुक्याला मुसळधार पावसाने अक्षरशः झोडपून काढले. यामुळे नदी, नाले ओसंडून वाहत आहेत. शास्त्री पूल, कसबा भागांमधील साकवावरून देखील पाणी ओसंडून वाहत आहे. नद्यांच्या पाणीपातळीत देखील वाढ झाली आहे. संगमेश्वर मध्ये १४२ मिलिमीटर इतक्या पावसाची नोंद झाली. त्यामुळे रखडलेल्या लावणी कामांना देखील वेग आला आहे..सरकार मद्य विक्रीचे नवीन परवाने देणार या विरोधात महाविकास आघाडीने विधान भवनाच्या पायऱ्यांवर आंदोलन केले. बाटलीवाल्या सरकारचा धिक्कार असो, दारूवाल्या सरकारचा धिक्कार असो अशा घोषणा देण्यात आल्या..मुंबई मेट्रो मार्ग २(A) आणि ७ वर प्रवाशांची वाढती संख्या लक्षात घेऊन, बुधवारपासून मेट्रो सेवा अधिक गतिमान करण्यात आली आहे. आता दररोज ३०५ फेऱ्या चालवल्या जाणार असून, गर्दीच्या वेळेत २१ अतिरिक्त फेऱ्या उपलब्ध करून देण्यात आल्या आहेत. नव्याने समाविष्ट करण्यात आलेल्या ३ ट्रेनसेट्समुळे ट्रेनच्या फेऱ्यांमधील अंतर ६:३५ मिनिटांवरून कमी करून ५:५० मिनिटांवर आणण्यात आले आहे. त्यामुळे प्रवास अधिक जलद, सोयीस्कर आणि वेळेची बचत करणारा ठरणार आहे. मुंबईकरांसाठी ही सुविधा म्हणजे वाहतूक कोंडी आणि गर्दीवरचा एक महत्त्वाचा उपाय ठरणार आहे..धारावी पुनर्वसन प्रकल्पासाठी ५८ एकर भूखंड देण्याच्या निर्णयावरून मुलुंडमध्ये स्थानिक संतप्त झाले असून, आमदारांच्या मौनव्रतावर त्यांनी तीव्र शब्दांत टीका केली आहे. "काही दिसत नाही, काही बोलत नाही, काही ऐकत नाही!" अशा शब्दांत महात्मा गांधींच्या तीन माकडांचा संदर्भ देत आमदारांच्या भूमिकेवर प्रश्नचिन्ह उपस्थित करण्यात आलं आहे. सध्या झळकलेल्या एका बॅनरवर "एक स्क्वेअर फीट नाही तर अख्खी ५८ एकर जागा दिली.... आता काय लोकं रहायला आल्यावर आवाज उचलणार?" अशी खोचक विचारणा करण्यात आली आहे. 'जागरूक मुलुंडकर' या नावाने झळकलेल्या या बॅनरमुळे स्थानिकांच्या मनात असलेली अस्वस्थता आणि प्रश्न समोर येत आहेत. नागरिकांचा आरोप आहे की, इतक्या मोठ्या निर्णयावर आमदारांनी ना कोणती भूमिका घेतली, ना जनतेशी संवाद साधला. त्यामुळे लोकांमध्ये नाराजी, संभ्रम आणि विश्वासाचा अभाव पसरलेला आहे. धारावीतील पुनर्वसनासाठी जागा देणं हा निर्णय मुलुंडच्या भविष्यासाठी महत्त्वाचा आहे, मात्र स्थानिकांच्या भावनांचा विचार न करता घेतलेल्या या निर्णयामुळे राजकीय व सामाजिक स्तरावर मोठं वादंग निर्माण होण्याची चिन्हं आहेत..कोकणात जोरदार पावसाने हजेरी लावली असून रायगडमध्ये रेड अलर्ट जारी करण्यात आला आहे. अनेक ठिकाणी पूल पाण्याखाली गेले असून गावांचा संपर्क तुटला आहे. .मराठीबद्दल वादग्रस्त वक्तव्य केल्या प्रकरणी भाजप खासदार निशिकांत दुबे यांना मनसेचे सुदाम कोंबडे यांनी मानहानीची नोटीस बजावली आहे. .जगप्रसिद्ध धावपटू फौजा सिंग यांचा काल पंजाबमधील जालंधरमध्ये अज्ञात वाहनाच्या धडकेत मृत्यू झाला. ते 114 वर्षांचे होते. त्यांच्या निधनाबाबत पंतप्रधान नरेंद्र मोदी यांनी शोक व्यक्त केला आहे..बॉम्बे स्टॉक एक्स्चेंज बॉम्बने उडवून देण्याची धमकी देण्यात आली आहे. बीएसईच्या अधिकृत संकेतस्थालवर ईमेल द्वारे ही धमकी देण्यात आली आहे. .दीनानाथ मंगेशकर रुग्णालयायला पुणे महापालिकेने दणका दिला आहे. मिळकत करात सुट देऊनही थकबाकी कायम असल्याने महापालिका रुग्णालयाला नोटीस बजावणार आहे. .आंतरराज्य घरफोडी व चोरी करणाऱ्या दोन सराईत आरोपींना कर्नाटकातील बेंगलोर येथून स्थानिक गुन्हा अन्वेषण शाखेच्या पथकाला शिताफीने जेरबंद करण्यात यश आले आहे. या घरफोडी आणि मोटरसायकल चोरी प्रकरणातील अजूनही काही आरोपींचा तपास सुरू आहे. या प्रकरणातील दोन्ही आरोपींना पोलीस कोठडी देण्यात आली आहे. शंकर मधुकर पवार उर्फ (हडया) आणि राजू मधुकर पवार उर्फ (उड्या ) या दोघांचीही पोलीस कसून चौकशी करत असून उर्वरीत फासेपारधी आंतरराज्य टोळी पकडण्यात दिशा मिळेल अशी माहिती जिल्हा पोलीस अधीक्षक मोहन दहीकर यांनी दिली आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Updates : देश-विदेशासह राज्यात दिवसभरात काय घडलं? वाचा एका क्लिकवर

बच्चू कडूंसह १२ जणांविरोधात गुन्हा दाखल

Related Stories