Latest Marathi News Live Update : भाजपचा विजयरथ सुसाट! मुंबईसह राज्यातील दहा महापालिकांमध्ये कमळ स्वबळावर फुलले

मालेगाव : येथील महापालिकेच्या निवडणुकीत २१ प्रभागांतील १९ हजार मतदारांनी ‘नोटा’ला मतदान करून उमेदवारांना नाकारले. ‘नोटा’ला सर्वाधिक प्रभाग १९ मध्ये एक हजार ६९७ मतदान झाले आहे, हे विशेष..नागाव : फॅब्रिकेशनचे काम करताना विजेच्या धक्क्याने बेळगावच्या तरुणाचा मृत्यू झाला. सागर शिवानंद बावकर (वय ३८, सध्या रा. कासेगाव, जि. सांगली, मूळ रा. रामतीर्थ गल्ली, हलशी, ता. खानापूर, जि. बेळगाव) असे त्याचे नाव आहे. नागाव (ता. हातकणंगले) येथील बाळूमामा कॉलनी, माळवाडी येथे आज सकाळी ही दुर्घटना घडली. याबाबत घटनास्थळ व पोलिसांकडून मिळालेली माहिती अशी, नागाव येथील बाळूमामा कॉलनी येथे तानाजी पुजारी यांच्या इमारतीचे बांधकाम सुरू आहे. या इमारतीचे फॅब्रिकेशनचे काम बेळगाव येथील सागर बावकर हा तरुण करत होता. आज सकाळी लवकर तो कामाच्या ठिकाणी आला होता. इमारतीच्या दुसऱ्या मजल्यावरून टेरेसवर जाण्यासाठी जिना बसविण्याचे काम सुरू होते. टेरेसवर जाण्यासाठी लोखंडी शिडी लावत असताना इमारतीच्या वरून गेलेल्या सर्व्हिस वायरला शिडीचा स्पर्श झाला. त्यामुळे सागरला विजेचा धक्का बसला. तो दुसऱ्या मजल्यावरून खाली पडला आणी जागीच मृत झाला. .गडहिंग्लज : जिल्हा परिषद व पंचायत समिती निवडणुकीचे रणांगण सुरू झाले आहे. या निवडणुकांना सामोरे जाण्यासाठी राजकीय पक्ष व गटांच्या जोर बैठका वाढल्या आहेत. एकीकडे दोन्ही राष्ट्रवादीमध्ये जागा वाटपाची, तर दुसऱ्या बाजूने महाविकास आघाडीतील घटक पक्षांच्या हालचाली वेगावल्या आहेत. तालुक्यात जिल्हा परिषदेचे पाच गट व पंचायत समितीचे दहा गण आहेत. यातील गिजवणे-कडगाव गट कागल, तर उर्वरित भडगाव, नेसरी, नूल व हलकर्णी हे चार गट चंदगड विधानसभा मतदारसंघाला जोडलेले आहेत. या निवडणुकीसाठी दोन्ही राष्ट्रवादी एकत्र येण्याच्या हालचाली वेगावल्या आहेत. त्यांच्यातील जागा वाटपाच्या जौर बैठकाही वाढल्या आहेत. जागा वाटपाचा तिढा संपता संपेना झाल्याने अखेर मंत्री हसन मुश्रीफ यांच्यासमोर याबाबत चर्चा होणार आहे. दुसऱ्या बाजूने काँग्रेस, शिवसेना (ठाकरे गट), स्वाभिमानी संघटना व वंचित अशी महाविकास आघाडी साकारण्याचा प्रयत्न आहे. त्यांचीही पहिली बैठक गडहिंग्लजमध्ये झाली असून, जागा वाटपाची प्राथमिक चर्चा सुरू आहे. .रायगडच्या खालापूर पोलिसांनी गुटखा तस्करांविरोधात मोठी कारवाई करत 64 लाख रूपयांचा गुटखा जप्त केला आहे. ही कारवाई मुंबई-पुणे एक्सप्रेस वेवर टोल नाक्याजवळ करण्यात आली आहे. या प्रकरणी शेख रशीद रहेमान आणि गणेश वानखेडे अशा दोन आरोपींना अटक करण्यात आली आहे. .नवी मुंबई महानगरपालिका निवडणुकीत भारतीय जनता पक्षाला मिळालेल्या दणदणीत विजयाच्या पार्श्वभूमीवर भाजपचे प्रदेशाध्यक्ष रवींद्र चव्हाण क्रिस्टल हाऊस येथे उपस्थित राहणार आहेत. नवी मुंबईत भाजपला बहुमतात महापालिकेची सत्ता मिळाली आहे, त्यामुळे भाजपचा महापौर होणार आहे..कोल्हापूर : महावितरणकडून काळम्मावाडी ३३ केव्ही उपकेंद्र येथे आयसोलेटर बसविण्याचे काम सोमवारी व मंगळवारी (ता. १९ व २०) हाती घेण्यात येणार आहे. यादरम्यान विद्युत पुरवठा बंद राहणार असल्याने काळम्मावाडी थेट पाईपलाईन योजनेतून शहराला होणारा पाणीपुरवठा बंद राहणार आहे. पर्याय म्हणून शिंगणापूर, बालिंगा व नागदेववाडी येथील उपसा केंद्रांतून पाणीपुरवठा सुरू ठेवण्यात येणार आहे. त्यामुळे अपुरा, कमी दाबाने पाणी मिळणार आहे. .कोल्हापूर : शहराचे लक्ष लागून राहिलेल्या इंद्रजित बोंद्रेविरुद्ध शिवतेज खराडे लढतीच्या निकालानंतर काल शिवाजी पेठेत याचे पडसाद उमटले. विजयाचा जल्लोष करणाऱ्या कार्यकर्त्याला झालेल्या मारहाणीनंतर दोन्ही गट समोरासमोर आल्याने धुमश्चक्री उडाली. मर्दानी खेळाचा आखाडा येथे सायंकाळी चारच्या सुमारास झालेल्या दगडफेकीत माजी महापौर सई खराडे, अजित खराडे यांच्यासह बोंद्रे गटातील तिघे जखमी झाले. दोन घरांची तोडफोड झाली. जीपसह चार वाहनांचे नुकसान झाले. परिसरात मोठा बंदोबस्त तैनात आहे. .Latest Marathi Live Updates 17 January 2026 : भाजपचा विजयरथ सुसाट सुटला. मुंबईसह राज्यातील दहा महापालिकांमध्ये कमळ स्वबळावर फुलले. जनतेने ‘विकासा’च्या मुद्याला साथ देत पुन्हा एकदा भाजपवरच विश्वास दाखविला. देवाभाऊ... हे भाजपच्या विजयाचे शिल्पकार ठरले आहेत. एकनाथ शिंदे यांनी ठाण्याचा गड राखला पण पुणे आणि पिंपरी चिंचवडमध्ये मात्र ‘राष्ट्रवादी’चे घड्याळ बंद पडल्याने अजितदादांच्या पदरी निराशा पडली. मुंबईमध्ये ठाकरे बंधूंनी शेवटपर्यंत कडवी लढत दिली पण अखेरीस त्यांना पराभवाचे तोंड पाहावे लागले. आता प्रथमच मुंबईचे महापौरपद भाजपकडे येईल. लातूर आणि चंद्रपूरचे गड काँग्रेसने पुन्हा भाजपकडून खेचून आणले. याशिवाय देश आणि राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन तसेच मान्सूनविषयक अपडेट्स जाणून घेण्यासाठी एका क्लिकवर सविस्तर माहिती मिळवा....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : भाजपचा विजयरथ सुसाट! मुंबईसह राज्यातील दहा महापालिकांमध्ये कमळ स्वबळावर फुलले

Malegaon Municipal Corporation Election : मालेगाव महापालिका निवडणुकीत १९ हजारांवर मते 'नोटा'ला

Related Stories