Latest Maharashtra News Updates : दिवसभरात देश-विदेशात काय घडलं? जाणून घ्या एका क्लिकवर

अंधेरी पश्चिम आणि वर्सोवा येथील पाईपलाईनवर व्हॉल्व्ह बदलणे आणि दुरुस्तीच्या कामामुळे पाणीपुरवठा बंद राहणार आहे. यामुळं गुरुवारी दुपारी दोन ते शुक्रवारी पहाटे एक वाजेपर्यंत असा एकूण 11 तास पाणीपुरवठा बंद राहील. पुरेसा पाणीसाठा करून पाण्याचा काटकसरीने वापर करण्याचा महापालिकेच्या के पश्चिम विभागानं नागरिकांना सल्ला दिला आहे. यामुळं के-पश्चिम वॉर्ड मधील अंधेरी, जुहू, विलेपार्ले - पश्चिम, जुहू, चार बंगला सात बंगला भागातील पाणीपुरवठ्यावर परिणाम होणार आहे. .कात्रज: सोमवार (ता. १६) पासून शाळा सुरु झाल्या. मात्र कात्रजमधील मुनोत प्राथमिक आणि माध्यमिक विद्यालय शिक्षक आणि संस्थाचालक यांच्या संघर्षामुळे बंद होती. ती आज (ता. १८) चालू करण्याचे आदेश राज्याचे माध्यमिक व उच्च माध्यमिक शिक्षण संचालक डॉ. महेश पालकर यांनी दिले..महाराष्ट्र सरकारने पहिली ते पाचवीच्या वर्गांमध्ये हिंदी भाषा सक्तीची केल्याच्या निर्णयाविरोधात महाराष्ट्र नवनिर्माण सेना मुलुंड विभागातर्फे बुधवारी संध्याकाळी मुलुंड पूर्व रेल्वे स्टेशनबाहेर मूक निदर्शने करण्यात आली. ही निदर्शने मनसे नेते सत्यवान दळवी यांच्या नेतृत्वाखाली झाली असून, कार्यकर्ते भर पावसात भिजत सरकारच्या निर्णयाविरोधात शांततेत आंदोलन करत होते. .मदरशात 11 वर्षांच्या मुलीला विजेचा शॉक देऊन त्याची हत्या करण्यात आली. हातकणंगले तालुक्यातील निजामिया मदरशामधील ही धक्कादायक घटना आहे. मदरशाला सुट्टी मिळावी म्हणून आरोपीने मुलीची हत्या केली. पोलिसांकडून या घटनेबाबत अधिक तपास सुरू आहे..तुळजापूरमध्ये बँक कर्ज देण्यास टाळाटाळ करत असल्याने शेतकऱ्यांचे तीन दिवसांपासून महाराष्ट्र बँकेच्या दारात आमरण उपोषण सुरू आहे. आज उपोषणाचा तिसरा दिवस असून शेतकऱ्यांची प्रकृती खालावली आहे. सिबिलचे कारण सांगून कर्ज देण्यास टाळाटाळ केल्याचा आरोप उपोषणकर्त्या शेतकऱ्यांनी केला आहे..परिवहन मंत्री नितीन गडकरी यांनी बुधवारी एक मोठी घोषणा केली. मंत्री म्हणाले की, 15 ऑगस्टपासून 3000 रुपयांचा वार्षिक फास्टॅग पास सुरू होणार आहे..नंदुरबार शहरात गेल्या तासभरापासून मुसळधार पाऊस सुरू आहे. या जोरदार पावसामुळे शहरातील अनेक ठिकाणी पाणी साचले असून, नाले सफाई न झाल्याने नाल्यांचे पाणी रस्त्यावर आले आहे. त्यामुळे नागरिकांना मोठ्या गैरसोयींचा सामना करावा लागत आहे..विसरवाडीहून नंदुरबार जिल्हा रुग्णालयात गरोदर महिलेला घेऊन जात असलेली 108 रुग्णवाहिका भादवड गावाजवळ अपघातग्रस्त झाली.रुग्णवाहिका भरधाव वेगाने जाऊन रस्त्यालगतच्या दुकानात घुसली, त्यामुळे गरीब कुटुंबाचे मोठे आर्थिक नुकसान झाले.सुदैवाने या अपघातात कोणालाही दुखापत झाली नाही आणि जीवितहानी टळली..महाराष्ट्र राज्यातील शालेय शिक्षणात त्रिभाषा सूत्र लागू करून हिंदी भाषा सक्तीची करण्याचा शासनाचा निर्णय मनसेने धिक्कारण्यास सुरुवात केली आहे. याच पार्श्वभूमीवर आज उल्हासनगर उपविभागीय कार्यालयाच्या बाहेर महाराष्ट्र नवनिर्माण सेनेकडून या शासन निर्णयाची होळी करण्यात आली.या वेळी मनसेच्या पदाधिकाऱ्यांनी उपविभागीय अधिकाऱ्यांना निवेदन सादर करत स्पष्ट इशारा दिला की, "महाराष्ट्रात कोणत्याही परिस्थितीत हिंदी भाषा लादू दिली जाणार नाही. त्रिभाषा सूत्राचा राष्ट्रीय शिक्षण धोरणाशी काहीही संबंध नाही. त्यामुळे हा निर्णय तात्काळ रद्द करण्यात यावा."मनसेचे जिल्हाध्यक्ष म्हणाले, "जर हा शासन निर्णय तात्काळ रद्द केला गेला नाही, तर मनसेला संपूर्ण महाराष्ट्रभर आंदोलनाचा मार्ग पत्करावा लागेल.".मुख्यमंत्री देवेंद्र फडणवीस यांनी आज संतपीठ, चिखली येथे प्रेक्षागृह व कलादालनाच्या उदघाटन कार्यक्रमात 'अक्षर संस्कार' मालिकेच्या या विविध इयत्तांच्या पुस्तकांचे प्रकाशन केले. यामध्ये बालवर्गापासून इयत्ता चौथीपर्यंतच्या अभ्यास-पुस्तिकांचा समावेश आहे..हिंदी भाषेबाबत केंद्रात प्रश्न विचारणार - राऊतमहाराष्ट्रातील लोक चांगले हिंदी बोलतात शालेय अभ्यासक्रमात हिंदी सक्ती कशाला? हिंदी भाषा मुदद्यावर राऊतांची पप्रतिक्रिया.मुख्यमंत्री बोलत असताना ड्रोन पडला.आज दुपारी आषाढी वारीसाठी संत तुकाराम महाराजांच्या पालखीला प्रस्थान झाले. परंतु काही कारणास्तव दिंड्या थांबवल्यामुळे वारकरी आक्रमक .झाले.- धुळे शहरातील वडजाई रोडवरील वाहतुकीस अडथळा ठरणारे अतिक्रमण महापालिकेने हटवले आहे. - गेल्या आठ दिवसांपासून शहरातील विविध ठिकाणी रस्त्यालगत असलेली आणि वाहतुकीस अडथळा निर्माण करणारी अतिक्रमणे महापालिकेच्या वतीने काढून टाकण्यात येत आहेत. - यामध्ये अनेक पत्र्याचे शेड व हातगाड्यांची अतिक्रमणे अतिक्रमण विभागाने हटवली आहेत..मुंबई-अहमदाबाद महामार्गावर प्रचंड वाहतूक कोंडी झाली असून ८-१० किलोमीटरपर्यंत वाहनांची रांग लागली आहे.सरकारकडून वारकऱ्यांना मोठा दिलासा मिळाला आहे. आषाढी वारीतील ९०२ दिंडीस प्रत्येकी २०, ००० रुपये असे एकूण १,८०, ४०, ००० रु.उप मुख्यमंत्री एकनाथ शिंदे यांच्या निर्देशाने तात्काळ निधी सुपूर्द करण्याची कार्यवाही पूर्ण झाली. आज किंवा उद्या तो निधी खात्यात थेट वर्ग होईल. उर्वरित दिंडीची माहिती घेणे प्रारंभ..तेलंगाणातील बेगमपेट विमानतळ बॉम्बने उडवून देण्यची धमकी देण्यात आली आहे, बेगमपेटचे एसीपींनी सांगितले की, "आज सकाळी बेगमपेट विमानतळाला बॉम्बची धमकी देणारा मेल मिळाला. आम्ही सध्या बॉम्ब शोधक पथकासह विमानतळ आणि त्याच्या परिसराची कसून तपासणी करत आहोत. अधिक माहिती नंतर दिली जाईल.".आज देहूतून तुकाराम महाराजांच्या पालखीचे प्रस्थान होणार आहे. लाखो वारकरी यामध्ये सहभागी झाले आहेत. .राज ठाकरेंच्या आदेशानंतर मनसे शिष्टामंडळ दादरच्या साने गुरुजी विद्यालयात दाखल झाले आहेत..भारतीय नौदलाला मिळणार आणखी बळकटी, आज विशाखापट्टणम इथं आयएनएस अर्नाळा भारतीय नौदलात दाखल होणार आहे. .केदारनाथमध्ये भूस्खलन झाल्याने २ जणांचा मृत्यू झाल्याची माहिती समोर आली आहे. .मराठी भाषा आणि संस्कृतीच्या मुद्द्यावर नेहमीच आग्रही भूमिका घेणाऱ्या महाराष्ट्र नवनिर्माण सेनेने (मनसे) हिंदी भाषेच्या सक्तीविरोधात पुन्हा एकदा आक्रमक पवित्रा घेतला आहे. हिंदी भाषेची अनावश्यक सक्ती केली जात असल्याचा आरोप करत, मनसेच्या कार्यकर्त्यांनी मुंबईत हिंदी पुस्तकं जाळून आपला तीव्र निषेध नोंदवला..संत तुकाराम महाराजांच्या पादुका दर्शनासाठी मंदिरात आल्या आहेत पूजा झाल्यानंतर दर्शनासाठी पादुका मंदिरात आणण्यात आल्यात. काही वेळात पूजेला सुरुवात होईल. पादुकांनी मंदिरात दर्शन घेतल्यानंतर मंदिराच्या बाहेर पादुका पडल्या..राज ठाकरेंनी पत्रकार परिषदेत सांगितले की गुजरात सारख्या राज्यात हिंदी लादलेली नाही तर मग महाराष्ट्रात का लादली जात आहे. असा सवाल करत म्हणाले की शाळांमध्ये हिंदी कशी शिकवली जाते तेच पाहतो असा इशाराही त्यांनी यावेळी दिली. .एका राज्याची भाषा आमच्या राज्यातील कोवळ्या मुलांवरती लादण्याचा का प्रयत्न का करताय हा सवाल राज ठाकरे यांनी केला, ते म्हणाले की, हिंदी भाषा लादून सुसंस्कृत महाराष्ट्र काबीज करण्याचा डाव आहे आपण ओळखले पाहिजे. .राज ठाकरे यांनी तातडीची पत्रकार परिषद बोलावल असून यात ते काय बोलणार याकडे सर्वांचे लक्ष लागले आहे. .मुंबईसह उपनगरात सकाळपासून काही भागात मुसळधार पाऊस सुरू आहे. या पावसामुळे हार्बरवरील लोकल वाहतूक विस्कळीत झाली असून गाड्या उशिराने धावत आहेत. सकाळी कामावर जाण्याच्या वेळेत लोकलचा खोळंबा झाल्याने संताप व्यक्त केला जात आहे. हार्बर लाइनवर स्थानकांमध्ये प्रवाशांची मोठी गर्दी झाली आहे..उपमुख्यमंत्री अजित पवार संत तुकाराम महाराजांच्या पादुकांचे दर्शन घेणार आहेत. तुकोबारांयांच्या पालखी प्रस्थान सोहळ्यापूर्वी अजित पवार हे देहूत दाखल झाले आहेत. पालखी सोहळ्याचा आढावा घेतल्यानंतर ते बारामतीला रवाना होतील..मुंबईत काही भागात मुसळधार पाऊस पडत आहे. ठाणे, कल्याण, डोंबिवलीत जोरदार पावसानं हजेरी लावलीय. तर काही भागात ढगाळ वातावरण असून मुसळधार पावसाची शक्यता वर्तवण्यात आलीय..ग्रामविकास मंत्री जयकुमार गोरे यांची बदनामी केल्याप्रकरणी लय भारी यूट्यूब चैनल चे पत्रकार तुषार खरात यांना पोलिसांनी विविध गुन्ह्यामध्ये अटक केली होती या प्रकरणात 102 दिवसांच्या कारावासानंतर पत्रकार तुषार खरात यांची वडूज सत्र न्यायालयाने जामीनावर सुटका केली आहे. ॲट्रॉसिटी, विनयभंग,खंडणी अशा गुन्ह्यांमध्ये पोलिसांनी अटक केली होती. कारागृहामध्ये असताना त्यांनी अन्न त्याग आंदोलन देखील केले होते.. .इराण इस्त्रायल युद्धाला अधिकृत सुरुवात झाली आहे. इराणने यासंदर्भातील घोषणा केली आहे. रात्री इराणकडून इस्त्रायलच्या काही ठिकाणांवर हल्ले करण्यात आले. .निवडणुकीच्या पार्श्वभूमीवर कल्याण जोडी 27 गावांच्या प्रश्न ऐरणीवर आला आहे . एकीकडे 27 गाव संघर्ष समितीकडून या 27 गावांचे स्वतंत्र नगरपालिका करण्याचे मागनी पुन्हा एकदा केली जाते तर दुसरीकडे 27 गावे केडीएमसीतच राहावीत यासाठी न्यायालयात याचिका दाखल करणारे संदीप पाटील यांनी 27 गावे आता निघणार नाहीत असे मत ठामपणे व्यक्त केलंय . त्यामुळे कल्याण डोंबिवली महापालिकेचा निवडणुका या 27 गावासहहोतात की 27 गाव वगळून होतात याकडे आता सर्वांचेच जास्त लक्ष लागलं आहे..मुंबई गोवा महामार्गावरून प्रवास करीत असताना पुन्हा खड्डयांचा त्रास सहन करवा लागत आहे. मुंबई गोवा महामार्गाचे बऱ्याचअंशी काँक्रिटीकरण पुर्ण झाले असले तरी माणगाव, रोहा आणि पेण परिसरात उड्डाण पुलांची काम अपूर्ण आहेत. यादरम्यान तयार केलेल्या सर्व्हिस रोडची पावसाचे पाणी साचुन पार दुरावास्था झाली आहे. गडब, नागोठणे आणि लोणेरे येथील या सर्व्हिस रोडवर मोठे खड्डे पडले असून यातुन मार्ग काढताना वाहन चलकांना तारेवरची कसरत करावी लागत आहे. प्रशासनाने याकडे लक्ष द्याव अशी मागणी केली जात आहे.राज ठाकरे यांनी आज तातडीची पत्रकार परिषद बोलवली आहे. सकाळी ११.३० वाजता ही पत्ररकार परिषद आयोजित करण्यात आली आहे. यावेळी राज ठाकरे काय बोलणार? याकडे सर्वांचे लक्ष लागलं आहे..निपाणी : येथील माजी आमदार काकासाहेब पांडुरंग पाटील (वय ७१) यांचे बेळगाव येथील रुग्णालयात बुधवारी (ता. १८) अल्पशा आजाराने निधन झाले. माजी आमदार काकासाहेब पाटील (Kakasaheb Patil Passes Away) यांची मागील काही दिवसांपासून प्रकृती ठीक नसल्याने त्यांना गेले ४० दिवस बेळगावमधील केएलई रुग्णालयात (KLE Hospital) दाखल करण्यात आले होते. .देहू : जगद्गुरू संत तुकाराम महाराज यांचा आषाढी वारी पालखी सोहळा बुधवारी (ता. १८) दुपारी अडीच वाजता देहूतून पंढरपूरकडे प्रस्थान ठेवणार आहे. लाडक्या विठुरायाला भेटण्यासाठी या सोहळ्यासोबत जाणारा लाखो वैष्णवांचा मेळा देहू येथे मंगळवारी सायंकाळपर्यंत टप्प्याटप्प्याने दाखल झाला असून टाळ मृदंगाच्या गजराने देहूनगरी दुमदुमली आहे. प्रस्थानानंतर पालखी सोहळा दुसऱ्या दिवशी पंढरपूरकडे मार्गस्थ होतो..Latest Marathi Live Updates 18 June 2025 : निपाणी येथील माजी आमदार काकासाहेब पांडुरंग पाटील (वय ७१) यांचे बेळगाव येथील रुग्णालयात आज अल्पशा आजाराने निधन झाले. तसेच जगद्गुरू संत तुकाराम महाराज यांचा आषाढी वारी पालखी सोहळा बुधवारी (ता.१८) दुपारी अडीच वाजता देहूतून पंढरपूरकडे प्रस्थान ठेवणार आहे. इराण आणि इस्राईल यांच्यातील संघर्ष शिगेला पोहोचला असल्याने भारत सरकारने नव्या मार्गदर्शक सूचना जारी करत इराणची राजधानी तेहरानमध्ये अडकलेल्या भारतीय नागरिक आणि विद्यार्थ्यांना तेथून बाहेर पडण्यास सांगितले आहे. बंगळूरमधील चिन्नास्वामी स्टेडियममध्ये झालेल्या चेंगराचेंगरीच्या घटनेप्रकरणी भाजपने मुख्यमंत्री, उपमुख्यमंत्री आणि गृहमंत्र्यांच्या राजीनाम्याची मागणी करत जोरदार निदर्शने केली. सोन्याच्या फसवणूकप्रकरणी बंगळूरमधील पहिल्या सीसीएच न्यायालयाने मंगळवारी अभिनेत्री ऐश्वर्या गौडा हिला सशर्त जामीन मंजूर केला. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : दिवसभरात देश-विदेशात काय घडलं? जाणून घ्या एका क्लिकवर

Pune Live : पुण्यात जेजुरी-मोरगाव रोडवर भीषण अपघात; सात जणांचा मृत्यू

Related Stories