Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

सोशल मीडिया प्लॅटफॉर्म एक्स डाऊन झालं असून जगभरातील युजर्सना याचा फटका बसला आहे..नाशिक जिल्हा परिषदेत सापळा रचून लाचलुचपत प्रतिबंधक विभागाने कारवाई केली आहे. जिल्हा परिषदेतील क्लास वन अधिकाऱ्याला लाच घेताना रंगेहाथ पकडलं. जिल्हा परिषदेतील लघु पाटबंधारे विभागातील कार्यकारी अभियंता वैशाली ठाकरे यांना लाच घेताना रंगेहाथ पकडल्याची माहिती आहे..ठाण्यातील घोडबंदर रोड मुल्ला बाग या ठिकाणी सेंट्रॉप इमारतीच्या सातव्या मजल्यावर अचानक आग लागली आहे. पालिकेचे अग्निशमन दल पोहचले आहे. आग आटोक्यात आणण्याचे काम सुरू आहे. .धाराशिव जिल्ह्यात सलग दुसऱ्या दिवशी अवकाळी पावसाने हजेरी लावली आहे. कळंब तालुक्यातील येरमाळा परिसरामध्ये आज जोरदार पाऊस कोसळला. सुमारे एक तास झालेल्या या अवकाळी पावसामुळे गाव परिसरात सर्वत्र पाणी साचल्याचे चित्र पाहायला मिळाले..मुंबई-पुणे एक्स्प्रेस वेवर अपघात झाला आहे. पुण्याहून मुंबईकडे जाणाऱ्या कंटेनरचा ब्रेक फेल होऊन कंटेनरने तीन वाहनांना धडक दिली. अपघातग्रस्त कंटेनर शेजारून जाणाऱ्या कारवर उलटल्याने कारमधील तिघांचा मृत्यू झाला आहे. खंडाळा इथल्या आडोशी बोगद्याजवळ हा अपघात झाला. या अपघातामुळे मुंबईकडे जाणाऱ्या लेनवर काही वेळ वाहतूक कोंडी झाली. महामार्ग पोलीस घटनास्थळी दाखल झाले आहेत. अपघातग्रस्त वाहन बाजूला करून रस्ता वाहतुकीस खुला करण्यात आला आहे..कोल्हापूर जिल्ह्यातील अनेक ठिकाणी गारांचा पाऊस शिरोली एम आय डी सी सह आजरा इथं गारांचा पाऊस.जिल्हा परिषद शाळेतून तीन सिलिंडर चोरीलाहिंगोलीमधील धक्कादायक प्रकारशाळेच्या किचनचे लॉक तोडून तीन सिलिंडर चोरलेकळमनुरी तालुक्यातील सुकळी वीर येथील घटनापोलीस ठाण्यात तक्रार दाखल.पेट्रोलियम मंत्रालयाच्या सहसचिव (तेल, रिफायनरी) सुजाता शर्मा यांनी सांगितले की, एलपीजीची परिस्थिती चिंताजनक आहे. कच्च्या तेलाचा पुरेसा साठा उपलब्ध आहे. रिफायनरींमधून होणारे देशांतर्गत एलपीजी उत्पादन अंदाजे 40 टक्क्यांनी वाढवण्यात आले आहे. कोणत्याही किरकोळ विक्री केंद्रावर किंवा एलपीजी वितरकाकडे तुटवडा (शुष्कता) नाही. देशांतर्गत पीएनजी आणि सीएनजी वाहतूक ग्राहकांना 100% पुरवठा सुनिश्चित केला जात आहे..भटक्या श्वानांना पकडणे व त्यांना एका ठिकाणी ठेवून त्यांचे निर्बीजीकरण करणे यासाठी ठेकेदार नेमला आहे. ४०० कुत्र्यांचे निर्बीजीकरण करण्यात आलेले आहे. पण, पिंपरी-चिंचवड महापालिकेच्या हद्दीतून श्वान येथे सोडली जातात. त्यांच्यावर नियंत्रण येण्यासाठी नगरपरिषद प्रयत्न करत आहे, असा दावा चाकण नगर परिषदेचे मुख्याधिकारी डॉ. अंकुश जाधव यांनी केला आहे..घरगुती सिलिंडरचा काळाबाजार रोखण्यासाठी जिल्ह्यात भरारी पथक स्थापना करण्यात आली आहेत. पथकाने आज पारोळा, पाचोरा, यावल येथून ७ सिलिंडर जप्त केले. पारोळा येथील हॉटेल शीतल डायनिंग २ सिलिंडर, एकविरा रेस्टॉरंट १, अशोक रेस्टॉरंट-१ याप्रमाणे येथे ४ सिलेंडर जप्त करण्यात आले. गेल्या चार दिवसांत भरारी पथकांनी एकूण २०४ ठिकाणी छापे टाकले असून, साडेसहा हजारांचा मुद्देमाल जप्त केला आहे..पूर्वमोसमी पावसाचा हंगाम सुरू होताच राज्यात वादळी वाऱ्यासह पाऊस आणि तुरळक गारपिटीने हजेरी लावली आहे. आज (ता. १९) मध्य महाराष्ट्र आणि मराठवाड्यात जोरदार वारे, पाऊस आणि गारपिटीची शक्यता असल्याने दक्षतेचा इशारा (ऑरेंज अलर्ट) तर उर्वरित राज्यात वादळी वाऱ्यासह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.मध्य प्रदेश आणि परिसरावर चक्राकार वारे वाहत असून, त्यापासून विदर्भ, मराठवाडा उत्तर कर्नाटकपर्यंत हवेचा कमी दाबाचा पट्टा कायम आहे. त्यामुळे पावसाला पोषक हवामान होत आहे. बुधवारी (ता. १८) सकाळी ८.३० पर्यंतच्या २४ तासांमध्ये उत्तर प्रदेशातील बांदा येथे देशातील उच्चांकी ३९.८ अंश सेल्सिअस तापमानाची नोंद झाली. तर पंजाबच्या फरिदकोट येथे नीचांकी १२.५ अंश सेल्सिअस तापमानाची नोंद झाल्याचे हवामान विभागाने म्हटले आहे.दरम्यान, राज्यातील उष्णतेची लाट काहीशी कमी झाली असून, बुधवारी (ता. १८) ‎ब्रह्मपुरी येथे राज्यातील उच्चांकी ३९.८ अंश तापमान नोंदले गेले. ‎‎अमरावती, ‎वर्धा, ‎‎अकोला, सोलापूर, आणि यवतमाळ येथे ३९ अंशांपेक्षा अधिक तापमानाची नोंद झाली. धुळे येथील कृषी महाविद्यालयात राज्यातील नीचांकी १२ अंश सेल्सिअस तापमान नोंदले गेले.आज (ता. १८) मध्य महाराष्ट्रातील जळगाव, नाशिक, अहिल्यानगर, मराठवाड्यातील छत्रपती संभाजीनगर, बीड, जालना, बीड आणि परभणी जिल्ह्यांत वादळी वाऱ्यासह गारपीट होण्याची शक्यता असल्याने दक्षतेचा इशारा (ऑरेंज अलर्ट) देण्यात आला आहे. तर उर्वरित राज्यात ताशी ३० ते ५० किलोमीटर वेगाने वाहणारे वारे, मेघगर्जना, विजांसह वादळी वाऱ्यासह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे..मुंबई महानगर पालिकेच्या महापौर रितू तावडे यांच्यासमोरील अडचणी वाढल्या आहेत. शिक्षक मारहाण प्रकारात दिलासा मिळण्याऐवजी न्यायालयाकडून त्यांना दणका मिळाला आहे. दोन शालेय शिक्षकांसोबतच्या २०१६ च्या मारहाण प्रकरणात बीएमसी महापौर रितू तावडेंना दोषमुक्ती देण्यास मुंबई न्यायालयाने नकार दिला आहे. यामुळे त्यांना धक्का बसला आहे..आचार्य विनोबा भावे यांचे निष्ठावान आणि दीर्घकाळ कार्यरत राहिलेले स्वीय सचिव बाळविजय यांचं निधन झाले आहे. .सांगोल्यातील सांगोला शिक्षण प्रसारक मंडळाच्या शाळेतून दहावीच्या भूगोल विषयाची प्रश्नपत्रिका चोरी प्रकरणी पोलिसांनी दोन संशयित विद्यार्थ्यांना अटक केली आहे. ही घटना दोन दिवसांपूर्वी घडली असून काल दिवसभर पोलिसांनी सखोल तपास केला. तपासादरम्यान महत्त्वाचे धागेदोरे मिळाल्यानंतर या दोघांना चौकशीसाठी ताब्यात घेण्यात आले. सध्या पोलिसांकडून अधिक तपास सुरू असून प्रकरणातील इतर बाबींचीही छाननी केली जात आहे..बलात्काराच्या प्रकरणात अशोक खरात याला काल रात्री उशिरा नाशिक पोलिसांनी अटक केली होती. आज पोलिसांनी कॅप्टन खरातला कोर्टात हजर केल्यानंतर कोर्टाने त्याला 24 तारखेपर्यंत पोलीस कोठडी सुनावली आहे. अशोक खरात ज्योतिष तज्ञ म्हणून प्रसिद्ध आहेत. अनेक राजकीय नेते आणि महत्त्वाचे लोक खरात यांच्याकडे ज्योतिष पाहण्यासाठी जातात. अनेक राजकीय नेत्यांसोबत खरात यांचे घनिष्ठ संबंध आहेत. अशोक खरात यांच्या सिन्नर परिसरातील एका मंदिरावर रूपाली चाकणकर सुद्धा सदस्य आहेत..बालेवाडी येथे ढग दाटून आले असून रिमझिम पाऊस सुरू झाला आहे..गुढीपाडव्याच्या निमित्ताने घरोघरी गुढी उभारून नववर्षाचे स्वागत केले जाते. यामुळे अमरावती शहरातील बाजारपेठा सध्या गजबजून गेल्या आहेत. गुढीसाठी लागणारी नवी काठी, रेशमी व तलम वस्त्र, लहान तांब्या, कृत्रिम फुलांचे हार, पाने, माळा आणि साखरगाठी यांची खरेदी जोरात सुरू आहे. विशेषतः पारंपरिक सजावटीसह आकर्षक आणि रंगीबेरंगी रेडीमेड गुढींना ग्राहकांची मोठी पसंती मिळत असून, लहान पण देखण्या गुढींची मागणी अधिक वाढताना दिसत आहे..सोलापुरात महापौर, नगरसेवक आणि नव्या पदाधिकाऱ्यांच्या निवडीवरून मराठा समाजात मतभेद निर्माण झाले आहेत. भाजपकडून मराठा समाजातील नव्या नगरसेवक आणि पदाधिकाऱ्यांचा पालकमंत्री जयकुमार गोरे यांच्या हस्ते सत्कार होणार असल्याने सकल मराठा समाज आणि मराठा क्रांती मोर्चाने या कार्यक्रमाला विरोध दर्शवला आहे. चार पुतळा परिसरात मराठा क्रांती मोर्चाच्या कार्यकर्त्यांनी माऊली पवार यांच्या प्रतिकात्मक प्रतिमेला जोडो मारत निषेध नोंदवला. तसेच, महापौर आणि जिल्हा परिषद अध्यक्षपदाच्या निवडीमध्ये मराठा समाजावर अन्याय झाल्याची भावना व्यक्त करण्यात आली आहे..आखाती देशांतील युद्धामुळे घरगुती आणि कमर्शियल गॅसचा तुटवडा जाणवत आहे. याच पार्श्वभूमीवर पिंपरी-चिंचवड पोलीस आता ॲक्शन मोडमध्ये आले आहेत. अमेरिका, इजराइल आणि इराण यांच्यातील तणावामुळे गॅसचा पुरवठा कमी झाला आहे. त्यामुळे गॅस टंचाई निर्माण झाली आहे. या परिस्थितीत घरगुती गॅसचा काळाबाजार होऊ नये यासाठी पोलिसांनी विशेष लक्ष केंद्रीत केले आहे. घरगुती गॅसचा साठा करून किंवा जास्त दराने विक्री करणाऱ्यांवर कठोर कारवाई करण्यात येणार असल्याचा इशारा अप्पर पोलीस आयुक्त सारंग आवाड यांनी दिला आहे. तसेच, अशा प्रकारांमध्ये आढळणाऱ्यांवर गुन्हे दाखल करून कठोर पावले उचलली जातील, वेळप्रसंगी मकोका लावण्यात येईल असेही त्यांनी स्पष्ट केले..लातूर जिल्ह्यात वादळी वाऱ्यासह झालेल्या गारपिटीमुळे शेतकऱ्यांचे मोठ्या प्रमाणात नुकसान झाले आहे. चाकूर, औसा, निलंगा आणि उदगीर या भागांत ज्वारी, गहू, हरभरा यांसह आंबा व द्राक्ष फळबागांनाही मोठा फटका बसला आहे..पिंपरी चिंचवड शहरातून जाणाऱ्या मुंबई - बेंगलोर महामार्गावर दोन ट्रेलर ट्रकचा अपघात झाला आहे. मुंबई बेंगलोर महामार्गावर सयाजी हॉटेल समोर एका ट्रेलर ट्रकला दुसरा ट्रेलर ट्रक ने पाठीमागून जोरदार धडक दिली आहे. या अपघातात कोणतीही जीवितहानी झाली नसली तरी या अपघातात एका ट्रेलर ट्रक ड्रायव्हर जखमी झाला आहे.20 मार्च पर्यंत अशीच परिस्थिती राहणारदोन दिवसांत अवकाळी पावसाची शक्यताउष्णतेचा पारा 40 अंशाच्या खालीबहुतांश जिल्ह्यांना येलो अलर्टराज्यात पुढील दोन दिवस मेघगर्जना आणि वादळी वाऱ्यासह पाऊस पडेल, मराठी नवीन वर्ष्याच्या स्वागताला अवकाळी पाऊस हजेरी लावण्याची शक्यता भारतीय हवामानशास्त्र विभागाने वर्तवलीयसध्या 42 अंशावर पोहोचलेला उष्णतेचा पारा 40 अंशाच्या खाली आलापुढील दोन दिवस राज्यातील बहुतांश जिल्ह्यांना पावसाचा येलो अलर्ट देण्यात आला आहे.वढू तुळापूरमध्ये धर्मवीर स्वराज्य रक्षक छत्रपती संभाजी महाराजांच्या ३३७ व्या बलिदान दिनानिमित्त प्रशासनाच्या वतीने शासकीय मानवंदना देण्यात आली. यावेळी छत्रपती संभाजी महाराजांच्या स्मारकस्थळी हेलिकॉप्टरमधून पुष्पवृष्टी करण्यात आली. या सोहळ्यामुळे परिसरात भावपूर्ण आणि भक्तिमय वातावरण निर्माण झाले..पालकमंत्री जयकुमार गोरे तसेच जिल्ह्यातील आजी-माजी आमदारांच्या उपस्थितीत जिल्हा परिषद सदस्यांची बैठक पार पडली. अध्यक्ष आणि उपाध्यक्ष पदांसाठी दुपारी १२ वाजेपर्यंत अर्ज दाखल करण्याची मुदत आहे.सूत्रांच्या माहितीनुसार, सोलापूर जिल्हा परिषदेच्या अध्यक्षपदासाठी दीपक वैद्य, तर उपाध्यक्षपदासाठी इंद्रजित पवार यांची नावे निश्चित झाल्याची चर्चा आहे. दीपक वैद्य हे बार्शी तालुक्यातील उपळाई ठोंगे गटातून निवडून आलेले जिल्हा परिषद सदस्य असून ते माजी आमदार राजेंद्र राऊत यांचे निकटवर्तीय आहेत.माजी आमदार राजेंद्र राऊत यांच्या नेतृत्वाखाली बार्शी तालुक्यातील सर्व ६ पैकी ६ जिल्हा परिषद गटांवर भाजपचे उमेदवार विजयी झाले आहेत. त्यामुळे अध्यक्षपदाची संधी भाजपने राऊत यांच्या गटाला दिल्याचे मानले जात आहे..महाविकास आघाडीच्या वतीने राष्ट्रवादी काँग्रेस (शरद पवार गट) यांच्या संगीता पाटील यांनी अध्यक्षपदासाठी उमेदवारी अर्ज दाखल केला. त्या वाळवा तालुक्यातील कासेगाव जिल्हा परिषद गटाच्या सदस्या असून आमदार जयंत पाटील यांच्या नातेवाईक आहेत.उपाध्यक्ष पदासाठी काँग्रेसचे ऋषिकेश पाटील यांनी अर्ज दाखल केला असून ते पलूस तालुक्यातील कुंडल जिल्हा परिषद गटाचे सदस्य आणि आमदार विश्वजीत कदम यांचे भाचे आहेत.दरम्यान, भाजपाकडून अध्यक्षपदासाठी स्वप्नाली मासाळ यांनी उमेदवारी अर्ज दाखल केला आहे. त्या जत तालुक्यातील डफळापूर जिल्हा परिषद गटाच्या सदस्या आहेत.तसेच, उपाध्यक्ष पदासाठी कामेरी गटाचे जयराज पाटील यांनीही आपला उमेदवारी अर्ज सादर केला आहे..चंद्रपुरातील सागवान तस्करांना राजकीय राजाश्रय मिळतो का?नक्षलग्रस्त भागात तस्करांच्या टोळ्यांचा धुमाकूळ, विजय वडेट्टीवार यांची विधानसभेत कारवाई करण्याची मागणीनक्षलग्रस्त भागातील मौल्यवान सागवान लाकडाची तस्करी करणाऱ्या संघटित टोळ्यांना राजकीय पाठबळ मिळत असल्याचा गंभीर आरोप काँग्रेस विधिमंडळ नेते विजय वडेट्टीवार यांनी आज सभागृहात केला.चंद्रपूर मधील ब्रम्हपुरी मतदारसंघात तस्करांना पकडणाऱ्या वनविभागाच्या अधिकाऱ्यांना एका नेत्यांकडून अर्वाच्च भाषेत शिवीगाळ केली जाते आणि तस्करांना सोडवण्यासाठी दबाव टाकला जातो, असे धक्कादायक वास्तव वडेट्टीवार यांनी विधानसभेत प्रश्नोत्तर काळात मांडले..राजकारणात कधीही फुलस्टॉप नसतो - पंतप्रधान नरेंद्र मोदीराज्यसभेच्या ३७ सदस्यांचा आज कार्यकाळ संपला. त्यानिमित्ताने पंतप्रधान नरेंद्र मोदी यांनी लोकसभेत संबोधित केलं.यावेळी बोलताना ते म्हणाले की, राजकारणात कधीही फुलस्टॉप नसतो. राज्यसभेतील प्रत्येक खासदाराचे योगदान असते. रामदास आठवले सदाबहार नेते आहेत..लाकडाच्या मागणीत 50 टक्के वाढ- व्यावसायिक गॅस तुटवड्यामुळे हॉटेल व्यावसायिकांना आता कोळशाच्या भट्ट्यांवर पर्याय निवडला आहे.. त्यामुळे कोळशाच्या आणि लाकडाच्या मागणीत 50 टक्के वाढ झाली आहेय...- त्यामुळे लाकडी कांड्या आणि कोळशाच्या मागणीत आता छोटे ठेले लावणारे यासोबतच केटर्स चालक यांच्याकडून इंधनासाठी मागनी केली जात आहे..सरकारने बुधवारी स्पष्ट केले की, देशांतर्गत विमान प्रवासादरम्यान ६० टक्के जागांसाठी प्रवाशांकडून कोणतेही अतिरिक्त शुल्क आकारू नये, अशा सूचना विमान कंपन्यांना देण्यात आल्या आहेत..एलपीजी सिलिंडरचे संकट दिवसेंदिवस वाढत आहे. मुंबईतील चारकोप मध्ये सिलिंडरसाठी लांबच्या लांब रांगा लागल्या आहेत. .छत्रपती संभाजीनगर जिल्हा परिषदेत सत्तास्थापनेच्या हालचालींना वेग आला असून भाजप अध्यक्षपद मिळवण्याच्या दिशेने पुढे सरकत असल्याचे चित्र आहे. भाजपचे तेवीस सदस्य असून काँग्रेसचा एक सदस्य त्यांच्या गोटात दाखल झाला आहे, तर राष्ट्रवादी काँग्रेस अजित पवार गटाचे चार सदस्य पाठिंबा देणार असल्याची चर्चा आहे. याशिवाय प्रहारचा एक, अपक्ष एक आणि शिवसेना उद्धव ठाकरे गटाचे दोन सदस्यही भाजपला साथ देणार असल्याने बहुमताचा बत्तीसचा आकडा सहज गाठला जाईल असे संकेत आहेत. या घडामोडींमुळे शिवसेना शिंदे गट सत्तेबाहेर राहण्याची शक्यता निर्माण झाली असून जिल्हा परिषदेतील राजकारणाला नवे वळण मिळाले आहे..करवीर निवासिनी श्री अंबाबाई मंदिरातील गाभाऱ्याच्या जतन व संवर्धनाचे काम अखेर पूर्ण झाले आहे. गेल्या चार दिवसांपासून सुरू असलेली ही प्रक्रिया काल यशस्वीरीत्या पूर्ण करण्यात आली. दरम्यान, पुरातत्त्व विभागाच्या अधिकाऱ्यांनी मंदिरात येऊन देवीच्या मूळ मूर्तीची सविस्तर पाहणी केली तसेच गाभाऱ्यात करण्यात आलेल्या संवर्धनाच्या कामाचीही तपासणी केली. मंगळवारी दिवसभर गाभारा संवर्धनाचे काम सुरू होते. आज पहाटे चार ते साडेचार वाजण्याच्या सुमारास प्राणप्रतिष्ठापनेचा होम करण्यात आला. त्यानंतर सकाळी साडेआठ वाजता अभिषेक पार पडणार असून आरतीनंतर भाविकांसाठी देवीच्या मूळ मूर्तीचे दर्शन पूर्ववत सुरू होणार आहे..नाशिकमध्ये बलात्काराच्या गंभीर गुन्ह्यातील आरोपी अशोक खरात उर्फ कॅप्टन याला नाशिक गुन्हे शाखेने अटक केली आहे. संबंधित आरोपीविरुद्ध बलात्काराचा गुन्हा नोंदवण्यात आला असून प्रकरणाचा पुढील तपास सुरू आहे. तपासादरम्यान पोलिसांनी तब्बल अठ्ठावन्न व्हिडिओ जप्त केल्याची माहिती समोर आली आहे. या व्हिडिओंमध्ये काही नामांकित महिला आणि प्रसिद्ध व्यक्तींशी संबंधित बाबी असल्याचे वरिष्ठ अधिकाऱ्यांनी सांगितले आहे. जप्त केलेल्या व्हिडिओंची सखोल तपासणी सुरू असून त्यातून आणखी धक्कादायक माहिती समोर येण्याची शक्यता व्यक्त केली जात आहे. या संपूर्ण प्रकरणाचा पुढील तपास नाशिक गुन्हे शाखेकडून सुरू आहे..- आज नागपूरसह पूर्व विदर्भातील अनेक जिल्ह्यांत सकाळपासून ढगाळ वातावरण - गेल्या दोन दिवसांत अवकाळी पावसाचा दिलेला इशारा फोल ठरल्यानंतर आता पुन्हा अवकाळी पावसाचा हवामान खात्याचा अंदाज- सध्या नागपूरसह विदर्भात उन्हाचे चटके बसत असताना पुढचे दोन दिवस वादळी पावसाचा येलो अलर्ट हवामान खात्याने दिला आहे- 18, 19 तारखेला वादळी वाऱ्यासह पावसाचा अंदाज- अवकाळी पाऊस आलाच तर गर्मीने त्रस्त नागरिकांना काही अंशी मिळणार दिलासा - मंगळवारी वातावरणात बदल होऊन विदर्भातील सर्वच जिल्ह्यांचे तापमान 40 अंशाच्या खाली आलं.सांगली : सांगली, मिरजेसह पूर्व भागात काल वादळी वाऱ्यासह प्रचंड गारपीट झाली. सुमारे तासभर मोठ्या प्रमाणात गारा पडल्या. रस्त्यावर त्याचा सडा होता. त्याचा शेतीला मोठा फटका बसला असून, द्राक्ष, आंबा या फळपिकांसह मळणी बाकी असलेल्या रब्बी पिकांचे प्रचंड नुकसान झाले आहे. ओडिशात झालेल्या वादळामुळे काल महाराष्ट्राच्या अनेक भागांत वादळी वाऱ्यासह पावसाची शक्यता वर्तवण्यात आली होती..- नाशिकच्या तपोवन वृक्ष तोडप्रकरणी आज मुंबई उच्च न्यायालयात महत्त्वाची सुनावणी- मनसे पदाधिकारी आणि ॲड. नितीन पंडित यांनी तपोवन वृक्ष तोडप्रकरणी मुंबई उच्च न्यायालयात दाखल केलीये याचिका - झाड तोडण्याच्या निर्णयाला स्थगिती देण्यासाठी नितीन पंडित यांनी दाखल केलीये याचिका - मागील सुनावणीत पालिका प्रशासनाने प्रतिज्ञापत्र सादर न केल्याने सुनावणी ढकलण्यात आली होती पुढे- आज प्रशासनाने प्रतिज्ञापत्र सादर न केल्यास एकतर्फी सुनावणी घेण्याची मागणी याचिकाकर्ते करणार- नाशिक महापालिकेकडून शहरात अन्य ठिकाणी झाडं तोडली जात असल्यावरही स्थगिती घेण्याचा याचिकाकर्त्यांचा प्रयत्न- आजच्या सुनावणीत तरी महापालिकेच्या वतीने प्रतिज्ञापत्र सादर करण्यात येते का? याकडे लक्ष.बेळगाव : मध्यवर्ती महाराष्ट्र एकीकरण समितीचे अध्यक्ष दीपक दळवी (वय ८४) यांचे मंगळवारी (ता. १७) आजाराने निधन झाले. त्यांच्या निधनाबद्दल अनेक मान्यवरांनी शोक व्यक्त केला आहे..बेळगाव : विद्यार्थ्यांच्या पुढील शिक्षणाच्या दृष्टिकोनातून महत्त्वाच्या असणाऱ्या दहावीच्या परीक्षेला बुधवारपासून (ता. १८) सुरुवात होत आहे. त्यामुळे विद्यार्थ्यांनी आत्मविश्वासाने परीक्षेला सामोरे जावे, असा संदेश शिक्षण खात्यातर्फे देण्यात आला आहे. पहिल्या दिवशी मराठी, कन्नड, इंग्रजी, उर्दू या प्रथम भाषा विषयांचा पेपर पार पडणार असून, बेळगाव शैक्षणिक जिल्ह्यातील १०४ परीक्षा केंद्रांवर विविध विषयांचे पेपर पार पडणार आहेत. दहावीची परीक्षा देणाऱ्या विद्यार्थ्यांना प्रवेश पत्र दाखवून परिवहन मंडळाच्या बसमधून मोफत प्रवास करता येणार आहे..संगमनेर तालुक्यातील वडगावपान येथे सहावीत शिकणाऱ्या अल्पवयीन मुलीवर ॲसिड हल्ला झाल्याची घटना घडलीये. हल्ल्यानंतर आरोपी फरार झाला असून मुलीच्या चेहऱ्याच्या उजव्या बाजूला इजा झालीये. जखमी मुलीवर लोणी येथील प्रवरा ग्रामीण रुग्णालयात उपचार सुरू असून पोलिस आरोपीचा शोध घेत आहेत. या घटनेच्या निषेधार्थ आज वडगावपान ग्रामस्थांनी रास्तारोको आंदोलनाची हाक दिली आहे..पुणे : पुणे जिल्हा परिषद अध्यक्ष व उपाध्यक्ष पदासाठी आज निवडणूक होत असून, तब्बल चार वर्षांनंतर जिल्हा परिषदेला नवे नेतृत्व मिळणार आहे. या निवडणुकीत अजित पवार यांच्या राष्ट्रवादी काँग्रेस पक्षाचा अध्यक्ष आणि उपाध्यक्ष पदांवर दावा मजबूत मानला जात आहे. जिल्हाधिकारी जितेंद्र डुडी यांच्या अध्यक्षतेखाली बोलावण्यात आलेल्या विशेष सभेत ही निवडणूक प्रक्रिया पार पडणार आहे. दरम्यान, राष्ट्रवादी काँग्रेसकडून अध्यक्ष आणि उपाध्यक्ष पदासाठी नेमकी कुणाला संधी दिली जाणार, याकडे राजकीय वर्तुळासह सर्वांचेच लक्ष लागले आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

सोशल मीडिया प्लॅटफॉर्म एक्स डाऊन

Related Stories