Latest Maharashtra News Updates : मोटारसायकल चोराला अटक, तीन बाईक्स जप्त

भुसावळ शहरात मोटारसायकल चोरीच्या घटनांमध्ये वाढ होत असताना, भुसावळ बाजारपेठ पोलिस स्टेशनच्या डिटेक्शन ब्रँच (डी.बी.) पथकाने एका चोराला अटक केली असून त्याच्याकडून तीन बाईक्स जप्त केल्या आहेत.मराठवाड्यातील काही भागांत मराठा ओबीसी व्यवहार बंद झाल्याचे समजते, पण राजकीय दृष्ट्या काहीही होईल पण सामाजिक दृष्ट्या एकत्र यायला हवं असं शरद पवार यांनी कोल्हापूरमध्ये पत्रकार परिषदेत सांगितले. .जत /उमदी : चडचण (जि. विजयपूर, कर्नाटक) येथील स्टेट बँक शाखेवर मंगळवारी टाकलेल्या दरोड्यात २० किलो सोन्यासह सुमारे २४ कोटींचा ऐवज लुटला. या लुटीतील दरोडेखोरांची एक गाडी अपघातग्रस्त झाली. नागरिकांशी वाद सुरू असताना पोलिस तिथे दाखल झाले. त्यात या लुटीतील दोन किलो सोने व १.४ कोटींची रक्कम हस्तगत करण्यात पोलिसांना यश आले. दरोडेखोर मात्र पोलिसांच्या हातावर तुरी देऊन पसार झाले..म्हाडाच्या मुंबईतील दुकानांचा गुरुवारी लिलाव करण्यात येणार आहे. 149 दुकानांसाठी अनामत रकमेसह 454 अर्ज आले आहेत. म्हाडाने ठरवून दिलेल्या किमतीपेक्षा जादा बोली लावणाऱ्या अर्जदाराला दुकान मिळणार आहे. गेल्या लिलावात विक्री न झालेल्या गोरेगावच्या बिंबिसार नगरमधील दुकानाचादेखील यंदाच्या लिलावात समावेश आहे. या दुकानाची बेस प्राईज गेल्या लिलावात 13 कोटी 93 लाख रुपये होती. यंदा या दुकानाची बेस प्राईज 12 कोटी 63 लाख रुपये ठेवली आहे. त्यामुळे यंदा तरी या महागड्या दुकानाची विक्री होणार का, याकडे लक्ष लागले आहे..राज्य सरकारने राज्यातील सीसीएमपी हा आधुनिक वैद्यक शास्त्रातील एक वर्षाचा ब्रिज कोर्स केलेल्या होमिओपॅथी डॉक्टरांची नोंदणी महाराष्ट्र वैद्यक परिषदेच्या स्वतंत्र नोंदणी बुकात करण्याचे आदेश दिले आहेत. त्यामुळे आता राज्यातील होमिओपॅथी डॉक्टर सुद्धा अॅलोपॅथी औषधांची प्रॅक्टिस करू शकणार आहेत. याला विरोध म्हणून राज्यातील अॅलोपॅथी डॉक्टरांची संघटना असलेल्या इंडियन मेडिकल असोसिएशन व संलग्नित संघटनांनी विरोध दर्शविला आहे. याला अनुसरून आज राज्यातील सर्व खासगी दवाखाने, रुग्णालय बंद असणार आहेत. यात बाह्य रुग्णसेवा शस्त्रक्रिया बंद असणार आहेत..बेळगाव : जय किसान भाजी मार्केटच्या समर्थनार्थ शेतकऱ्यांकडून मोर्चा काढून भाजी मार्केट पुन्हा सुरू करण्यात यावे, अशी मागणी करण्यात आली. जय किसान भाजी मार्केट बंद करण्यामागे राजकीय षड्यंत्र असून, या प्रकरणाची निवृत्त न्यायाधीशांच्या माध्यमातून चौकशी करण्यात यावी, अशा मागणीचे निवेदन जिल्हाधिकारी मोहम्मद रोशन यांना देण्यात आले..बंगळूर : म्हैसूर शहर विकास प्राधिकरण (मुडा) घोटाळा प्रकरणाचा तपास तीव्र करणाऱ्या अंमलबजावणी संचालनालयाने (ईडी) ‘मुडा’चे माजी आयुक्त जी. टी. दिनेशकुमार यांना ताब्यात घेतले आहे. ‘मुडा’ घोटाळा प्रकरणात चौकशीसाठी हजर राहण्यासाठी ईडीने त्यांना नोटीस बजावली होती. दिनेशकुमार मंगळवारी बंगळुरातील शांतीनगर येथील ईडी कार्यालयात पोहोचले होते. यादरम्यान, ईडी अधिकाऱ्यांनी चौकशी केली आणि आता त्यांना ताब्यात घेतले आहे. ‘मुडा’तील बेकायदेशीरपणा प्रकरणात दिनेशकुमार यांची चौकशी करण्यास राज्य सरकारने हिरवा कंदील दाखवला होता..कोल्हापूर : जिल्हा परिषदेच्या प्रारूप प्रभाग रचनेला विभागीय आयुक्त स्वत:च्या निर्णयाला स्वत:च मान्यता कशी काय देऊ शकतात? अशी विचारणा कोल्हापूर सर्किट बेंचमध्ये न्यायमूर्तींनी राज्य निवडणूक आयोगाला केली. दरम्यान, याबाबत गुरुवारी (ता. १८) पुढील सुनावणी होणार आहे. न्यायमूर्ती मकरंद कर्णिक व न्यायमूर्ती शर्मिला देशमुख यांच्या डिव्हिजनल बेंचसमोर सुनावणी सुरू आहे. .नवी दिल्ली : हॉटेल व्यावसायिक जया शेट्टी यांच्या हत्येप्रकरणी मुंबई उच्च न्यायालयाने कुख्यात गुंड छोटा राजन याच्या जन्मठेपेची शिक्षा निलंबित करत दिलेला जामीन आज सर्वोच्च न्यायालयाकडून रद्दबातल करण्यात आला. उच्च न्यायालयाच्या आदेशाविरोधात सीबीआयकडून याचिका दाखल करण्यात आली होती. .Latest Marathi Live Updates 18 September 2025 : इतिहासातील सत्य-असत्य शोधून काढणे हेच आपले ध्येय मानणारे शिवचरित्रकार आणि ज्येष्ठ इतिहास संशोधक गजानन भास्कर मेहेंदळे (वय ७८) यांचे काल सायंकाळी हृदयविकाराच्या तीव्र झटक्याने पुण्यात निधन झाले. त्यांचे पार्थिव अंत्यदर्शनासाठी आज सकाळी ११ वाजता भारत इतिहास संशोधक मंडळ येथे ठेवण्यात येणार आहे. तसेच प्रसिद्ध अभिनेते रजनीकांत आणि कमल हसन हे लवकरच एकाच पडद्यावर दिसणार आहेत. रजनीकांत यांनी बुधवारी याबाबत माहिती दिली. निवडणुकीत मतदान करताना मतदारांना स्पष्टता यावी यासाठी निवडणूक आयोगाने नवीन मार्गदर्शक तत्त्वे जारी केली आहेत. यानुसार, इलेक्ट्रॉनिक मतदान यंत्रावर असलेले उमेदवार माहिती पत्रिकेवर (बॅलेट पेपर) प्रथमच रंगीत छायाचित्रे छापली जाणार असून त्यांचा आकारही मोठा असणार आहे. बाळासाहेबांच्या पत्नी मिनाताई ठाकरे यांच्या पुतळ्यावर काही अज्ञातांनी रंग उडवल्यामुळे खळबळ माजली. मीनाताईंचा हा पुतळा मुंबईच्या अत्यंत वर्दळीच्या असलेल्या शिवाजी पार्क भागात आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : मोटारसायकल चोराला अटक, तीन बाईक्स जप्त

Bhusaval Live : मोटारसायकल चोराला अटक, तीन बाईक्स जप्त

Related Stories