Latest Maharashtra News Updates : दिव्यांग बांधवांचं मानधन हजार रुपयांनी वाढवलं

हजार रुपयांच्या मानधनात वाढ झाल्याने दिव्यांगाने केला जल्लोष.दिव्यांग बांधवांसाठी १५०० रुपये वरून २५०० एवढे मानधन करण्यात आले. पुणे जिल्ह्यातील दिव्यांग बांधवांनी दिव्यांग कल्याण आयुक्त कार्यालयासमोर धर्मेंद्र सातव यांचे नेतृत्वाखाली ढोल ताशा वाजवत नाचत आनंद व्यक्त केला.लातूर जिल्ह्यात गेल्या दीड महिन्यापासून पावसाने पाठ फिरवली असून, त्यामुळे शेतकरी चिंतेत आहेत. दरम्यान, लातूरच्या अखरवाई शिवारात वनविभागाकडून सुरू असलेल्या 75 एकर क्षेत्रातील नवीन जंगल विकास प्रकल्पालाही याचा फटका बसतो आहे.पावसाअभावी नुकतीच लावलेली झाडांची रोपे सुकू नयेत म्हणून आता टँकरच्या मदतीने पाणी देण्याची वेळ आली आहे. पावसाच्या प्रतीक्षेत शेतकरी आणि वनविभाग दोघेही हवालदिल झाले आहेत..अकोल्याच्या कृषी नगर परिसरात घडलेल्या गँगवॉर प्रकरणात पोलिसांच्या स्थानिक गुन्हे शाखेने कारवाई करत सहा आरोपींना अटक केली आहे. या गँगवॉरमध्ये तलवार, लाठ्या, लोखंडी पाइप आणि बंदुकीचा वापर करण्यात आला होता.शेगाव परिसरातून एका आरोपीकडून देशी बनावटीची पिस्तूलही जप्त करण्यात आली असून, इतर धारदार शस्त्रांनाही पोलिसांनी ताब्यात घेतले आहे. गुन्हेगारी पार्श्वभूमीच्या या प्रकारामुळे परिसरात तणावाचे वातावरण निर्माण झाले होते..सध्या अनेक जिल्हा सहकारी बँका आणि सोसायट्या आर्थिक अडचणीत असून, त्यांना दिलासा देण्यासाठी राज्य सहकारी बँकेने थेट मदत करावी, अशा सूचना संबंधित बँकांना दिल्या आहेत, अशी माहिती सहकार मंत्री मुरलीधर मोहोळ यांनी दिली.या संदर्भात आवश्यक पावले उचलली जात असून, सहकार चळवळ अधिक सक्षम आणि परिणामकारक कशी होईल, यावर आम्ही सातत्याने काम करत आहोत, असेही मोहोळ यांनी स्पष्ट केले..२२ जुलैला उपमुख्यमंत्री अजित पवार यांचा वाढदिवस असतो. त्यानिमित्ताने पुणे जिल्हा शिक्षण मंडळाच्या वतीने आयोजित पुणे ते बारामती राष्ट्रीय आणि राज्यस्तरीय सायकल स्पर्धेचे उद्घाटन करण्यात आले आहे. पुण्यातील शनिवाडा येथून झेंडा दाखवून उद्घाटन करण्यात आले. .अहिल्यानगर महामार्गावरील शिक्रापूर येथे असलेल्या मलठण फाट्याजवळ टेम्पो आणि अज्ञात वाहनाची धडक झाली आहे. यात सुदैवाने कोणचीही जीवितहानी झालेली नाही, पण टेम्पो चाहल वाहन घटनास्थळीच सोडून फरार झाला आहे. त्यामुळे या महामार्गावर वाहतूक कोंडी झाली होती. त्यानंतर शिक्रापूर पोलीसांनी वाहतूक कोंडी नियंत्रणात आणली, तसेच क्रेनच्या सहाय्याने अपघातग्रस्त वाहन मार्गातून हटवण्यात आले आहे. .मुळशी तालुक्यातील वळणे गावातील एका आदिवासी समाजातील १५ वर्षाच्या मुलीवर गावातील शंकर साबळे याने अत्याचार केल्याचे उघड झाले आहे. या घटनेनंतर शंकर साबळे याला हॉस्पिटलमध्ये जाऊन शिवसेना महिला आघाडीच्या संपर्क संघटक स्वाती ढमाले व जिल्हा परिषद सदस्य सागर काटकर यांनी चांगला चोप दिला. या प्रकरणात त्याच्यावर पौड पोलीस स्टेशनला गुन्हा दाखल झाला आहे..संसदेच्या पावसाळी अधिवेशनाच्या पार्श्वभूमीवर संरक्षणमंत्री राजनाथ सिंह यांच्या निवासस्थानी एनडीएची बैठक..प्रयागराजमधील गंगा आणि यमुना या नद्यांच्या पाणीपातळीत वाढ झाली असून पुराचं पाणी मंदिरात शिरले आहे. त्यामुळे नागरिकांना सावध राहण्याचा इशारा देण्यात आला आहे..सहावा ताफा तिबेटच्या स्वायत्त प्रदेशात रवाना. आतापर्यंत चार ताफ्यांनी यशस्वीपणे यात्रा पूर्ण केली असून पाचवा ताफा गंगटोककडे परतीच्या मार्गावर आहे.ठाकरे ब्रँड जिवंत असला तरी तो बाजारात चालत नाही. बाजारात अनेक ब्रँड असतात, प्रत्येक ब्रँड बाजारात चालतो असे नाही. सध्या ठाकरे ब्रँड मतदारांना आवडायचा बंद झाला आहे. अशी खरमरीत टीका मंत्री सुधीर मुनगंटीवार यांनी राज आणि उद्धव ठाकरे यांच्यावर केली.उद्धव ठाकरे स्वत:ला सामान्य समजत असतात परंतु ते चिंताग्रस्त आहेत. सध्या सर्वसामान्य जनता आमच्यासोबत आहे. मतदानातून पाठिंबा आम्हाला आहे जनता सांगत असते. असेही मुनगंटीवार म्हणाले..मागच्या कित्येक वर्षांपासून इस्लामपूरचे इश्वरपूर करावे अशी मागणी केली जात होती. परंतु, काही कारणास्तव ही मागणी प्रलंबीत राहिली होती काल राज्य सरकारने बाळासाहेब ठाकरे यांच्यापासून सुरू असलेली मागणी मान्य केल्याने आम्हाला समाधान मिळाल्याचे नितेश राणे म्हणाले. यासाठी मी त्याठिकाणी मोर्चाही काढला होता. असे राणे म्हणाले..केंद्र सरकारच्या नाफेड व एनसीसीएफ मार्फत सुरू असलेल्या कांदा खरेदी प्रक्रियेत होणाऱ्या भ्रष्टाचारावर आळा बसणार आहे. यासाठी केंद्र सरकारने विशेष दक्षता समितीची स्थापना केली असून, लासलगाव नाफेड केंद्रावर जुलै अखेरपर्यंत पाच हजार मे.टन कांदा खरेदीचे उद्दिष्ट ठेवण्यात आले आहे. या प्रक्रियेत कुठलाही भ्रष्टाचार होऊ नये म्हणून तहसीलदार, सहाय्यक निबंधक, पणनचे सदस्य व स्थानिक बाजार समिती सचिव यांच्या समावेशाने दक्षता समिती करडी नजर ठेवणार आहे..कोल्हापूर जिल्ह्यात 'मिशन झिरो ड्रग्ज' मोहिमेअंतर्गत शहापूर पोलिसांनी मोठी कारवाई करत १३४.०४ ग्रॅम ‘एमडी’ असा ६ लाख ७३ हजार २०० रुपये किमतीचा मेफेड्रॉन (एमडी) हा अंमली पदार्थ जप्त केला आहे. कोरोची गाव हद्दीत साईनाथ वजन काट्याजवळ सापळा रचून ऋषभ राजू खरात (वय ३०, रा. लोकमान्यनगर, कोरोची) याला अटक करण्यात आली.मागील आठवड्यात प्रतिबंधित इंजेक्शनचा साठा आणि आता या एमडी ड्रग्ज कारवाईने शहरात खळबळी उडाली आहे..पंढरपूरमध्ये चंद्रभागा नदीत तीन महिला बुडाल्याची माहिती समोर येत आहे. यापैकी दोघींची ओळख पटली आहे. संगीता सपकाळ व सुनिता सपकाळ या दोन महिलांचा पाण्यात बुडून मृत्यू झाला. तर एका अनोळखी महिलेचा शोध सुरू आहे. चंद्रभागेत स्नानासाठी गेलेल्या महिला भाविकांचा दुर्दैवी मृत्यू झाला. नदीपात्रातील पाण्याचा अंदाज न आल्याने भक्त पुंडलिक मंदिराजवळची महिला बुडाल्या..राजापूर तालुक्यातील पन्हाळे माळवाडी येथे केमिकल टँकरने पेट घेतलाय. टँकर गोव्याहून मुंबईच्या दिशेने जात होता. टँकरच्या चाकांनीही पेट घेतला असून अद्याप आग आटोक्यात आलेली नाही. स्थानिक लोकांकडून मुंबईच्या दिशेने होणारी वाहतूक थांबवण्यात आलीय..यावर्षी 27 ऑगस्टला लवकर येणाऱ्या गणेश चतुर्थीमुळे कोकणातील गणपती शाळांमध्ये जोरदार लगबग सुरू आहे. सिंधुदुर्ग जिल्ह्यासह तळकोकणात गणेशोत्सव हा सर्वात मोठा आणि भावनिकदृष्ट्या महत्त्वाचा सण मानला जातो. त्यामुळेच गणपतीच्या आगमनाच्या तयारीसाठी मूर्तीकार रात्रंदिवस शाडू मातीच्या मूर्ती बनवण्याच्या कामात व्यस्त आहेत. यंदा पर्यावरणपूरक मूर्तींना अधिक मागणी असल्यामुळे इको-फ्रेंडली मूर्ती घडवण्याकडे कल वाढला आहे. कोकणात चाकरमान्यांची मोठ्या प्रमाणात ये-जा सुरू होत असून प्रत्येक घरात बाप्पाच्या स्वागताची जय्यत तयारी सुरू आहे. मूर्तींना आकर्षक रंगसंगती देण्यात येत असून भाविकांमध्येही खरेदीसाठी उत्साहाचे वातावरण आहे. गणेश चतुर्थीपूर्वीच सर्व मूर्ती तयार व्हाव्यात यासाठी गणपती शाळांमध्ये दिवस-रात्र काम सुरू आहे..नाशिकमधील वरिष्ठ अधिकाऱ्यांना लक्ष्य करत हनी ट्रॅपच्या जाळ्यात अडकवण्यात आल्याचं धक्कादायक प्रकरण समोर आलं आहे. तपास यंत्रणांनी शहरातील एका पंचतारांकित हॉटेलमधील संबंधित रूम सील केली असून, तिथे लपवून लावलेले कॅमेरे वापरून अधिकाऱ्यांचे व्हिडिओ तयार केल्याची माहिती सूत्रांकडून मिळते. हे प्रकरण विधिमंडळातही चर्चेत आल्यानंतर, एक विशेष पथक नाशिकमध्ये दाखल झालं असून गोपनीय तपास सुरू आहे. सूत्रांच्या माहितीनुसार, तब्बल ७२ वरिष्ठ अधिकाऱ्यांना या जाळ्यात अडकवून, जमीन व्यवहार आणि मंत्रालयातील लायझनिंगसारखी महत्त्वाची कामं उरकण्यात आली होती. या रूममध्ये नेमकं काय घडलं, याचा तपास आता गती घेत असून संपूर्ण यंत्रणा अलर्ट मोडवर आल्या आहेत..मोहाडी (जि. भंडारा) : अल्पवयीन मुलीवरील सामूहिक अत्याचार प्रकरणात पोलिसांनी पाचव्या महिला आरोपीला अटक केली आहे. यात आणखी काही आरोपी वाढण्याची शक्यता वर्तविण्यात येत आहे. या महिला आरोपीचा राजेंद्र वाॅर्ड येथे ब्युटी पार्लरचा व्यवसाय आहे. याच व्यवसायाच्या पडद्याआड ती तरुण मुलींना देह विक्रीसाठी प्रवृत्त करत होती, अशी चर्चा आहे. .कोल्हापूर : जिल्ह्यात पावसाने आजही पूर्णपणे उघडीप दिली असली तरी शहरातील काही भागात हलक्या सरी कोसळल्या. तर प्रमुख धरणक्षेत्रात काही प्रमाणात पाऊस पडला. पंचगंगेची पाणी पातळी दिवसभरात एक फूट नऊ इंचांनी घटली. अद्याप १९ बंधारे पाण्याखाली आहेत. तर, आलमट्टी धरण ८०.५७ टक्के इतके भरले आहे..कोल्हापूर : परिते (ता. करवीर) येथील भोगावती सहकारी साखर कारखान्याला राष्ट्रीय सहकारी विकास महामंडळाकडून (एनसीडीसी) मंजूर झालेल्या कर्जासाठी महाराष्ट्र शासनाने हमी द्यावी, या मागणीसाठी गेलेल्या राहुल पाटील यांच्यासमोर उपमुख्यमंत्री अजित पवार यांनी राष्ट्रवादी कॉंग्रेसमध्ये प्रवेश करण्याचा प्रस्ताव ठेवला आहे. कर्जासह इतर विकासकामांना गती देण्यासाठी राहुल पाटील हे राष्ट्रवादी (अजित पवार) पक्षासोबत जातील, असे चित्र आहे..बंगळूर : २०२५-२६ मध्ये दहावी आणि बारावीच्या विद्यार्थ्यांसाठी घेण्यात येणाऱ्या ‘तिसऱ्या परीक्षा’ बंद करण्याचा सरकार गांभीर्याने विचार करत आहे. कर्नाटक शालेय परीक्षा आणि मूल्यांकन मंडळाला (केएसईएबी) या तिसऱ्या परीक्षेची गरज आणि अनावश्यकता यावर विश्लेषणात्मक अहवाल सादर करण्याचे निर्देश देण्यात आले असल्याचे सूत्रांनी सांगितले..मुंबई : भारतीय रिझर्व्ह बँक ऑगस्टमधील पतधोरणात रेपोदरात पाव टक्क्याने कपात करण्याची अपेक्षा आहे. त्यामुळे रेपोदर ५.२५ टक्क्यांवर येईल, असा अंदाज आयसीआयसीआय बँकेने म्हटले आहे..बंगळूर : लोकप्रतिनिधींच्या विशेष न्यायालयाने शुक्रवारी धजद नेते, हासनचे माजी खासदार प्रज्वल रेवण्णा यांच्याविरुद्ध दाखल झालेल्या चार अत्याचार प्रकरणांपैकी एका प्रकरणाची सुनावणी पूर्ण झाली; पण न्यायालयाने ३० जुलैपर्यंत निकाल राखून ठेवला. हासन जिल्ह्यातील होळेनरसीपूर येथे प्रज्वल रेवण्णा याने घरकाम करणाऱ्या महिलेवर अत्याचार केल्याच्या प्रकरणाची सुनावणी करणारे न्यायमूर्ती संतोष गजानन भट यांनी शुक्रवारी (ता. १८) निकाल राखून ठेवला..मुंबई : परिचारिकांच्या मागण्यांसाठी सार्वजनिक आरोग्य आणि वैद्यकीय शिक्षण विभागाने लवकर संयुक्त बैठक घ्यावी, अशी संघटनेकडून मागणी केली जात आहे. राज्यभर परिचारिकांचा बेमुदत संप सुरूच असून, निर्णय होईपर्यंत मागे न हटण्याचा पवित्रा त्यांनी घेतला आहे. परिचारिकांची कंत्राटी भरती रद्द करून शंभर टक्के कायमस्वरूपी पदभरती करावी, या प्रमुख मागणीसह पदनिर्मिती, सेवा प्रवेश नियमावलीतील त्रुटी दूर कराव्यात, अशा राज्यातील परिचारिकांच्या प्रलंबित मागण्या आहेत. .Latest Marathi Live Updates 19 July 2025 : विधिमंडळाच्या लॉबीमध्ये भाजपचे आमदार गोपीचंद पडळकर आणि राष्ट्रवादी काँग्रेस- शरदचंद्र पवार पक्षाचे आमदार जितेंद्र आव्हाड यांच्या समर्थकांमध्ये झालेल्या हाणामारीवर राज्यभरातून रोष व्यक्त होत आहे. अधिवेशनाच्या अखेरच्या दिवशी आज दोन्ही नेत्यांनी दिलगिरी व्यक्त करत या वादावर पडदा पाडला अन् पावसाळी अधिवेशनाची सखेद सांगता झाली. दरम्यान राज्य विधिमंडळाचे पुढील अधिवेशन हे ८ डिसेंबर रोजी नागपूरमध्ये होईल. जमिनीच्या बदल्यात नोकरी देण्याच्या (लॅंड फॉर जॉब) गैरव्यवहार प्रकरणात राष्ट्रीय जनता दलाचे नेते (राजद) लालूप्रसाद यादव यांना दिलासा देण्यास सर्वोच्च न्यायालयाने नकार दिला आहे. महाराष्ट्रातील गणेशोत्सवाला राज्य महोत्सवाचा दर्जा देण्यात आला असून यंदापासून महाराष्ट्र शासन या महोत्सवात थेट सहभागी होऊन हा महोत्सव राष्ट्रीय, आंतरराष्ट्रीय पातळीवर पोचविण्यासाठी प्रयत्न करणार आहे. राज्यभर परिचारिकांचा बेमुदत संप सुरूच असून, निर्णय होईपर्यंत मागे न हटण्याचा पवित्रा त्यांनी घेतला आहे. शुक्रवारी पुकारण्यात आलेला अक्कलकोट बंद शंभर टक्के यशस्वी झाला. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : दिव्यांग बांधवांचं मानधन हजार रुपयांनी वाढवलं

Pune Live : दिव्यांग बांधवांचं मानधन हजार रुपयांनी वाढवलं

Related Stories