Latest Marathi News Live Update : Panvel: पनवेल रेल्वे स्थानकावर प्लॅटफॉर्म क्रमांक सात वरील लिफ्ट कोसळली

पनवेल रेल्वे स्थानकातील सातव्या प्लॅटफॉर्मवरील लिफ्ट कोसळल्याची घटना; चार प्रवासी आत अडकले असून त्यांना बाहेर काढण्याचे प्रयत्न सुरू आहेत. या प्रकारामुळे रेल्वे प्लॅटफॉर्मवरील लिफ्ट सुरक्षेचा मुद्दा पुन्हा एकदा चर्चेत आला आहे..सांगली : दिवसभर उन्हाच्या कडाक्यानंतर आज (ता. १९) सायंकाळी वादळी वारे, विजांच्या कडकडाटासह आलेल्या पावसाने सांगली परिसराला दणका दिला. सांगली, मिरज, कवलापूर, आष्टा, ईश्वरपूर याठिकाणी प्रचंड गारपीट झाली. वादळी वाऱ्यामुळे झाडे कोसळली. रस्त्यावर पाणी साचल्याने सांगलीत वाहतूकदेखील मंदावली. सांगली शहरासह जिल्ह्यात सायंकाळी सोसाट्याचा वारा सुटला. वादळी वाऱ्यात फांद्या तुटल्या, झाडे कोसळली. पाऊस कमी आणि गाराच अधिक अशी स्थिती झाली. अक्षरश: अनेकांच्या अंगणात गारांचा सडा पडला. दुचाकीवरून घरी निघालेल्या वाहनधारकांना गारांचा मारा असह्य झाल्याने काहींनी तत्काळ आसरा शोधला. अचानक झालेल्या गारपिटीने वाहनधारकांची त्रेधातिरपीट उडाली..नेर (जि. यवतमाळ) : शहरातील किराणा दुकानांमध्ये हिंदुस्तान युनिलिव्हर, फेना आणि विप्रो यांसारख्या नामांकित कंपन्यांचे बनावट (डुप्लिकेट) प्रॉडक्ट्स विकणाऱ्या एका टोळीचा स्थानिक वितरकांनी पर्दाफाश केला आहे. या कारवाईत पोलिसांनी लाखो रुपये किमतीचा माल आणि एक बोलेरो पिकअप वाहन जप्त केले, असून दोन व्यक्तींना ताब्यात घेतले आहे..अकोला : अप्पर जिल्हाधिकारी प्रमाेद राहुल गायकवाड यांच्यावर गुन्हा दाखल झाल्यानंतर त्यांना शासनाने निलंबित केले आहे. त्यामुळे आता त्यांची विभागीय चाैकशी हाेणार आहे. त्यांच्यावर एमआयडीसी पाेलिस ठाण्यात स्टाेन क्रशरधारकाने दिलेल्या तक्रारीवरुन हा गुन्हा दाखल करण्यात आला हाेता. या प्रकारामुळे महसूल विभागात खळबळ उडाली आहे. .कोल्हापूर : वीज दरवाढीविरोधात सोमवारी (ता.२०) दुपारी साडेचार वाजता कोल्हापूर चेंबर ऑफ कॉमर्स अँड इंडस्ट्रीजच्या कार्यालयात व्यापारी-उद्योजकांची बैठक होणार आहे. महाराष्ट्रातील औद्योगिक वीजदर टप्प्याटप्प्याने कमी करण्याचा दावा राज्य शासन करत असताना महावितरणने दहा किलोवॉटपेक्षा जास्त सौरऊर्जा निर्माण करणाऱ्या औद्योगिक आणि व्यावसायिक ग्राहकांना ग्रीड सपोर्ट चार्ज लागू केला आहे. तसेच ‘टीओडी’ (टाइम ऑफ डे) बिलिंगचा झटका महावितरणने दिला आहे. परिणामी स्वखर्चाने सौर पॅनेल लावून तयार केलेली अतिरिक्त वीज रात्री वापरता येणार नाही. त्यामुळे सौर ग्राहकांना संध्याकाळी पुन्हा महावितरणची महागडी वीज विकत घ्यावी लागणार आहे. .वॉशिंग्टन : ‘‘इराणसोबत दुसऱ्या टप्प्यातील चर्चा करण्यासाठी अमेरिकेचे शिष्टमंडळ सोमवारी (ता. २०) पाकिस्तानला जाणार आहे,’’ असे अमेरिकेचे अध्यक्ष डोनाल्ड ट्रम्प यांनी रविवारी जाहीर केले. ‘‘इराणने होर्मुझ सामुद्रधुनीत शनिवारी केलेला गोळीबार हा शस्त्रसंधीचे उल्लंघन आहे. आम्ही एक अत्यंत न्याय्य आणि वाजवी करार देत आहोत. इराणने तो स्वीकारावा. मात्र, त्यांनी तो जर स्वीकारला नाही, तर अमेरिका इराणमधील प्रत्येक वीज केंद्र आणि प्रत्येक पूल उद्ध्वस्त करील,’’ असा इशाराही ट्रम्प यांनी दिला आहे..कोल्हापूर : महावितरणकडून बालिंगा उपकेंद्राकडील उच्चदाब वाहिनीचे काम केले जाणार असल्याने सोमवारी (ता. २०) वीजपुरवठा बंद ठेवण्यात येणार आहे. परिणामी बालिंगा उपसा केंद्राकडील पाणी उपसा बंद राहणार असल्याने संपूर्ण सी, डी वॉर्ड तसेच ए, बी, ई वॉर्डमधील काही भागातील पाणी सोमवारी बंद राहणार आहे. मंगळवारीही (ता. २१) पुरवठा अपुरा व कमी दाबाने होईल.नागरिकांनी उपलब्ध पाणी काटकसरीने वापरून सहकार्य करावे, असे आवाहन पाणीपुरवठा विभागाने केले आहे..Latest Marathi Live Updates 20 April 2026 : विदर्भात उन्हाचा कहर सुरूच असून, रविवारी पुन्हा कमाल तापमानात वाढ झाली आहे. नागपूरच्या पाऱ्याने या मोसमातील उच्चांकी ४४.४ अंशांपर्यंत झेप घेतली. तर अकोला आणि वर्ध्याचे तापमान ४५ अंशांवर पोहोचले आहे. सोमवारपासून ढगाळ वातावरण राहण्याची शक्यता असल्यामुळे वैदर्भीयांना दोन-तीन दिवस उन्हाच्या चटक्यांपासून दिलासा मिळण्याचा अंदाज आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : Panvel: पनवेल रेल्वे स्थानकावर प्लॅटफॉर्म क्रमांक सात वरील लिफ्ट कोसळली

Panvel Live : पनवेल रेल्वे स्थानकावर प्लॅटफॉर्म क्रमांक सात वरील लिफ्ट कोसळली

Related Stories