Latest Marathi News Live Update : सुवर्णदुर्ग ते गोवा किल्ला रोपवे प्रकल्पाला शासनाकडून मंजुरी

दापोली : पर्यटनवाढीसाठी सुवर्णदुर्ग ते गोवा किल्ला रोपवे प्रकल्पाला शासनाने मंजुरी दिली आहे, तसेच किल्ल्याजवळ जेटी उभारणीसाठी ८ कोटींचा निधीही दिला आहे. त्यामुळे हर्णैतील पर्यटनाला मोठी चालना मिळेल, असे गृहराज्यमंत्री योगेश कदम यांनी सांगितले..बेळगाव : बेळगावातील राज्य विधिमंडळाच्या हिवाळी अधिवेशनाचा खर्च पुन्हा एकदा चर्चेत आला आहे. केवळ निवास व्यवस्थेचे बिल तब्बल नऊ कोटी ७३ लाख रुपये खर्च झाल्याची अधिकृत माहिती समोर आली आहे. गतवर्षी म्हणजे २०२४ साली हा खर्च सुमारे आठ कोटी होता. म्हणजेच यंदा जवळपास दोन कोटींची वाढ झाली आहे..लंडन : मुलींच्या लैंगिक शोषणाचे रॅकेट चालविणाऱ्या जेफ्री एपस्टीनशी असलेले संबंध उघड झाल्याने वादाच्या भोवऱ्यात अडकलेले किंग चार्ल्स-तृतीय यांचे धाकटे बंधू आणि राजपुत्र अँड्रू माउंटबॅटन- विंडसर यांना ब्रिटिश पोलिसांनी अटक केली..राज्य शिक्षण मंडळाच्या दहावीच्या परीक्षेला आजपासून सुरुवात होत आहे. नागपूर जिल्ह्यात 58 हजार 458 विद्यार्थी दहावीची परीक्षा देणार आहेत. पहिला पेपर मराठीचा आहे. मागील वर्षीच्या तुलनेत यंदा 2 हजार 368 विद्यार्थी संख्येत वाढ झाली असून परिक्षेकरिता 222 केंद्रे निश्चित केली आहेत..परळ येथील केईएम रुग्णालय परिसरात सुरू असलेला मोबाईल चोरीचा प्रकार भोईवाडा पोलिसांनी उधळून लावला. या प्रकरणी 40 वर्षीय फिरोज इस्माईल शेख याला अटक करण्यात आली असून त्याच्याकडून 9 मोबाईल (किंमत सुमारे 1 लाख रुपये) जप्त करण्यात आले. 4 जानेवारी रोजी एका डॉक्टरांचा सॅमसंग A54 मोबाईल चोरीला गेल्यानंतर तपास सुरू करण्यात आला होता. सीसीटीव्ही फुटेज व तांत्रिक विश्लेषणाच्या आधारे आरोपीचा माग काढण्यात आला. 16 फेब्रुवारी रोजी पहाटे सापळा रचून शेखला ताब्यात घेण्यात आले असून पुढील तपास सुरू आहे..महाराष्ट्र राज्य माध्यमिक व उच्च माध्यमिक शिक्षण मंडळातर्फे (राज्य मंडळ) दहावीची परीक्षा आज शुक्रवारपासून (२० फेब्रुवारी) सुरू होत आहे. या परीक्षेसाठी राज्यातील १६ लाख १५ हजार ४८९ विद्यार्थ्यांनी नोंदणी केली असून, गेल्या वर्षीच्या तुलनेत यंदा ३ हजार ८७९ विद्यार्थी वाढले आहेत. ही परीक्षा १८ मार्चपर्यंत चालणार आहे. .Latest Marathi Live Updates 20 February 2026 : कृत्रिम बुद्धिमत्तेच्या (एआय) वापरासाठी जबाबदार प्रशासनाची स्पष्ट चौकट उभारणे आणि ‘एआय’चे लोकशाहीकरण करणे ही काळाची गरज असल्याचे प्रतिपादन पंतप्रधान नरेंद्र मोदी यांनी केले. कृत्रिम बुद्धिमत्ता हा मानव इतिहासातील परिवर्तनकारी टप्पा असून, तिचा उपयोग मानवकल्याण, समावेशक विकास आणि जागतिक सहकार्यासाठी व्हायला हवा, असे ठाम मत त्यांनी व्यक्त केले. भारताचा मानवकेंद्री दृष्टिकोन मांडताना मोदींनी ‘मानव’ ही संकल्पना मांडली. नैतिकता, जबाबदार प्रशासन, सार्वभौमत्व, सर्वसमावेशकता आणि वैधता या पाच स्तंभांवर ‘एआय’चे प्रशासन उभे राहिले पाहिजे, असे त्यांनी स्पष्ट केले. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : सुवर्णदुर्ग ते गोवा किल्ला रोपवे प्रकल्पाला शासनाकडून मंजुरी

सुवर्णदुर्ग ते गोवा किल्ला रोपवे प्रकल्पाला शासनाकडून मंजुरी

Related Stories