Latest Maharashtra News Updates : एकनाथ शिंदे यांच्या विरोधात शिवसेना उद्धव बाळासाहेब ठाकरे पक्षाकडून पुण्यात बॅनरबाजी

संसदेच्या पावसाळी अधिवेशनापूर्वी सर्वपक्षीय बैठकीसाठी टीडीपी खासदार लवू श्री कृष्णा देवरायलू पोहोचले.रत्नागिरीत आरे-वारे समुद्रात चार जणांचा बुडून मृत्यू तर पंढरपुरात चंद्रभागा नदीत तीन महिला बुडाल्या.पुण्यातील गणपती माथा परिसरात दोन पीएमपी बसचा अपघात झाल्यानंतर वाहतूक कोंडी झाली. सुदैवाने या दोन्ही बसमध्ये प्रवासी नसल्याने अनर्थ टळला. .फुलंब्री तालुक्यातील पाथ्री शिवारात असणाऱ्या खांबाट वस्तीवरील तीन ते अकरा वयोगटातील तीन मुलांना अचानक लुळेपणा आल्याने वस्तीवरील नागरिक धास्तावले आहे. या तिघावरही छत्रपती संभाजीनगर येथील खाजगी रुग्णालयात उपचार सुरू आहे. .नााशिक देवळाली दरम्यान ओव्हरहेड वायर तुटल्याने मध्य रेल्वेची अप वाहतूक कोलमडली, अनेक एक्सप्रेस गाड्या पाच-सहा तास उशिरा.कोल्हापूर : ‘जिल्हा सहकारी दूध उत्पादक संघात (गोकुळ) संचालक वाढीबाबतच्या निर्णयात महाडिक काका-पुतण्यांची समजूत काढू. ‘गोकुळ’ची निवडणूक महायुती म्हणूनच लढविली जाईल’, असे वैद्यकीय शिक्षणमंत्री हसन मुश्रीफ यांनी शनिवारी स्पष्ट केले. .कोल्हापूर : सातव्या वेतन आयोगातील वेतनत्रुटी दूर करा, यासह विविध मागण्यांसाठी महाराष्ट्र राज्य परिचारिका संघटनेतर्फे आज तिसऱ्या दिवशीही काम बंद आंदोलन सुरू होते. यामुळे सीपीआर रुग्णालयातील उपचार सेवेवर परिणाम झाला. आंदोलनात सीपीआरमधील ५०० परिचारिका सहभागी झाल्या आहेत. २५ हून अधिक शस्त्रक्रिया पुढे ढकलल्या असून, नियमित उपचार सेवा मात्र सुरळीत होती. .पर्वती येथून एसएनडीटीकडे जाणारी पाईपलाईन फुटल्यामुळे पुणे शहरातील अनेक भागात पाणीपुरवठा विस्कळीत झाला आहे. आजही पाणी येण्याची शक्यता आहे. येथे क्लिक करा.बंगळूर : उपमुख्यमंत्री डी. के. शिवकुमार यांच्या ताफ्यातील एस्कॉर्ट वाहन शनिवारी दुपारी मंड्या जिल्ह्यातील श्रीरंगपट्टण तालुक्यातील टीएम होसूर गेटजवळ उलटले. त्यात बसलेले चार जण जखमी झाले. शनिवारी म्हैसूर येथील साधना मेळाव्यात सहभागी होऊन बंगळूरला परतत असताना शिवकुमार यांच्या गाडीच्या ताफ्यामागे येणाऱ्या वाहनावरील चालकाचे नियंत्रण सुटल्याने उलटली. मोटारमधील महेश, दिनेश, जयलिंगू आणि कार्तिक हे जखमी झाले आहेत. त्यांना श्रीरंगपट्टण तालुका रुग्णालयात प्राथमिक उपचार करण्यात आले आणि नंतर पुढील उपचारांसाठी म्हैसूर येथील के. आर. रुग्णालयात नेण्यात आले. अपघातामुळे वाहनाचे अंशतः नुकसान झाले..बंगळूर : राज्य विधिमंडळाचे पावसाळी अधिवेशन ११ ते २२ ऑगस्टदरम्यान नऊ दिवस चालेल. यासंदर्भात एक अधिसूचना जारी करण्यात आली आहे. राज्यपाल थावरचंद गेहलोत ११ ऑगस्ट रोजी सकाळी ११ वाजता विधानसभा आणि विधान परिषदेच्या संयुक्त अधिवेशनाला संबोधित करतील. आरसीबी विजयोत्सवादरम्यान झालेली चेंगराचेंगरी, सरकारचा नवीन जातीय जनगणनेचा निर्णय, अनुसूचित जातींसाठी अंतर्गत आरक्षण देण्यासाठी केलेल्या सर्वेक्षणातील विसंगती आणि किनारपट्टीवरील जिल्ह्यांमध्ये हत्याकांड यासह अनेक मुद्दे अधोरेखित करून विरोधी पक्ष सरकारला संकटात आणण्याची रणनीती आखत आहेत. या अधिवेशनात कर्नाटक रोहित वेमुला विधेयक, कर्नाटक चुकीची माहिती आणि बनावट बातम्या प्रतिबंधक विधेयक आणि कर्नाटक द्वेषपूर्ण भाषण आणि गुन्हे प्रतिबंधक विधेयक यासह अनेक विधेयके सादर होण्याची अपेक्षा आहे..राधानगरी : पावसाळ्याआधीचा शिल्लक पाणीसाठा आणि पावसाळा काळातील पाणीसाठा कमी आणि नियंत्रित करण्यासाठी उघडलेले राधानगरी धरणाचे एक सेवाद्वार (सर्व्हिस गेट) अखेर काल सायंकाळी बंद करण्यात आले. धरणातून होणाऱ्या विसर्गात १६०० क्युसेकने घट झाली आहे. आता वीज निर्मितीसाठी १५०० क्युसेक विसर्ग सुरू आहे. गेले ३३ दिवस या गेटमधून पाणी विसर्ग सुरू होता. या काळात धरणातून तब्बल नऊ टीएमसी म्हणजे धरण संचय क्षमतेहून अधिक पाण्याचा विसर्ग झाला आहे..लाहोर (पीटीआय) : पाकिस्तानने ‘ऑपरेशन सिंदूर’नंतर भारतीय विमानांसाठी हवाई हद्द बंद केली होती. ही बंदी आता २४ ऑगस्टपर्यंत वाढविण्यात आली आहे. पाकिस्तान विमानतळ प्राधिकरणाने (पीएए) ही माहिती दिली. ‘नोटम’ने (नोटीस टू एअरमेन) दिलेल्या माहितीनुसार भारतीय विमान कंपन्यांच्या नागरी किंवा लष्करी अशा कोणत्याही विमानांना पाकिस्तानी हवाई हद्दीत प्रवेश मिळणार नाही. ही बंदी भारतीय वेळेनुसार शुक्रवारी (ता. १८) दुपारी साडेतीनपासून सुरू झाली आहे. ती २४ ऑगस्टपर्यंत पहाटे पाच वाजून १९ मिनिटांपर्यंत लागू राहील, असे ‘पीपीए’ने म्हटले आहे..Latest Marathi Live Updates 20 July 2025 : अमेरिकेचे अध्यक्ष डोनाल्ड ट्रम्प यांनी भारत- पाकिस्तान संघर्षाबाबत पुन्हा एकदा जाहीर भाष्य केले आहे. या संघर्षात पाच विमाने पाडल्याचा दावा त्यांनी केला असून, माझ्या हस्तक्षेपामुळेच हा संघर्ष थांबल्याचेही ते म्हणाले. तसेच पाकिस्तानने ‘ऑपरेशन सिंदूर’नंतर भारतीय विमानांसाठी हवाई हद्द बंद केली होती. ही बंदी आता २४ ऑगस्टपर्यंत वाढविण्यात आली आहे. कर्णकर्कश साऊंड सिस्टीमवर निर्बंध घालण्याबरोबरच डोळ्यांना घातक ठरणाऱ्या ‘लेसर’ वापरावरील बंदीची काटेकोर अंमलबजावणी करण्याचे आदेश कोल्हापूर जिल्हा पोलिस अधीक्षक योगेशकुमार गुप्ता यांनी अधिकाऱ्यांना दिले. कर्नाटक विधिमंडळाचे पावसाळी अधिवेशन ११ ते २२ ऑगस्टदरम्यान नऊ दिवस चालेल. यासंदर्भात एक अधिसूचना जारी करण्यात आली आहे. उपमुख्यमंत्री डी. के. शिवकुमार यांच्या ताफ्यातील एस्कॉर्ट वाहन शनिवारी दुपारी मंड्या जिल्ह्यातील श्रीरंगपट्टण तालुक्यातील टीएम होसूर गेटजवळ उलटले. त्यात बसलेले चार जण जखमी झाले. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : एकनाथ शिंदे यांच्या विरोधात शिवसेना उद्धव बाळासाहेब ठाकरे पक्षाकडून पुण्यात बॅनरबाजी

Live Update: एकनाथ शिंदे यांच्या विरोधात शिवसेना उद्धव बाळासाहेब ठाकरे पक्षाकडून पुण्यात बॅनरबाजी