Latest Marathi News Update : दिवसभरात देश-विदेशात काय घडलं? जाणून घ्या एका क्लिकवर

पुणे- अहिल्यानगर महामार्गावर प्रचंड वाहतूक कोंडी झाली असून वाहनांच्या लांबच लांब रांगा लागल्या आहेत..नोएडा-गाझियाबादमध्ये डिझेल ऑटोरिक्षांवर बंदी घालण्यात आली असून, एनसीआरमध्ये प्रदूषण रोखण्यासाठी टप्प्याटप्प्याने निर्बंध लादण्यास सुरुवात करण्यात आली आहे. .पाचोड: दारुच्या आहारी गेलेल्या पोटच्या मुलाने जन्मदात्या पित्याचा खून करून त्याचा मृतदेह राहत्या घरात पुरून पुरावा नष्ट करण्याचा प्रयत्न केल्याची हृदयद्रावक घटना कडेठाण (ता.पैठण) येथे शनिवारी (ता. २२) उघडकीस आली असून पाचोड (ता.पैठण) पोलिसांनी खूनी मुलास ताब्यात घेतले आहे..पुणे महापालिकेच्या संकेतस्थळावरून ऑनलाइन मतदार यादी डाऊनलोड करण्यास येणाऱ्या अडचणी कायम आहेत. त्यामुळे इच्छुक उमेदवारांना नाइलाजास्तव मतदार यादीची प्रत महापालिकेकडून विकत घ्यावी लागत आहे. गेल्या तीन दिवसात महापालिकेला यातून १० लाख ४९ हजार रुपयांचा महसूल मिळाला आहे. दरम्यान, आत्तापर्यंत मतदार यादीतील घोळावर प्रशासनाकडे ९१ हरकती आल्या आहेत..जम्मूच्या बिश्नाह शहरात, एका ड्रग्ज तस्कराच्या भावाच्या घरावर मोठी कारवाई करण्यात आली. त्याचे घर उद्ध्वस्त करण्यासाठी बुलडोझरचा वापर करण्यात आला..महाराष्ट्र गृहनिर्माण व क्षेत्रविकास प्राधिकरणा’च्या (म्हाडा) अभिन्यासात एकत्रित पुनर्विकासास पात्र असलेल्या परिसरात यापुढे एकल इमारतीच्या पुनर्विकासाला परवानगी न देण्याचे धोरण राज्य शासनाने जारी केले आहे..दहिसरमधील भंगार दुकानाला आगदहिसरमधील गणपत पाटील नगर परिसरातील एका भंगार दुकानाला आगआगीवर नियंत्रण मिळवण्यात अग्निशमन दलाला यशआगीत भंगारचं दुकान जळून खाक, मोठं नुकसान.राजधानी नवी दिल्लीतील लाल किल्ल्याजवळ झालेल्या मोटारस्फोटप्रकरणात व्हॉईट-कॉलर टेरर मोड्यूल’ उघडकीस आल्यानंतर अल फलाह विद्यापीठाचे दहशतवादी नेटवर्कशी दीर्घकाळापासून संबंध असल्याचे एनआयएच्या तपासास निदर्शनास आले आहे..मुंबईतील अनेक पोलीस ठाण्यांमध्ये कार्यरत असलेल्या बॅच क्रमांक - ११८,११९,१२० आदी बॅचच्या साधारण १००० पोलीस उपनिरीक्षक आणि सहाय्यक पोलीस निरीक्षकांच्या गेल्या ४ वर्षात बदल्या झालेल्या नसल्याने या पदावरील अधिकाऱ्यांकडून आश्चर्य व्यक्त होत आहे. अधिक काळ एकाच ठिकाणी कर्तव्य बजावत असलेल्या पोलीस अधिकारी कर्मचा-यांच बदली करण्यात यावी, असे निवडणूक आयोगाचे गृहविभागाला स्पष्ट निर्देश दिले आहेत.मध्यप्रदेश मधील उमरती गावात जाऊ पुणे पोलिसांनी पिस्तूल आणि दारूगोळा बनवल्या जाणारे अड्डे उध्वस्त केले आहेत..७८ व्या पूंछ लिंक-अप दिनानिमित्त पूंछ नमन स्थळ युद्ध स्मारकावर व्हाईट नाईट कॉर्प्स कमांडर लेफ्टनंट जनरल पीके मिश्रा यांच्या हस्ते पुष्पहार अर्पण करण्यात आला..पंतप्रधान मोदी यांनी जोहान्सबर्ग येथे G20 च्या बाजूला इटलीच्या समकक्ष जॉर्जिया मेलोनी यांची भेट घेतली.भाजप मुंबई प्रदेश अध्यक्ष अमित साटम यांनी काँग्रेस आमदार असलम शेख यांच्यावर केलेल्या अभद्र भाषेतील टीकेनंतर काँग्रेस आक्रमक झाली असून अमित साटम यांच्या विरोधात गुन्हा दाखल करावा यासाठी काँग्रेस साटम यांच्या अंधेरी कार्यालयाबाहेर आंदोलन करणार आहे. मात्र या पार्श्वभूमीवर आता पोलिसांकडून या ठिकाणी मोठा बंदोबस्त तैनात करण्यात आला असून साटम यांचे कार्यकर्ते देखील मोठ्या संख्येने कार्यालयाबाहेर जमा झाले आहेत.."एवढे उमेदवार आणि एवढे कार्यकर्ते रस्त्यावर उतरले तर समोरच्याचे डिपॉझिट जप्त झाल्याशिवाय राहणार नाही, ज्या उमेदवारांनी आपले उमेदवार मागे घेतले त्यांचे अभिनंदन, या डहाणू नगर परिषदेवर परिवर्तनाचा भगवा फडकणार आहे. लाडक्या बहिणी सत्ता उलटून टाकतात, डहाणूमध्ये जेवढा समुद्र मोठा आहे, तेवढी लोकांची मनं देखील मोठी आहेत. या सभेला जी गर्दी उसळली त्यावरून राजू माच्ची यांचा विजय निश्चित आहे.एकाधिकार शाही आणि अहंकाराविरोधात आपण आता एकत्र आलो आहोत. " असं एकनाथ शिंदे म्हणाले.. २०२५ पेण नगरपालिका सार्वत्रिक निवडणूक या अनुषंगाने शहरातील मतदार राजाने उत्साहाने मतदान प्रक्रियेत सहभाग घेऊन मतदान करावे याकरिता नगरपालिकेच्या वतीने जनजागृती रॅली काढण्यात आली.यावेळी जनजागृती करत असताना "मतदार राजा जागा हो लोकशाहीचा धागा हो" "निर्भय होऊन मतदान करा भारत देशाचा सन्मान करा" "वाढवू तिरंग्याची शान करूया देशासाठी मतदान"अशा घोषणा देत सदर रॅली संपूर्ण शहरात फिरवण्यात आली यासह मोटार बाईक रॅली सुद्धा काढून मतदारांना मतदार जागृत करण्याचे आवाहन करण्यात आले.या रॅलीमध्ये अतिरिक्त मुख्याधिकारी राहुल पराडकर, प्रशासकीय अधिकारी गणेश ठाकूर, लेखाधिकारी किरण शहा, आरोग्य अधिकारी दयानंद गावंड, विश्वनाथ गायकवाड, महेश वडके, शिवाजी चव्हाण, उमंग कदम, प्रवीण बैकर आदिंसह पेण एज्युकेशन सोसायटीच्या भाऊसाहेब नेने महाविद्याल, नगरपालिका शाळा येथील शिक्षक, विद्यार्थी या रॅलीत मोठ्या संख्येने उपस्थित होते..नाशिक शहरातील इंदिरानगर बोगदा, मुंबई नाका, आणि द्वारका परिसरात मोठ्या प्रमाणात वाहतूक कोंडी झाली आहे. नाशिक-मुंबई महामार्गावरील इंदिरानगर बोगद्याची लांबी वाढवण्याच्या आणि ग्रेड सेपरेटर फ्लायओव्हरच्या कामासाठी बोगदा बंद करण्यात आला आहे, ज्यामुळे वाहतूक कोंडी निर्माण झाली आहे. पुढील ९ महिन्यांसाठी इंदिरानगर बोगदा बंद राहणार आहे. इंदिरानगर बोगद्यातील वाहतूक पर्यायी मार्गाने वळवण्यात आली आहे. मात्र, बोगदा वाहतुकीसाठी बंद असल्यामुळे मुंबई नाका आणि द्वारका परिसरात वाहतूक कोंडी झाली आहे. रुग्णवाहिकांनाही या वाहतूक कोंडीचा फटका बसला आहे. वाहतूक कोंडी टाळण्यासाठी नागरिकांनी पर्यायी मार्गांचा वापर करावा, असे पोलीस प्रशासनाने आवाहन केले आहे..बुटीबोरी नगरपरिषदेत भाजपचे दोन नगरसेवक बिनविरोध निवडून आले आहेत. प्रभाग क्रमांक ६ मधून भाजपचे अरविंद जैस्वाल आणि सविता खंते यांच्या विरोधात कोणताही उमेदवार अर्ज न भरल्याने दोघांची बिनविरोध निवड झाली.नगराध्यक्ष पदासाठी भाजपकडून निंद्य दुधे रिंगणात उतरले असून, ठाकरे गटाने आकाश वानखेडे यांना उमेदवारी दिली आहे..मंत्री उदय सामंत यांनी राष्ट्रवादीवर सूचक टीका करत युती टिकवण्याचा प्रयत्न सुरू असल्याचे स्पष्ट केले. रायगड आणि रत्नागिरीतील नगरपरिषद निवडणुकांत शिवसेना आणि राष्ट्रवादी आमनेसामने असल्याबद्दल विचारले असता, त्यांनी राष्ट्रवादीतील काही नेत्यांचे आंतरकलहाच कारण असल्याचे सूचित केले. “महेंद्र दळवी, भरत गोगावले, महेंद्र थोरवे यांचेच जेव्हा मतभेद आहेत, तेव्हा आमच्याकडे कोणाचा हेवा-दावा आहे?” असा सवाल उपस्थित करत सामंत यांनी रत्नागिरीत राष्ट्रवादीने शिवसेनेविरोधात उभे केलेल्या उमेदवारांवरही अप्रत्यक्षरित्या टीका केली..उपमुख्यमंत्री अजित पवार (ता.२२) धारूरहून केजकडे जात असताना त्यांच्या ताफ्यातील वाहनाचा धूनकवड फाटा भागात अपघात झाला. ताफा जात असताना दुचाकीला धडक लागल्याने पती-पत्नी आणि दोन लहान मुलांसह चार जण गंभीर जखमी झाले. अपघात इतका तीव्र होता की दुचाकी पूर्णपणे चुरडली गेली. स्थानिक नागरिकांनी तातडीने मदतकार्य सुरू करून सर्व जखमींना धारूर ग्रामीण रुग्णालयात हलवले. त्यापैकी दोघांची प्रकृती गंभीर असल्याची प्राथमिक माहिती आहे.घटनेची माहिती मिळताच पोलीस तातडीने घटनास्थळी पोहोचले. त्यांनी रस्त्यावरील वाहतूक सुरळीत करून पंचनामा सुरू केला. अपघाताचे नेमके कारण अद्याप स्पष्ट झालेले नाही, परंतु ताफ्याचा वेग, अचानक आलेली दुचाकी किंवा रस्त्यावरील गर्दी यांपैकी कोणत्या कारणामुळे अपघात झाला याची चौकशी सुरू आहे. घटनेनंतर परिसरात काही काळ वाहतूक कोंडी झाली होती, परंतु पोलिसांनी तातडीने परिस्थिती नियंत्रणात आणली. या अपघातामुळे परिसरात खळबळ उडाली असून पुढील तपास सुरू आहे..वाशिम जिल्ह्यात सध्या रब्बी हंगामातील पिकांना युरिया खत देण्याची गरज असताना युरियाचा मोठया प्रमाणात तुटवडा निर्माण झालाय. त्यामुळे मालेगाव शहरातील खत विक्री केंद्रावर युरिया खतासाठी शेतकऱ्यांनी मोठ्या प्रमाणात गर्दी केली असून, शेतकऱ्यांच्या मोठ्या रांगा लागल्या आहेत. काही दुकानदारांकडून मुद्दाम युरिया खताचा कृत्रिम तुटवडा निर्माण केला जात असल्याचा आरोप शेतकऱ्यांनी केला असून, पोलिसांच्या निगराणीत शेतकऱ्यांना खाताचं वाटप करावं अशी मागणी केली.शिवसेना संपर्कप्रमुख महेश गायकवाड यांनी खैरे कुटुंबाला भेट दिली, तर उपमुख्यमंत्री शिंदेंनी त्यांच्याशी फोनवरून संवाद साधला..मालेगावमध्ये घडलेल्या चिमुकलीवरील अत्याचाराच्या घटनेचे पडसाद संपूर्ण राज्यात उमटत आहेत. आज अहिल्यानगर जिल्ह्यातील अकोले शहरात नागरिकांनी शांततामय मोर्चा काढून या घटनेचा तीव्र निषेध व्यक्त केला. आरोपीला कठोर शिक्षा मिळावी, या मागणीसाठी निघालेल्या या मोर्चात मोठ्या संख्येने महिला आणि पुरुष सहभागी झाले होते. किर्तनकार इंदोरीकर महाराज देखील काही काळासाठी आपल्या सहकाऱ्यांसह या मोर्चात सहभागी झाले होते..देवदर्शनाला जाताना भाविकांवर काळाने घाला घातल्याची घटना सोलापूरमध्ये झाली आहे. क्रूझरचे टायर फुटल्याने चालकाचे नियंत्रण सुटले अन् गाडी उलटली. या अपघातामध्ये पाच जणांचा मृत्यू झाला आहे. तर सात ते आठ जण गंभीर जखमी झाले आहेत. जखमींना उपचारासाठी सोलापूरमधील सरकारी रूग्णालयात दाखल केले आहे..भाजपा आमदार राणाजगजितसिंह पाटील यांच्या सह भाजप नेत्यांकडून मुख्यमंत्र्यांच धाराशिव विमानतळावर स्वागत करण्यात आलं. भाजपचे आमदार राणाजगजितसिंह पाटील यांच्या शिंगोली येथील निवासस्थानी मुख्यमंत्री फडणवीस भेट देणार आहेत. आमदार राणाजगजीतसिंह पाटील यांचे सुपुत्र मल्हार पाटील यांच्या विवाह सोहळ्यानिमित्त शुभेच्छा देण्यासाठी फडणवीस धाराशिव दौऱ्यावर आहेत..मुंबईच्या माहीम पूर्व झोपडपट्टी परिसरात मोठी आग लागल्याची घटना घडलीय. हार्बर रेल्वे लाईन मार्गा लागत असलेल्या झोपडपट्टीला मोठी आग लागलीय. अग्निशमन दलाचे जवान महापालिकेचे कर्मचारी मुंबई पोलीस घटनास्थळी दाखल झाले आहेत. आग विझवण्याचे युद्ध पातळीवर प्रयत्न सुरू आगीत अनेक झोपड्या जळून खाक आगीचे कारण अद्याप अस्पष्ट.माहिमच्या शाही वाडी भागात आग लागली असून, अग्निशामक दलाच्या 4 गाड्या घटनास्थळी पोहोचल्या आहेत..काही दिवसांपूर्वी सुरज चव्हाण यांनी छावा संघटनेच्या कार्यकर्त्यांना मारहाण केली होती, त्यानंतर त्यांचे राष्ट्रवादी अजित पवार गटातील पद काढून टाकण्यात आले. मात्र, त्यांना पुन्हा राष्ट्रवादीच्या प्रदेश प्रवक्ते म्हणून नियुक्त करण्यात आले, ज्यामुळे छावा संघटना नाराज झाली. आज औसा येथे होणाऱ्या सभेत छावा संघटनेचे कार्यकर्ते अजित पवारांना प्रश्न विचारणार होते. सभेत गोंधळ होण्याची शक्यता असल्याने विजयकुमार घाडगे पाटील यांना पोलिसांनी ताब्यात घेतले आहे..शरद पवार, एकनाथ शिंदे, अजित पवार हे भाजपाच्या विरोधात एकाच बॅनरखाली एकत्र आले आहेत. शिवसेना आणि दोन्ही राष्ट्रवादी काँग्रेस पक्ष एकत्र येऊन भाजपाला आव्हान देण्याचा प्रयत्न करत आहेत. राष्ट्रवादी काँग्रेसच्या शरद पवार गटाचे माजी मंत्री बाळासाहेब पाटील, शिंदे गटाचे राजेंद्रसिंह यादव आणि अजित पवार राष्ट्रवादीचे उदयसिंह पाटील हे एकत्र आले आहेत..मुंबईत अर्णव खैरे प्रकरणाला नवा राजकीय वळण लागण्याची चिन्हं दिसत आहेत. भाषिक वादातून झालेल्या मारहाणीमुळे अर्णवने आत्महत्या केली, असा गंभीर आरोप केला जात आहे. या पार्श्वभूमीवर भाजपने ठाकरेंची शिवसेना आणि मनसेवर भाषावाद व प्रांतवादाला प्रवृत्त करत वातावरण ढवळून काढल्याचा ठपका ठेवला आहे. या दोन्ही पक्षांना “सद्बुद्धी मिळावी” यासाठी भाजप मुंबई अध्यक्ष अमित साटम बाळासाहेब ठाकरे यांच्या स्मृतीस्थळावर विशेष प्रार्थना करणार असून, अर्णव खैरेलाही श्रद्धांजली अर्पण केली जाणार आहे..नाशिक जिल्ह्यातील सिन्नर तालुक्यातल्या नायगाव परिसरात गावगुंडांनी दहशत माजवल्याचा प्रकार उघडकीस आला आहे. “पन्नास हजार दे नाहीतर दुकान पेटवून देईन” अशी धमकी देत एका दुकानदाराला मारहाण करण्यात आली. या प्रकरणी पीडित दुकानदाराने सिन्नर एमआयडीसी पोलिसात तक्रार दाखल केली असून, पोलिसांनी जीवे ठार मारण्याचा प्रयत्न, खंडणी मागणे आणि धमकावणे या गंभीर कलमांसह गुन्हा नोंदवला आहे. घटनेनंतर आरोपी फरार असून सिन्नर एमआयडीसी पोलिसांकडून त्याचा शोध सुरू करण्यात आला आहे..- काँग्रेसचे कन्हान अध्यक्ष विद्यमान उमेदवार राजेश यादव यांनी निवडणूकितून माघार घेत अर्ज मागे घेतलाय.- राजेश यादव यांनी कॉंग्रेसला धकक्क देत शिवसेनेला समर्थन दिलेय. शिवसेना नेते राज्यमंत्री आशिष जयस्वाल यांच्या उपस्थितीत समर्थन दिले, यावेळी जयस्वाल यांनी हार घालत सत्कार केला.- कन्हानमध्ये भाजपचे राजेंद्र शेंद्रे, शिवसेनेचे वर्धराज पिल्ले,भाजपा बंडखोरी करून राष्ट्रवादी पक्षाकडून मैदानात उतरलेले डॉ.मनोहर पाठक,- शिंदेसेनेच्या बंडखोर माजी नगराध्यक्ष अरुणा अष्टानकर, काँग्रेसचे चंद्रशेखर पडोळे यांच्या सामना होत आहे..पिस्तूल बनवण्याचे कारखाने केले उध्वस्तपिस्तूल सह मोठा दारूगोळा केला जप्तमध्य प्रदेश मधील उमरती गावात शिरून पुणे पोलिसांची कारवाई४७ जणांना पुणे पोलिसांनी घेतलं ताब्यात.राष्ट्रवादी काँग्रेसचे आमदार संग्राम जगताप यांच्या अडचणीत वाढ झाली आहे.अकोल्यामध्ये त्यांच्याविरोधात समाजात धार्मिक तेढ निर्माण करून भावना दुखावल्याचा आरोप करण्यात आला आहे.दिवाळीची खरेदी करताना हिंदूंकडून करा असे थेट आवाहन जगताप यांनी केले होते.ज्यामुळे त्यांच्यावर अटकेची टांगती तलवार आहे..उपमुख्यमंत्री एकनाथ शिंदे आज पालघर जिल्ह्याच्या दौऱ्यावर असून जिल्ह्यात शिंदे यांच्या चार जाहीर सभा होणार आहेत.डहाणू जव्हार पालघर आणि वाडा अशा चार ठिकाणी शिंदे जाहीर सभा घेणारचारही सार्वत्रिक निवडणुकांमध्ये शिवसेना शिंदे गट भाजप विरोधात लढत असल्याने शिंदे यांच्या या पालघर जिल्हा दौऱ्याला विशेष महत्त्व आहे.पालघर डहाणू जव्हार या तीन नगरपरिषदा तर वाडा या नगरपंचायत ची सार्वत्रिक निवडणूक होत आहेत.डहाणू नगरपरिषदेत शिवसेना आणि भाजप असा थेट सामना रंगणार आहे..अमरावती शहरात चोरीच्या घटना वाढत आहेत.. नुकतीच चोरी करण्यासाठी दत्त कॉलनीतील बंद घर बघून दोन चोरटे घरात शिरताना सीसीटीव्ही मध्ये कैद झालेत..घरात शिरून दोन चोरटे शोधाशोध करीत असताना देखील सीसीटीव्ही कॅमेऱ्यात कैद झालेत..बुलढाणा नगर परिषदेच्या नगराध्यक्ष पदाच्या निवडणुकीत शिंदे सेनेचे आमदार संजय गायकवाड यांच्या पत्नी पूजा गायकवाड निवडणूक लढवत आहे .. पूजा गायकवाड यापूर्वी नगराध्यक्षा सुद्धा राहिल्या आहेत. . त्यांच्यासमोर काँग्रेसच्या लक्ष्मी काकस आणि भाजपाच्या अर्पिता शिंदे यांचे कडवे आव्हान असणार आहे. . .महापालिकेने आज अचानक जंगली महाराज रस्ता आणि गोपाळ कृष्ण गोखले रस्त्यावर अचानक कारवाई करून ५० पेक्षा दुकाने, हॉटेलचे शेड, पथारीवर कारवाई केली. महापालिकेने या कारवाईची कोणालाही कुणकुण लागू न देता कारवाई केल्याने व्यावसायिकांची चांगलीच गडबड झाली. जंगली महाराज रस्ता, गोखले रस्त्यावर अर्बन स्ट्रीट प्रकल्पांतर्गत नव्याने पदपथ तयार करण्यात आले आहेत..पाटणा : बिहारमध्ये नवनियुक्त मंत्रिमंडळाचे खातेवाटप जाहीर झाले असून, गृह खाते मुख्यमंत्री नितीशकुमार यांच्याऐवजी उपमुख्यमंत्री सम्राट चौधरी यांच्याकडे देण्यात आले आहे. त्यामुळे पहिल्यांदाच गृह खात्याची जबाबदारी भाजपच्या मंत्र्याकडे देण्यात आली आहे..कोल्हापूर : छत्रपती शिवाजी महाराजांच्या युद्धनीतीपासून ते शौर्याची अनुभूती देणारा छत्रपती शिवाजी महाराज ट्रेल ट्रॅक (पद भ्रमंती मोहीम) येत्या २४ ते २७ नोव्हेंबर यादरम्यान होणार आहे. राष्ट्रीय छात्र सेनेच्या वतीने पन्हाळा-पावनखिंड मार्गावर होणाऱ्या पदभ्रमंती मोहिमेत देशातील ११६० हून अधिक छात्र सहभागी होणार आहेत. येत्या चार डिसेंबरपर्यंत येथे छात्र शिबिर होणार आहे, अशी माहिती छात्र सेनेच्या कोल्हापूर ब्रिगेडियर आर. के. पैठणकर यांनी पत्रकार परिषदेत दिली..अंबरनाथ – बुवापाडा परिसरात आज सकाळी झालेल्या भीषण अपघातात शिवसेना शिंदे गटाच्या अंबरनाथ नगरपरिषदेचे उमेदवार किरण चौबे यांच्या गाडीचा गंभीर अपघात झाला. या दुर्घटनेत चौबे यांचे ड्रायव्हर लक्ष्मण शिंदे, अंबरनाथ महानगरपालिकेचे दोन कर्मचारी आणि एका पादचारी नागरिकाचा मृत्यू झाला. किरण चौबे गंभीर जखमी असून त्यांच्यावर उपचार सुरू आहेत..बंगळूर : शहरातील एटीएममध्ये रोख रक्कम भरणाऱ्या सीएमएस वाहनावर झालेल्या ७.११ कोटींच्या भरदिवसा दरोड्याचा उलगडा शहर पोलिसांनी केला आहे. विशेष तपास पथकाने (एसआयटी) कारवाई करत सहा दरोडेखोरांना अटक केली असून ५.३० कोटी जप्त केले आहेत. उर्वरित १.८१ कोटींचा तपास सूर आहे. तसेच पसार दरोडेखोरांचा शेजारच्या राज्यांमध्ये माग काढला जात आहे..ढाका : बांगलादेशची राजधानी ढाका शहरासह या देशाच्या इतर काही भागांना मध्यम तीव्रतेच्या भूकंपाचा धक्का बसला. रिश्टर स्केलवर या भूकंपाची तीव्रता ५.७ इतकी होती. या भूकंपामुळे काही इमारतींचे नुकसान होऊन विविध ठिकाणी आग लागण्याच्या घटना घडल्या. यामुळे झालेल्या विविध अपघातांत एकूण सहा जणांचा मृत्यू झाला असून काही जण जखमी झाले आहेत. या भूकंपाचे हादरे पश्चिम बंगालमध्येही जाणवले. .राज्यातील तापमानात सध्या चढ – उतार सुरू आहे. अनेक भागांत सरासरीपेक्षा कमी किमान तापमानाची नोंद होत आहे. दरम्यान, हवामान विभागाच्या अंदाजानुसार महाराष्ट्रासह मध्य भारतातील काही भागात ४ डिसेंबरपर्यंत तापमान सरासरीपेक्षा कमी राहण्याचा अंदाज आहे. धुळ्यात शुक्रवारी राज्यातील सर्वात कमी ७.५ अंश सेल्सिअस तापमानाची नोंद झालीये. .Latest Marathi Live Updates 22 November 2025 : केंद्रातील मोदी सरकारने ऐतिहासिक निर्णय घेत वेतन संहिता (२०१९) औद्योगिक संबंध संहिता (२०२०), सामाजिक सुरक्षा संहिता (२०२०), व्यावसायिक सुरक्षा, आरोग्य आणि कामकाजाची अट संहिता (२०२०) या चार कामगार संहितांची आजपासून अंमलबजावणी करण्यात येत असल्याची घोषणा केली. तसेच उपमुख्यमंत्री अजित पवार आज जालना जिल्हा दौऱ्यावर आहेत. राज्यातील तापमानात सध्या चढ – उतार सुरू आहे. अनेक भागात सरासरीपेक्षा कमी किमान तापमानाची नोंद होत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update : दिवसभरात देश-विदेशात काय घडलं? जाणून घ्या एका क्लिकवर

Pune Live : पुणे-अहिल्यानगर महामार्गावर प्रचंड वाहतूक कोंडी

Related Stories