Latest Marathi News Update : देश-विदेशात दिवसभरात काय घडलं? जाणून घ्या एका क्लिक वर

मराठवाड्यात अतिवृष्टीने हाहाकार माजवला असून गोदावरी नदीचे पाणी नांदेड शहरात शिरले आहे..मराठवाड्यात पुरामुळे प्रचंड नुकसान झाले असून सरकारने मदतीची घोषणा केली आहे. दरम्यान भाजपचे आमदार आणि खासदार यांनी एक महिन्याचे वेतन देणार असल्याची माहिती प्रदेशाध्यक्ष रविंद्र चव्हाण यांनी माध्यमांना दिली. .जळगावच्या पाचोर्यातील लोहटार येथील गावाजवळील गलाठी नाल्यात मृत बिबट्या पाण्याचा प्रवाहात वाहून आल्याची घटना समोर आली आहे. .मुख्यमंत्री देवेंद्र फडणवीस यांनी निलंगा तालुक्यातील औराद शहाजानी येथील मुसळधार पावसामुळे झालेल्या नुकसानीची पाहणी केली आहे..मुलुंड येथील शताब्दी गार्डनमध्ये असलेल्या महावितरणच्या (MSEB) विजेच्या खांबाजवळ शॉक लागून जर्मन शेफर्ड आणि रॉटविलर या दोन श्वानांचा मृत्यू झाल्याची दुर्दैवी घटना घडली आहे. स्थानिक मनसे शाखा अध्यक्ष संदीप वरे यांनी या ठिकाणी विजेच्या उघड्या तारा असल्या व वारंवार शॉक बसत असल्याच्या तक्रारी प्रशासनाकडे करण्यात येत होत्या. मात्र, प्रशासनाच्या दुर्लक्षामुळे आणि भोंगळ कारभारामुळे अखेर ही जीवघेणी घटना घडली. शताब्दी गार्डन परिसर नागरिकांनी नेहमीच गजबजलेले असते. त्यामुळे भविष्यात अशा प्रकारचा मोठा अपघात टाळण्यासाठी तातडीने योग्य दुरुस्ती करण्यात यावी, अशी मागणी नागरिकांकडून करण्यात येत आहे. या घटनेला जबाबदार असलेल्या अधिकाऱ्यांवर कठोर कारवाई करण्यात यावी, अशीही जोरदार मागणी स्थानिक नागरिकांकडून होत आहे..सीबीएसईच्या दहावीच्या बोर्ड परीक्षांची पहिली आवृत्ती १७ फेब्रुवारी ते ६ मार्च २०२६ दरम्यान; दुसरी आवृत्ती १५ मे ते १ जून दरम्यान: अधिकारी.. मराठा आरक्षणाचा मुद्दा प्रलंबित असतांनाच आता बंजारा समाजाच्या वतीने नांदगाव येथील तहसीलदार कार्यालयावर मोर्चा काढला.सकल बंजारा आरक्षण समितीच्या वतीने मोर्चाचे आयोजन करण्यात आले होते. गेल्या तीन दिवसापूर्वी सकल धनगर समाजाच्या वतीने अनुसूचित प्रवर्गात सामावून घेण्यासाठी मोर्चा काढण्यात आला होता त्यानंतर मुळ आदिवासी च्या वतीने देखील एसटी चे आरक्षण गैर आदिवासी ना देण्यात येऊ नये व आमच्या हक्काच्या भाकरीत इतरांना वाटेकरी करू नये यासाठी भर पावसात मोर्चा काढण्यात आला होता. .दोन दिवसांच्या मुसळधार पावसामुळे लासलगाव–उगाव रोडवरील थेटाळे रेल्वे अंडरपास पाण्याखाली गेला. या पाण्यात भाजीपाला घेऊन बाजार समितीकडे येणारी गाडी अडकली. गाडीचा चालक अंडरपास पार करण्याचा प्रयत्न करत असताना गाडी मधोमध बंद पडली. शेतीमाल वेळेवर लिलावात पोहोचणार नाही अशी स्थिती निर्माण झाली. मात्र, जवळपासच्या शेतकऱ्यांनी मदतीचा हात पुढे करत गाडीतील माल बाहेर काढला आणि दुसऱ्या वाहनात भरून बाजार समितीकडे रवाना केला..लासलगावजवळील खडक माळेगाव धरण दोन दिवसांच्या मुसळधार पावसामुळे ओसंडून वाहू लागले असून सांडव्यातून पाणी बाहेर पडले आहे. या धरणामुळे उगाव, वनसगाव, ब्राह्मणगाव (वनस), शिवडी, सारोळे, सावरगाव, खडक माळेगाव या गावांचा पिण्याच्या पाण्याचा तसेच शेतीसाठीच्या पाण्याचा प्रश्न सुटला आहे. विशेष म्हणजे या धरणाच्या पाणलोट क्षेत्रात दर सायंकाळी मोठ्या प्रमाणात फ्लेमिंगो पक्षी येत असल्याने परिसर पर्यटनस्थळ म्हणूनही लोकप्रिय होत असून पर्यटकांची मोठी गर्दी दिसून येते..पंचनामे करताना दूजाभाव करू नका अशा सूचना कृषिमंत्री दत्ता भरणे यांनी अधिकाऱ्यांना दिल्या आहेत. आपत्ती असली तरी या माध्यमातून पुण्य कमावण्याची संधी परमेश्वराने दिली आहे. प्रत्येक नुकसानीचे पंचनामे करा असेही कृषिमंत्री दत्ता भरणे यांनी अधिकाऱ्यांना सूचना देताना म्हटले आहे..केंद्र सरकारने रेल्वे कर्मचाऱ्यांना एक महत्त्वाची भेट दिली आहे. सरकारने रेल्वे कर्मचाऱ्यांसाठी बोनस जाहीर केला आहे. 10,91,000 कर्मचाऱ्यांना हा बोनस मिळणार आहे. मंत्रिमंडळाच्या बैठकीत अनेक महत्त्वाचे निर्णय घेण्यात आले..लडाखला राज्याचा दर्जा आणि सहाव्या अनुसूचीत समाविष्ट करण्याच्या मागणीसाठी लडाखमधील लोकांनी केलेल्या निदर्शनांमुळे लेहमध्ये सुरक्षा वाढवली गेली..अतिवृष्टी मुळे नुकसान झालेल्या शेतकऱ्यांना तात्काळ मदत करा तात्काळ मदत न करता मदत देण्यास दिरंगाई करु नका अस जरांगे पाटील म्हणाले.भूम परंडा तालुक्यात चिंचपुर ढगे व बेलगाव परिसरातील अतिवृष्टीमुळे मोठ्या प्रमाणावर नुकसान झालेल्या भागांना भेट देऊन शेतकऱ्यांची व्यथा प्रत्यक्ष ऐकून घेतली.या दौऱ्यात त्यांनी शेतकऱ्यांना धीर दिला..परतूर: गोदावरी नदीला आलेल्या पुरामुळे परतूर तालुक्यातील गोळेगाव गावाचे मोठे नुकसान झाले असून, नागरिकांना स्थलांतर करून छावण्यांमध्ये आश्रय घ्यावा लागला आहे. या पार्श्वभूमीवर बुधवारी (ता.२४) रोजी जालन्याच्या पालकमंत्री पंकजा मुंडे यांनी माजी मंत्री आमदार बबनराव लोणीकर, भाजपा प्रदेश सचिव राहुल लोणीकर यांच्यासह गावाचा दौरा करून पूरस्थितीची पाहणी केली..कृषिमंत्री दत्ता भरणे यांनी अधिकाऱ्यांना निर्देश दिले की, पंचनामे करताना कोणत्याही प्रकारचा भेदभाव करू नका. त्यांनी असेही सांगितले की, आपत्ती असली तरी ही पुण्य मिळवण्याची संधी आहे आणि प्रत्येक नुकसानीचे पंचनामे नक्कीच करावेत..माढ्यात मुख्यमंत्री देवेंद्र फडणवीसांचा ताफा अडवण्यात आला आहे. माढ्यात शेतकऱ्यांनी मुख्यमंत्री देवेंद्र फडणवीसांना घेराव घातला आहे..पुरंदर विमानतळासाठी सुमारे 3000 एकर जमीन घेण्याचे नियोजन आहे.त्यापैकी 2 हजार 700 पेक्षा अधिक जमीन देण्यास शेतकऱ्यांनी संमती दिली आहे.त्यामुळे विमानतळ प्रकल्पात 100% शेतकरी संमती देत आहेत. 94% शेतकऱ्यांनी दिली संमती..पुरंदर विमानतळासाठी आता सातही गावांमधून संमती देणाऱ्यांची संख्या वाढली आहे.संमतीस मुदत वाढ दिल्यानंतर कालपर्यंत 94 टक्के शेतकऱ्यांनी संमती दिली आहे. त्यामुळे शुक्रवारपासून मोजणी होणार आहे 20 ऑक्टोबर पर्यंत मोजणी पूर्ण करण्याचे जिल्हा प्रशासनाचे नियोजन आहे..अतिवृष्टीमुळे झालेल्या शेतीच्या नुकसानीची पाहणी करण्यासाठी पर्यावरण मंत्री पंकजा मुंडे यांनी बीड जिल्ह्याचा दौरा केला. गेवराई तालुक्यातील धोंडराई गावामध्ये शेतकऱ्यांचे मोठे नुकसान झाले असून, याची पाहणी करण्यासाठी त्या स्वतः शेतकऱ्यांच्या बांधावर पोहोचल्या. या दौऱ्यात आमदार विजयसिंह पंडित देखील त्यांच्यासोबत होते..अतिवृष्टीमुळे झालेल्या नुकसानीची पाहणी करण्यासाठी कृषीमंत्री दत्तात्रय भरणे यांनी अहमदनगर जिल्ह्याचा दौरा केला. गेल्या आठ दिवसांत दोनदा झालेल्या अतिवृष्टीमुळे शेवगाव व पाथर्डी तालुक्यांसह जिल्ह्यातील सुमारे २ लाख ३० हजार हेक्टर शेतीचे मोठे नुकसान झाले आहे. यावेळी कृषीमंत्र्यांनी थेट शेतकऱ्यांच्या बांधावर जाऊन नुकसानीची पाहणी केली. या दौऱ्यात भाजप आमदार मोनिका राजळे देखील त्यांच्यासोबत होत्या..पूरग्रस्त नागरिकांच्या मदतीला देण्यात आलेल्या किटवरएकनाथ शिंदे आणि प्रताप सरनाईक यांचे फोटोधाराशिव जिल्ह्यातील भूम परंडा तालुक्यात मोठ्या नुकसाननुकसानग्रस्त नागरिकांना मदतीसाठी देण्यात आलेली आहेत किटपालकमंत्री प्रताप सरनाईक आणि एकनाथ शिंदे यांचे फोटो.महाराष्ट्रासाठी जोरदार पावसाचा इशारामराठवाडा, विदर्भ, कोकणबंगालच्या उपसागरात कमी दाबाचे क्षेत्र निर्माण होऊन पश्चिमेकडे सरकणार आहे. यामुळे पुढील काही दिवसांत जोरदार पाऊस होणार असून २७ – २९ सप्टेंबर हा काळ सर्वाधिक तीव्रतेचा राहणार आहे.मराठवाडा, मध्यम महाराष्ट्रया भागांमध्ये अतिवृष्टी होण्याची शक्यता आहे. काही ठिकाणी पाण्याचा साठा व स्थानिक पूरस्थिती निर्माण होऊ शकते.पुणे२८ – २९ सप्टेंबर दरम्यान पुण्यातही जोरदार ते अतिजोरदार पावसाची शक्यता आहे, कारण या काळात पुण्याजवळ वातचक्र (vortex) सक्रिय राहील..कांदिवली (पूर्व) येथे मिलिटरी रोडवरील राम किसन मेस्त्री चाळीत आज सकाळी लागलेल्या आगीत सात जण गंभीर जखमी झाले. ही आग सकाळी ९.०५ वाजता लागली होती. मुम्बई अग्निशमन दलाने तत्काळ घटनास्थळी धाव घेत आग आटोक्यात आणली.आग ग्राउंड +१ मजल्याच्या दुकानात लागली होती. घरातील वीजजोडणी, एलपीजी गॅस सिलिंडर लिकेज् झाल्यामुळे आग लागल्याची प्राथमिक माहिती समोर आली आहे.आगीत सात जण भाजले असून त्यांना तातडीने रुग्णालयात दाखल करण्यात आले आहे. अग्निशमन दल आणि समता नगर पोलीस पुढील तपास करत आहेत..बीडच्या माजलगाव मध्ये हॉटेलमध्ये जेवायला गेलेल्या लक्ष्मण हाके समर्थक पवन करवर याला काही तरुणांकडून अमानुष मारहाण झाली आहे या घटनेच्या निषेधार्थ आणि तात्काळ कार्यवाहीची मागणी करण्यासाठी स्वतः ओबीसी नेते लक्ष्मण हाके पोलीस अधीक्षक कार्यालयात दाखल झाले असून त्यांच्यासोबत समर्थकांची मोठी गर्दी पाहायला मिळत आहे तात्काळ कार्यवाही करून आरोपींना अटक करण्यात यावी अशी मागणी होत आहे. .भाजपा प्रदेशाध्यक्ष रवींद्र चव्हाण यांच्या हस्ते डोंबिवलीतील सावळाराम क्रीडा संकुल येथे "आत्मनिर्भर भारत" या संकल्पनेचे उद्घाटन करण्यात आले. या वेळी स्वदेशी वस्तू खरेदी करण्याचे पंतप्रधान नरेंद्र मोदी यांनी केलेले आवाहन जनतेपर्यंत पोहोचविण्यासाठी बलून हवेत सोडण्यात आला.विविध सांस्कृतिक कार्यक्रम राबवून आत्मनिर्भर भारत घडवण्यासाठी सर्वांनी एकत्र येऊन प्रयत्न करणे गरजेचे असल्याचे आवाहन रवींद्र चव्हाण यांनी केले..कृषीमंत्री दत्तात्रय भरणे यांनी जालना जिल्ह्यातील बदनापूर तालुक्यातील सोमठाणा इथं अतिवृष्टीनं नुकसान झालेल्या भागाची पाहणी करत शेतकऱ्यांशी संवाद साधला..सिंगापूरचे कॉन्सुल जनरल, चेओंग मिंग फूंग यांनी भोपाळ येथील मुख्यमंत्र्यांच्या निवासस्थानी मध्य प्रदेशचे मुख्यमंत्री मोहन यादव यांची सदिच्छा भेट घेतली..डोंबिवलीत काँग्रेस आणि भाजप यांच्यातील राजकीय संघर्षाने चांगलाच उग्र वळण घेतलं आहे. ज्येष्ठ काँग्रेस कार्यकर्ते प्रकाश उर्फ मामा पगारे यांना भाजप कार्यकर्त्यांनी जबरदस्तीने साडी नेसवली, या प्रकरणावरून काँग्रेस कार्यकर्त्यांमध्ये प्रचंड संताप उसळलाय.या पार्श्वभूमीवर काँग्रेसचे जिल्हाध्यक्ष सचिन पोटे यांच्या नेतृत्वाखाली मोठ्या संख्येने काँग्रेस कार्यकर्त्यांनी कल्याणचे पोलिस उपायुक्त अतुल झेंडे यांची भेट घेतली. भाजप पदाधिकाऱ्यांवर तत्काळ गुन्हा दाखल करून कठोर कारवाई करण्यात यावी, अशी मागणी यावेळी काँग्रेसकडून करण्यात आली.याचबरोबर, भाजपवर कारवाई लांबली तर काँग्रेस कार्यकर्ते मोठ्या प्रमाणावर रस्त्यावर उतरून आंदोलन छेडतील, असा इशाराही सचिन पोटे यांनी दिला.या संपूर्ण प्रकरणामुळे डोंबिवलीतील राजकीय वातावरण तापलं असून पुढील काही दिवसांत काँग्रेस-भाजप संघर्ष अधिक चिघळण्याची शक्यता आहे. .आदीवासी मंत्री अशोक उईके दुष्काळ ग्रस्त भागाची पाहणी करण्यासाठी चंद्रपूर जिल्ह्याचा दौऱ्यावर जाणार आहेत..संजय राऊत म्हणाले...- मराठवाडा ७० लाख एकर जमिनीवरील पिक उद्ध्वस्त झाली आहे - पशुधन घर उद्ध्वस्त झाली आहे - ३६ लाख शेतक-यांना फटका बसलाय- ९ लाख कोटी रुपयांच कर्ज असलेल हे सरकार - १० हजार कोटी रुपयांची मागणी मिळावी अशी आम्ही मागणी केली आहे - पिशव्यांमधून मदत वाटायला सुरुवात झाली आहे - काय हा निर्लज्जपणा आहे - लोक मरतायेत आणि हे प्रचार आणि राजकारण करत आहे - तुम्ही दामाजी पंत आहे - समृद्धी महामार्गातुन कंत्राटदार आणि यांच्याकडून पैसे घ्या - मराठवाड्यातून शेतक-यांची फसवणूक केलीय .- राज्यात त्रिभाषा सूत्राची अंमलबजावणी करण्यासाठी नेमलेली डॉ. नरेंद्र जाधव समिती सरकारने रद्द करण्याचा मागणी राज्य सरकारच्या भाषा सल्लागार समितीने केली आहे.- राज्य भाषा सल्लागार समितीचे अध्यक्ष डॉ. लक्ष्मीकांत देशमुख, यांच्या अध्यक्षतेखाली नागपुरात विभागीय आयुक्त कार्यालयात एक महत्त्वाची बैठक पार पडली- या बैठकीला भाषा सल्लागार समितीचे उपस्थित पदसिद्ध सदस्य यांनी प्रत्यक्ष तर काहींनी ऑनलाइन पद्धतीने सहभाग नोंदवला...- या बैठकीत डॉक्टर नरेंद्र जाधव यांची त्रिभाषा समिती रद्द करावी असा एक ठराविक पारित करण्यात आला तो राज्य सरकारला पाठवला जाणार आहे..- केंद्र सरकारच्या राष्ट्रीय शैक्षणिक धोरणात कुठेही पहिलीपासून तिसरी भाषा लागू करण्याचा उल्लेख नाही.... - तरीही आग्रह का धरला जातोय, त्रिभाषासंदर्भातीत शासन निर्णय रद्द झाल्यानंतर डॉ. जाधव समिती स्थापन करण्याची आवश्यकता काय होती, असे सवाल या बैठकीत उपस्थित केले. - राज्यात मराठी विषय सक्तीचा कायदा असून इंग्रजी माध्यमांच्या शाळांमध्ये अंमलबजावणी होत नाही. - चुकीच्या धोरणामुळे राज्यातील मराठी माध्यमाच्या शाळा बंद पडत आहेत.- मराठी शाळांबाबत सरकारने श्वेतपत्रिका प्रकाशित करावी. शासन निर्णयात दुरुस्ती करून समितीने दिलेले मूळ धोरण स्वीकारले जावे, अशी मागणीही या बैठकीत करण्यात आली..मेट्रो-७ च्या रेडलाईन मार्गावर गोंधळ निर्माण झाला आहे. गुंडवलीकडे जाणाऱ्या मेट्रोला ओव्हरीपाडा स्थानकापूर्वी तांत्रिक अडचण निर्माण झाली. सकाळी ८ वाजल्यापासून प्रवाशांना मेट्रो वेळेत येत नसल्यामुळे अडचणींचा सामना अडचणींचा सामना करावा लागत आहे.मेट्रो बंद असल्याने पश्चिम द्रुतगती महामार्गावर वाहतूक कोंडीची शक्यता आहे..नाशिकच्या पाईपलाईन रोडवर रेशन कार्ड आढळल्याने खळबळ उडाली आहे. रेशन कार्ड नेमके कुणी फेकले, याबाबत शोध सुरू आहे. रस्त्यावर अचानक फेकलेले रेशनकार्ड आढळल्याने चर्चना उधाण. रात्रीच्या सुमारास रेशन कार्ड फेकून आज्ञातांनी पळ काढल्याची स्थानिकांची माहिती.संतोष देशमुख खून प्रकरणाची 15 वी सुनावणी आज जिल्हा व सत्र न्यायालयात पार पडणार...!संतोष देशमुख खून प्रकरणातील 15 व्या सुनावणीमध्ये नेमकं काय होणार हे पाहणं महत्त्वाचं ठरणार आहे आजही सुनावणी सकाळी 11 वाजता जिल्हा व सत्र न्यायालयात पार पडणार आहे..शिरुर शहराच्या मध्यवर्ती भागात असलेल्या सरदार पेठेतील अमोल ज्वेलर्स हे सोन्याचे दुकानात कार मधून आलेल्या चार चोरट्यांनी दरोडा टाकत लाखो रुपयांचा ऐवज सोने चांदीचे दागिण्यांवर लंपास केले. .सीना नदीच्या पाणी पातळीत वाढ झाल्याने सोलापूर - कोल्हापूर महामार्गवरील तिऱ्हे पूल गेला पाण्याखालीतिऱ्हे पूल पाण्याखाली गेल्याने सोलापूर - कोल्हापूर वाहतूक झाली ठप्पतिऱ्हे परिसरातील दुकाने,बँका, गेल्या पाण्याखालीतिऱ्हे गाव परिसरातील नागरिकांना प्रशासनाने दिला सतर्कतेचा इशारा.पालकमंत्री पंकजा मुंडे आज जालना दौऱ्यावर असून परतूर तालुक्यातल्या गोळेगाव येथे पाहणी करणार आहेत. नुकसानीची पाहणी करून गावकऱ्यांसोबत संवाद साधणार आहेत. गोदावरी नदीच्या पुराचे पाणी गोळेगावच्या चारही बाजूने गावात घुसल्यामुळे नागरिकांमध्ये भीतीचं वातावरण निर्माण झालं होतं. मध्यरात्री आणि पहाटेच्या सुमारास झालेल्या जोरदार पावसामुळे गोदावरी नदीला पूर आला आणि या नदीच्या पाण्यामुळे नदीकाठी असलेल्या गोळेगावला पुराच्या पाण्याचा मोठ्या प्रमाणात वेढा बसला होता..मुख्यमंत्री देवेंद्र फडणवीस आज अतिवृष्टीचा फटका बसलेल्या जिल्ह्यांचा दौरा करणार आहेत. सकाळी ते मुंबईतून सोलापूरला जाणार आहेत. माढा तालुक्यातील निमगाव, दारफळ या गावांसह भागातील पूरस्थितीची पाहणी करणार आहेत. यानंतर लातूरला उजनी, औसा, नणंद, औराद शहाजनी या भागात दौरा करणार आहेत..सीना नदीला महापूर आल्यानं सोलापूर-पुणे महामार्ग रात्री ११ वाजता बंद करण्यात आला. त्यामुळे महामार्गावर वाहनांच्या रांगा लागल्या होत्या. तर रेल्वे वाहतूकीला फटका बसला. मुंडेवाडी इथं काही रेल्वे गाड्या थांबवण्यात आल्या होत्या. दरम्यान, पाणी ओसरत असल्याची माहिती समोर आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update : देश-विदेशात दिवसभरात काय घडलं? जाणून घ्या एका क्लिक वर

Nanded Live : नांदेडमध्ये गोदावरी नदीच्या पुराचे पाणी शहरात शिरले

Related Stories