Latest Marathi News Live Update : पुण्यात मध्यरात्री पुन्हा भीषण अपघात; दोघे जण गंभीर जखमी

माणगावनजीक कळमजेजवळ शिवशाही बस आणि सीएनजी वाहून नेणारा ट्रक यामध्ये अपघात झाला. अपघातात बसमधील सात प्रवासी जखमी झाले आहेत. अपघातात बसचे मोठे नुकसान झाले. दरम्यान, मुंबई-गोवा महामार्गावर माणगावमध्ये दोन्ही बाजूचीवरील वाहतूक ठप्प झाली आहे..पुण्यातील गरवारे कॉलेजच्या चौकात अपघात झाला आहे. अपघातात 2 जण गंभीर जखमी आहेत. भरधाव येणाऱ्या दुचाकीने चारचाकी कारला जोरदार धडक दिली. दुचाकीच्या धडकेने चारचाकी कार पलटी झाली. अपघातात कार चालकही किरकोळ जखमी झाला आहे. जखमींवर जवळच्या रुग्णालयात उपचार सुरू आहेत..कऱ्हाड : शिक्षक पात्रता परीक्षेचा पेपर परीक्षेपूर्वीच देतो, असे सांगून पेपर फोडण्याच्या प्रयत्नात असलेल्या रॅकेटचा कोल्हापूर पोलिसांनी पर्दाफाश केला. त्यात कऱ्हाड तालुक्यातील महेश भगवान गायकवाड (रा. बेलवाडी) हा मुख्य सूत्रधार आहे. या प्रकरणात त्याचा भाऊ संदीप गायकवाड याच्यासह अन्य नऊ जणांना अटक झाली आहे. भाजपचे जिल्हा उपाध्यक्ष प्रमोद गायकवाड यांचे महेश व संदीप हे दोघेही भाऊ आहेत, तर प्रमोद गायकवाड जिल्हा परिषदेच्या निवडणुकीसाठी मसूर गटातून इच्छुक आहेत. .उपमुख्यमंत्री अजित पवार आज नगरपालिका निवडणुकीत राष्ट्रवादी काँग्रेस उमेदवारांच्या प्रचारासाठी अकोला जिल्ह्यातील अकोटमध्ये येत आहेत. अकोटमधील प्रचारसभेत ते अकोला जिल्ह्यातील पाच नगरपालिका आणि एका नगररंचायतीसाठी प्रचार करणार आहेत. अकोटमधील बस स्थानकासमोरील नेहरू मैदानावर सकाळी 10 वाजता त्यांची जाहीर सभा होणार आहे. अकोटमध्ये पक्षाचे जिल्हाध्यक्ष मोहम्मद बद्रूजम्मा यांच्या पत्नी गाजीयाबानो बद्रूजम्मा या पक्षाच्या नगराध्यक्षपदाच्या उमेदवार आहेत. .अयोध्या : अयोध्येत मागील वर्षी श्री रामलल्लाची प्रतिष्ठापना झाल्यानंतर आज पंतप्रधान नरेंद्र मोदी आणि सरसंघचालक मोहन भागवत यांच्या हस्ते राम मंदिराच्या कळसावर धर्मध्वजाची स्थापना करण्यात आली. मंदिरावर हा धर्मध्वज फडकणे म्हणजे मंदिराचे सर्व काम पूर्ण झाले असल्याची द्वाही तर आहेच, पण मागील पाच शतकांपासून भळभळत असलेली जखम आता भरली असल्याचेही प्रतीक आहे, असे मोदी यावेळी म्हणाले. .Latest Marathi Live Updates 26 November 2025 : देशभरात आज संविधान दिन साजरा होत आहे. अयोध्येत मागील वर्षी श्री रामलल्लाची प्रतिष्ठापना झाल्यानंतर पंतप्रधान नरेंद्र मोदी आणि सरसंघचालक मोहन भागवत यांच्या हस्ते राम मंदिराच्या कळसावर धर्मध्वजाची स्थापना करण्यात आली. मंदिरावर हा धर्मध्वज फडकणे म्हणजे मंदिराचे सर्व काम पूर्ण झाले असल्याची द्वाही तर आहेच, पण मागील पाच शतकांपासून भळभळत असलेली जखम आता भरली असल्याचेही प्रतीक आहे, असे मोदी यावेळी म्हणाले. तसेच शिक्षक पात्रता परीक्षेतील (टीईटी) पेपर फुटीचे रॅकेट थेट बिहारपर्यंत असल्याची माहिती आज पुढे आली आहे. तेथील दोघांची नावे पुढे आल्याची माहितीही स्थानिकंकडून मिळते. मात्र, याबाबत पोलिस अधीक्षकांसह तपास अधिकाऱ्यांनी मौन बाळगल्यामुळे साशंकता निर्माण झाली आहे. पंतप्रधान नरेंद्र मोदी शुक्रवारी (ता. २८) उडुपी येथील श्रीकृष्ण मठातील ‘लक्ष कंठ गीता पारायण’ कार्यक्रमात सहभागी होण्यासाठी येणार आहेत. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : पुण्यात मध्यरात्री पुन्हा भीषण अपघात; दोघे जण गंभीर जखमी

Mumbai-Goa Highway Accident : मुंबई-गोवा महामार्गावर भीषण अपघात; बसमधील सात प्रवासी जखमी

Related Stories