मुंबई नाशिक महामार्गावरील राजूर बहुला परिसरात भरधाव कारने ७५ वर्षीय महिलेला जोरदार धडक देत उडवल्याची धक्कादायक घटना समोर आली आहे. ही घटना २४ मे रोजी घडली असून संपूर्ण प्रकार जवळील इंधन केंद्रावरील चित्रफितीत कैद झाला आहे. डोक्यावर हंडा घेऊन रस्त्याच्या कडेला चालत असलेल्या महिलेला वेगाने आलेल्या कारने जोरदार धडक दिल्यानंतर चालक घटनास्थळावरून पळून गेला. गंभीर जखमी झालेल्या महिलेवर रुग्णालयात उपचार सुरू असून चित्रफितीच्या आधारे संबंधित चालकाचा शोध घेऊन कठोर कारवाई करावी अशी मागणी स्थानिक नागरिकांकडून करण्यात येत आहे.
