Latest Marathi News Updates : विरार इमारत दुर्घटना प्रकरणी बिल्डरवर सदोष मनुष्यवधाचा गुन्हा दाखल

विरार इमारत दुर्घटनेत आतापर्यंत १५ जणांचा मृत्यू झाला असून बिल्डरवर सदोष मनुष्यवधाचा गुन्हा दाखल करण्यात आला आहे. .गणेशोत्सव काळात पुणे शहरातील मध्यभागातील मद्यविक्रीची दुकाने 10 दिवस बंद ठेवण्याचा आदेशाला मंगळवारी उच्च न्यायालयाने स्थगिती दिली आहे. स्थगितीनंतर जिल्हाधिकारी जितेंद्र डुडी यांनी सुधारित आदेश दिले. त्यानुसार मध्य भागातील मद्य विक्रीचे दुकाने गणेश चतुर्थी गौरी आगमन, गौरी विसर्जन आणि विसर्जन सोहळ्याच्या दिवशी बंद राहणार आहेत..मराठा आरक्षण आंदोलक मनोज जरांगे पाटील यांच्या आंदोलनाच्या पार्श्वभूमीवर राज्य सरकारच्या हालचालीत वेग आला असतानाच आता राष्ट्रीय ओबीसी महासंघाने तातडीची बैठक बोलावलीये. ही बैठक ओबीसी आरक्षण वाचवण्यासाठी बोलावली असल्याची माहिती राष्ट्रीय ओबीसी महासंघाचे राष्ट्रीय अध्यक्ष बबनराव तायवाडे यांनी दिली..मनोज जरांगे पाटील जुन्नर शहरात दाखल झाले आहेत. जुन्नरमधील वनविभागाच्या गेस्ट हाऊसला ते पोहोचले असून काही वेळ गेस्ट हाऊसला विश्रांती घेणार आहेत. त्यानंतर किल्ले शिवनेरीच्या पायथ्याशी नतमस्तक होऊन माती कपाळी लावणार आहेत. मराठा आरक्षणाच्या लढ्याचा संकल्प करणार आहेत. यानंतर जरांगे पाटील मुंबईच्या दिशेने रवाना होणार आहेत..मांजरा धरण पाणलोट क्षेत्रात पडत असलेल्या मुसळधार पावसामुळे धरणातील पाणीपातळीत वाढ झाली आहे. धरणातील पाणी पातळी नियंत्रित करण्यासाठी बुधवारी रात्री 11 वाजता गेट क्रमांक 3, 4, 2 व 5 (हे 4 गेट) 0.25 मीटरने उघडण्यात आले आहेत. सध्या एकूण सहा दरवाजे उघडले आहेत..कोल्हापूर : गणेशमूर्ती आगमन मिरवणुकीसाठी जोडण्यात येणाऱ्या साउंड सिस्टीमचा ढाचा कोसळून आज तीन तरुण जखमी झाले. बागल चौक परिसरात सकाळी नऊच्या सुमारास ही घटना घडली. स्थानिकांनी जखमींना तातडीने राजारामपुरीतील खासगी रुग्णालयात दाखल केले. मात्र, राजारामपुरी पोलिस ठाण्यात याबाबत रात्री उशिरापर्यंत नोंद झाली नव्हती. .बंगळूर : आरएसएसच्या गाण्यावरील वादानंतर उपमुख्यमंत्री डी. के. शिवकुमार यांना काँग्रेस पक्षातून काढून टाकण्यात आल्याचा खोटा दावा करणारे बनावट पत्र ‘एक्स’वर पोस्ट केल्यानंतर कर्नाटक काँग्रेसने धर्मनिरपेक्ष जनता दलाविरुद्ध पोलिसांत औपचारिक तक्रार दाखल केली..जयपूर : ह्युंदाई कंपनीच्या मोटार खरेदीत फसवणूक झाल्याचा दावा करत एका ग्राहकाने केलेल्या तक्रारीच्या आधारे येथील पोलिसांनी अभिनेता शाहरूख खान, अभिनेत्री दीपिका पदुकोण आणि इतरांविरोधात ‘एफआयआर’ नोंदविला आहे. किर्ती सिंह असे या ग्राहकाचे नाव असून त्यांनी २०२२ मध्ये मोटार खरेदी केली होती. मात्र, अनेकदा दुरुस्ती करूनही या मोटारीत वारंवार तांत्रिक बिघाड होत असल्याने आपला जीव धोक्यात आला आहे, असा आरोप करत सिंह यांनी तक्रार दाखल केली आहे. शाहरूख आणि दीपिका हे दोघेही या मोटारीचे ‘ब्रँड ॲम्बेसेडर’ असल्याने त्यांचेही नाव तक्रारीत समाविष्ट केले होते. .शाहूवाडी/कोल्हापूर : विशाळगड दंगलीमध्ये मुख्य संशयित म्हणून गुन्हा दाखल असलेला रवींद्र दिलीप पडवळ (वय ४२, रा. फुरसुंगी, ता. हवेली, जि. पुणे) याला एक वर्षानंतर अटक करण्यात आली. शाहूवाडी पोलिसांच्या पथकाने मंगळवारी रात्री पुण्यातून त्याला ताब्यात घेतले. त्याला आज शाहूवाडी प्रथमवर्ग न्याय दंडाधिकारी यांच्यासमोर हजर केले असता ३० ऑगस्टपर्यंत कोठडी सुनावण्यात आली. .Latest Marathi Live Updates 28 August 2025 : समृद्धी आणि मांगल्याचे प्रतीक असलेल्या श्री गजाननाच्या चैतन्य सोहळ्याला बुधवारपासून सुरुवात झाली आहे. यंदा घरगुती गणरायाचा मुक्काम सहा, तर सार्वजनिक मंडळांच्या गणरायाचा मुक्काम दहा दिवसांचा असणार आहे. तसेच विरार इमारत दुर्घटनेत मागील वीस तासांपासून राष्ट्रीय आपत्ती निवारण पथक व पालिकेच्या अग्निशमन दलाकडून बचावकार्य सुरू आहे. आतापर्यंत 17 जणांचा शोध लागला असून त्यात 14 जणांचा मृत्यू झाला आहे. ह्युंदाई कंपनीच्या मोटार खरेदीत फसवणूक झाल्याचा दावा करत एका ग्राहकाने केलेल्या तक्रारीच्या आधारे येथील पोलिसांनी अभिनेता शाहरूख खान, अभिनेत्री दीपिका पदुकोण आणि इतरांविरोधात ‘एफआयआर’ नोंदविला आहे. विशाळगड दंगलीमध्ये मुख्य संशयित म्हणून गुन्हा दाखल असलेला रवींद्र दिलीप पडवळ (वय ४२, रा. फुरसुंगी, ता. हवेली, जि. पुणे) याला एक वर्षानंतर अटक करण्यात आली. जम्मू-काश्मीरमध्ये गेल्या दोन दिवसांपासून पावसाचा कहर सुरू असून पुढील दोन दिवस पाऊस आणि ढगफुटीचा इशारा हवामान विभागाने दिला आहे. वैष्णोदेवी यात्रा मार्गावर काल भूस्खलनामुळे झालेल्या दुर्घटनेतील मृतांची संख्या ४१ वर पोचली आहे. राज्यात मराठा आरक्षण आंदोलनाचा मुद्दा पुन्हा एकदा तापला असून मराठा आरक्षण आंदोलनाचे नेते मनोज जरांगे पाटील मुंबईकडे निघाले आहेत. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : विरार इमारत दुर्घटना प्रकरणी बिल्डरवर सदोष मनुष्यवधाचा गुन्हा दाखल

Pune Live : विरार इमारत दुर्घटना प्रकरणी बिल्डरवर सदोष मनुष्यवधाचा गुन्हा दाखल