बीड, धारूर तालुक्यातील हसनाबादपासून ते राज्य मार्ग क्र.२३२ पर्यंत मुख्यमंत्री ग्रामसडक योजनेअंतर्गत डांबरी रस्ता मंजूर आहे. सदरील रस्त्याचे काम प्रगतीपथावर असताना काही शेतकऱ्यांनी हा रस्ता जाणूनबुजून अडवला असून यामुळे रस्त्याचे काम थांबले आहे. हा रस्ता तात्काळ व्हावा यासाठी हसनाबाद ग्रामस्थांनी तहसीलदार यांना ता.२७ रोजी निवेदन देत पुढील दोन दिवसात मार्ग नाही निघाला तर उपोषणाला बसणार, असे निवेदन दिले होते. तहसीलदार यांनी कुठलीच कार्यवाही केली नसल्याने दि. २९ रोजी ग्रामस्थ उपोषणाला बसले आहेत. या उपोषणाकडे तहसीलदार यांनी पाठ फिरवल्याने ग्रामस्स्थाचे कडाक्याच्या थंडीत देखील उपोषण सुरू आहे.
