आदर्श गाव गावडेवाडी (ता. आंबेगाव) ते जवळके (ता. खेड) घाटात मंगळवारी (ता.३) दुपारी अडीच वाजता खडीने भरलेला हायवा वाहन दरीत कोसळून भीषण अपघात झाला. या दुर्घटनेत चालकाचा मृत्यू झाला असून दोन जण गंभीर जखमी झाले आहेत. जखमींवर मंचर येथीलखासगीरुग्णालयात उपचार सुरू आहेत. अपघातात मृत्यू झालेल्या चालकाचे नाव अजय राजू मीर (वय २१, मूळ रा. अंकलगाव, गुजरात; सध्या रा. नागापूर-रांजणी, ता. आंबेगाव) असे आहे. तर रुपेश भाऊसाहेब इंदोरे (वय ४१, रा. चांडोली खुर्द) व बशीर नवाब (वय ५०, रा. मंचर) हे दोघे गंभीर जखमी झाले आहेत.