Latest Maharashtra News Updates : सरकारच्या जीआरवरुन ओबीसी नेत्यामंध्ये मतभेद

सरकारच्या मराठा आरक्षणाच्या जीआरवरुन ओबीसी नेत्यामंध्ये मतभेद आहेत, सरकारच्या निर्णयावर तायवाडे यांनी समाधानी असल्याचे म्हटले आहे तर लक्ष्मण हाके यांनी म्हटले आहे की, सरकारने ओबीसींच्या आरक्षणाच्या नरडीचा घोट घेतला आहे. .मनोज जरांगे यांचे मराठा आरक्षणाबाबत समाधान झाले असेल तर आमचेही समाधान झाले आहे असं शिवसेना उद्धव बाळासाहेब ठाकरे पक्षाचे खासदार संजय राऊत यांनी म्हटले आहे. .मुख्यमंत्री रेखा गुप्ता यांच्यावर काही दिवसांपूर्वी जनता दरबारात हल्ला करण्यात आला होता. पोलिसांनी गुजरातमधील हल्लेखोराला अटक केली. मुख्यमंत्र्यांनी आता काही दिवसांनी पुन्हा निवासस्थानी जनता दरबार घेतला आहे..मराठवाड्यातील दुसरा मोठा प्रकल्प असलेल्या परभणीच्या येलदरी धरणाचे पुन्हा एकदा १० पैकी ६ दरवाजे उघडण्यात आले आहेत.६ दरवाज्यांमधून १२६६० क्युसेक्स वेगाने पाण्याचा विसर्ग पुर्णा नदीपात्रात सोडण्यात आलाय त्यामुळे नदीकाठच्या सर्व गावांना सतर्कतेचा इशारा देण्यात आला आहे.धरण क्षेत्रात सुरू असलेला पाऊस आणि खडकपुर्णा धरणातील विसर्गामुळे येलदरी तून पाण्याचा विसर्ग केला जातोय जर पाऊस वाढला तर विसर्ग ही वाढवण्यात येवू शकतो..दिल्लीत यमुना नदीच्या पाणी पातळीत वाढ झालीय. सध्या पाणी धोका पातळीच्या वर असून अजूनही मुसळधार पाऊस सुरू आहे. यामुळे काही भागात धोक्याचा इशारा देण्यात आलाय..पंढरपूर जवळच्या कुर्डुवाडी शहरातील गणेश तरुण मंडळाने गणेश विसर्जन मिरवणुकीत डीजे न लावण्याचा आगवेळा निर्णय घेतला आहे. या संदर्भात पोलिसांच्या उपस्थितीमध्ये संघर्ष युवा प्रतिष्ठानच्या कार्यकर्त्यांनी तशी शपथ घेतली आहे. डीजेमुळे ध्वनी प्रदुषण वाढले आहे. त्यामुळे यंदाच्या गणेश विसर्जन मिरवणुकीत डीजे न लावण्याचा महत्व पूर्ण निर्णय घेतला आहे.अशा प्रकारचा निर्णय घेणारे हे मंडळ सोलापूर जिल्ह्यात पहिले ठरले आहे..Solapur: सोलापूरच्या पोलीस प्रशिक्षण केंद्रातील 170 प्रशिक्षणार्थी पोलिसांना विषबाधा झालीय. विषबाधा झालेल्यांपैकी 17 जणांवर उपचार सुरु असल्याची प्राथमिक माहिती समोर येत आहे. प्रशिक्षणार्थी पोलीसांना अन्नातून ही विषबाधा झाली असल्याची माहिती समजते. सर्व बाधित प्रशिक्षणार्थींना सोलापूरच्या शासकीय रुग्णालयात दाखल करण्यात आलंय. पोलीस प्रशिक्षण केंद्रामध्ये जवळपास 1400 प्रशिक्षणार्थी प्रशिक्षण घेत आहेत. दरम्यान काल सायंकाळच्या सत्रात या प्रशिक्षणार्थींना उलटी, जुलाब, मळमळ याचा त्रास सुरू झाला. त्यानंतर जवळपास 170 पेक्षा अधिक प्रशिक्षणार्थींना सोलापूर सिव्हिल हॉस्पिटल येथे उपचारासाठी दाखल करण्यात आले..नवी दिल्ली : संयुक्त अरब अमिरातीमधील भारताचे नवे राजदूत म्हणून दीपक मित्तल यांची नियुक्ती करण्यात आली आहे. मित्तल हे भारतीय परराष्ट्र सेवेतील १९९८ च्या तुकडीचे अधिकारी आहेत. सध्या ते पंतप्रधान कार्यालयात अतिरिक्त सचिव म्हणून कार्यरत आहेत. मित्तल यांनी कतारमध्येही राजदूत म्हणून काम पाहिले असून पाकिस्तान, अफगाणिस्तान आणि इराण या देशांशी संबंधित घडामोडींमध्येही त्यांनी काम केले आहे..मुंबईमधून निघाल्यानंतर जरांगे पाटील थेट संभाजीनगरच्या रुग्णालयात दाखल झाले आहेत. जरांगे पाटील यांच्यावर गॅलक्सी रुग्णालयात उपचार सुरू आहेत. मध्यरात्री जरांगे पाटील यांचे मराठा समाजाकडून जंगी स्वागत करण्यात आले. रुग्णालयाबाहेर मराठा तरुणांची स्वागतासाठी मोठी गर्दी होती. मध्यरात्री तरुणांकडून फटाके फोडत पाटलांचे स्वागत करण्यात आले..बेळगाव : लॅंड यूज रद्द करण्याच्या बेळगाव नगर विकास प्राधिकरण (बुडा) प्रशासनाच्या आदेशाला स्थगिती देण्याची जय किसान भाजी मार्केटची मागणी मंगळवारी (ता. २) उच्च न्यायालयाच्या धारवाड खंडपीठाने फेटाळली. या याचिकेवरील पुढील सुनावणी १२ सप्टेंबर रोजी निश्चित करण्यात आली. या दाव्यावरील सुनावणीला मंगळवारी ‘बुडा’चे वकील हजर राहिले नाहीत. .बंगालच्या उपसागरात निर्माण झालेल्या कमी दाबाच्या पट्ट्यामुळे मध्य भारतात जोरदार पावसाची परिस्थिती तयार झालीये. काल (मंगळवार) विदर्भात पावसाने (Vidarbha Rain Alert) जोरदार हजेरी लावली. अमरावती जिल्ह्यासाठी आज ऑरेंज अलर्ट (Amravati Orange Alert), तर उर्वरित जिल्ह्यांसाठी यलो अलर्ट जारी केला आहे..कोल्हापूर : जिल्ह्यात आज संततधार पाऊस कोसळला, तर धरणक्षेत्रात मुसळधार हजेरी लावली. त्यामुळे राधानगरी धरणाचा क्रमांक-६ हा दुसरा स्वयंचलित दरवाजाही खुला होऊन त्यामधून ४३५६ क्युसेक विसर्ग सुरू राहिला. परिणामी, पंचगंगा नदीच्या पाणीपातळीत दिवसभरात दोन फुटांनी वाढ झाली. रात्री ही पातळी २३ फूट चार इंच इतकी होती. जिल्ह्यात पावसाची मंगळवारी पहाटे पुन्हा जोरदार सुरुवात झाली. यामध्ये धरणक्षेत्रात मोठ्या प्रमाण पाऊस पडला. यामुळे राधानगरी धरणाचा स्वयंचलित दरवाजा क्रमांक-६ उघडून त्यातून मोठ्या प्रमाणात नदी पात्रात विसर्ग सुरू राहिला. यापूर्वी क्रमांक-३ हा दरवाजा खुला झाला आहे..कोल्हापूर : महापालिका निवडणुकीसाठी असलेल्या इच्छुकांबरोबरच सर्व पक्षांचे लक्ष लागलेली प्रारूप प्रभागरचना आज (ता. ३) प्रसिद्ध केली जाणार आहे. यामधून कुणाचा प्रभाग तुटला, कुणाकडे जास्त आला, हक्काचे मतदार गेले का, कोणत्या रिंगणातून कोण उतरणार की थांबणार, नवीन कोणाला संधी मिळणार या साऱ्यांची प्राथमिक उत्तरे मिळणार आहेत. मुख्य इमारतीमधील स्थायी समिती सभागृहात प्रारूप प्रभागरचना पाहण्यासाठी उपलब्ध होणार असून, त्यावर १५ सप्टेंबरपर्यंत हरकती, सूचना नोंदवायच्या आहेत. .Latest Marathi Live Updates 3 September 2025 : मराठा आरक्षण आंदोलनाचे नेते मनोज जरांगे यांनी मराठा आरक्षणाबाबतच्या प्रमुख मागण्या राज्य सरकारकडून मंजूर करवून घेत मुंबईत भगवा झेंडा फडकवला. मराठवाडा आणि पश्चिम महाराष्ट्रातील मराठा समाजाला कुणबी जात प्रमाणपत्र मिळण्यात असलेले अडथळे दूर करण्यासाठी हैदराबाद आणि सातारा गॅझेट (तत्त्वतः मान्य) लागू करण्यास राज्य सरकारने मंजुरी दिली. तसेच बिहारमधील ‘व्होटर अधिकार’ यात्रेदरम्यान पंतप्रधान नरेंद्र मोदी यांच्या मातुःश्रींबद्दल आक्षेपार्ह भाषेत विधान केल्याप्रकरणी पंतप्रधानांनी तीव्र नाराजी व्यक्त केली. ज्येष्ठ विचारवंत गोविंद पानसरे यांच्या हत्याप्रकरणी पुढील तपासावरील देखरेख थांबविण्याच्या मुंबई उच्च न्यायालयाच्या आदेशाविरोधात दाखल करण्यात आलेल्या याचिकेवर सर्वोच्च न्यायालयाने महाराष्ट्र सरकारकडून उत्तर मागितले आहे. कोल्हापूर महापालिका निवडणुकीसाठी असलेल्या इच्छुकांबरोबरच सर्व पक्षांचे लक्ष लागलेली प्रारूप प्रभागरचना आज प्रसिद्ध केली जाणार आहे. तेलंगणातील भारत राष्ट्र समितीच्या (बीआरएस) आमदार के. कविता यांची मंगळवारी पक्षातून हकालपट्टी करण्यात आली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : सरकारच्या जीआरवरुन ओबीसी नेत्यामंध्ये मतभेद

OBC Agitation Live : सरकारच्या जीआरवरुन ओबीसी नेत्यामंध्ये मतभेद

Related Stories