Latest Marathi News Live Update : दिल्लीत 'लष्कर-ए-तैयबा' या दहशतवादी संघटनेशी संबंधित कुख्यात दहशतवाद्याला अटक

दिल्ली पोलिसांनी 'लष्कर-ए-तैयबा' या दहशतवादी संघटनेशी संबंधित एका कुख्यात दहशतवाद्याला अटक केली आहे. अलीकडेच उध्वस्त करण्यात आलेल्या लष्करच्या एका 'मॉड्यूल'चा तो सूत्रधार म्हणून काम पाहत होता..बंगळुरू विमानतळावर बनावट सिगारेट रॅकेटचा पर्दाफाश करण्यात आला आहे. पाच जणांना अटक करण्यात आली आहे. .हवामान विभागाने रत्नागिरी जिल्ह्यासाठी ३१ मार्च ते २ एप्रिल या कालावधीत ‘यलो अलर्ट’ जारी केला आहे. या दरम्यान जोरदार वारे, विजांचा कडकडाट, गारपीट आणि मान्सूनपूर्व पावसाची शक्यता व्यक्त करण्यात आली आहे. मार्चच्या अखेरीस उष्णतेची लाट असताना अचानक हवामान बदलून मेघगर्जनेसह पावसाचा इशारा देण्यात आल्याने जिल्ह्यातील आंबा व काजू उत्पादक बागायतदारांमध्ये चिंतेचे वातावरण निर्माण झाले आहे.पुढील तीन दिवसांत जिल्ह्यात ताशी सुमारे ३० ते ४० किलोमीटर वेगाने वारे वाहण्याची शक्यता व्यक्त करण्यात आली आहे. विजांच्या कडकडाटासह हलका ते मध्यम पाऊस पडू शकतो, तसेच काही भागांत गारपीट होण्याचीही शक्यता वर्तविण्यात आली आहे..मुंबई शहर आणि उपनगरातील विविध कार्यालयांमधील नोकरदारांना जेवणाचे डबे पोहोचविण्याचे काम करणारे 'मुंबईचे डबेवाले' ३० मार्च ते ४ एप्रिल या कालावधीत सुटीवर जाणार आहेत..- अक्कलकोट तालुक्यातील हन्नुर येथे हरणा नदी काठावर होणार नवीन घाट- हरणा नदीवर नवीन घाट बांधण्यासाठी 1 कोटी 90 लाख रुपये मंजूर- आ. सचिन कल्याणशेट्टी यांच्या पाठपुराव्याला अखेर यश- हरणा नदीकाठी घाट बांधण्याची गेल्या अनेक वर्षांपासूनची अक्कलकोटकरांची मागणी अखेर पूर्ण- हरणा नदीवर घाट बांधल्यामुळे धार्मिक पर्यटनाला मिळणार चालना.कोल्हापूर : कळंबा फिल्टर हाऊससमोरील चौकात अमृत योजनेची जलवाहिनी जोडताना दोन वितरण वाहिन्या फुटल्याने संभाजीनगर, आयटीआय, बालाजी पार्क परिसरातील पाणीपुरवठा बंद राहिला. आज दिवसभर दुरुस्तीनंतर सायंकाळनंतर पाणीपुरवठा करण्यात आला..आष्टा : वाळवा येथील एका तरुणाचा पूर्वीच्या भांडणाचा राग मनात धरून काठी, दगडाने डोके ठेचून निर्घृण खून करण्यात आला आहे. संदेश ऊर्फ साहिल अशोक कदम (वय ३०, माळभाग, वाळवा) असे खून झालेल्याचे नाव आहे. संशयित प्रथमेश उर्फ बबलू आमसिद्ध कोळी, अभिजित उर्फ सोन्या टुमक्या परीट, राजश्री आमसिद्ध कोळी (सर्व रा. वाळवा) यांच्याविरोधात साहिलचे वडील अशोक भीमराव कदम (वय ६०, माळभाग, वाळवा) यांनी आष्टा पोलिस ठाण्यात फिर्याद दिली आहे..कोल्हापूर : ‘जिल्ह्यातील १२०० दूध संस्थांना अवसायन नोटीस काढून त्यांना मतदान करू न देण्याचा घाट अदृश्य शक्तींनी घातला आहे. तो हाणून पाडून या संस्थांवर अन्याय होऊ देणार नाही’, असे गोकुळ दूध संघाचे अध्यक्ष नविद मुश्रीफ यांनी येथे स्पष्ट केले. ताराबाई पार्क येथील गोकुळच्या कार्यालयात कोल्हापूर जिल्हा दूध संस्था बचाव कृती समितीतर्फे प्रतिनिधींच्या शिष्टमंडळाने भेट घेऊन निवेदन दिले. यावेळी ते बोलत होते. .कृषी विभागाने दिलेल्या माहितीनुसार, राज्यात ३० मार्चच्या तुलनेत ३१ मार्च रोजी एकंदरीत वादळी पावसाचे प्रमाण कमी होण्याची शक्यता आहे. मात्र, या भागांमध्ये काही प्रमाणात अस्थिर हवामान आणि वादळी पाऊस पडू शकतो. त्यानंतर १ ते ४ एप्रिलदरम्यान वादळी पावसाचे प्रमाण वाढण्याचा प्राथमिक अंदाज आहे. त्यामुळे या कालावधीत मध्य महाराष्ट्र, खानदेश, मराठवाडा आणि विदर्भातील ठिकठिकाणी आभाळी हवामान, दुपारनंतरचा वादळी पाऊस, आणि काही ठिकाणी गारपीट होण्याची शक्यता नाकारता येत नाही’, असे त्यांनी म्हटलंय..निसर्गाची अवकृपा आणि व्यवसायातील सततच्या घाट्ट्यामुळे हवालदिल झालेल्या एका तरुण शेतकऱ्याने मृत्यूला कवटाळल्याची धक्कादायक घटना पवनी तालुक्यातील सावरला येथे घडली आहे. प्रकाश धोंडुजी सावरबांधे (वय ४०) असे या मृत शेतकऱ्याचे नाव असून, कर्जबाजारीपणाला कंटाळून त्यांनी शेतात गळफास घेऊन आपली जीवनयात्रा संपवली..आयुक्त गुलाबराव पोळ यांच्यासह कार्यकर्त्यांवर खोटे गुन्हे दाखल केल्याच्या निषेधार्थ बुधवारी (ता.१) मूक मोर्चा व वडगाव बंद आंदोलन करण्याचा इशारा यादव आघाडीच्या वतीने देण्यात आला आहे. यादव वाडा येथे आयोजित कार्यकर्त्यांच्या बैठकीमध्ये हा निर्णय घेण्यात आला. उपनगराध्यक्ष जवाहर सलगर म्हणाले, ‘वडगाव नगरपालिकेचा निवडणूक प्रचार सुरू असताना यादव आघाडीचा कार्यकर्ता जय कराडे याला विरोधी आघाडीच्या कार्यकर्त्यांनी मारहाण केली. पोलिस ठाण्यात फिर्याद देण्यास गेले असता पोलिसांनी टाळाटाळ केली. दरम्यानच्या काळामध्ये विरोधी गटाने फिर्याद मागे घ्यावी, यासाठी दबाव टाकला, तसेच पोळ कुटुंबीयांवर गुन्हा दाखल करण्याची धमकी दिली. पोलिसांनी खोट्या तक्रारीवरून निवृत्त पोलिस अधिकारी पोळ यांच्यासह कार्यकर्त्यांवर गुन्हे दाखल केले. ’ यावेळी नगराध्यक्ष विद्या पोळ, जय कराडे यांची भाषणे झाली..सावंतवाडी : ओवळीये (ता. सावंतवाडी) येथे जमिनीच्या वादातून एका ६५ वर्षीय वृद्धेचा कोयत्याने डोक्यात वार करून निर्घृण खून करण्यात आला. सरस्वती धोंडी सावंत, असे मृत महिलेचे नाव आहे. याप्रकरणी सावंतवाडी पोलिसांनी संशयित विजय कृष्णा सावंत (वय ६१) आणि त्यांचा मुलगा रघुनाथ विजय सावंत (३७) यांना ताब्यात घेतले आहे. ओवळीये गावातील मधलीवाडी परिसरात जमिनीच्या कारणावरून काही दिवसांपासून दोन कुटुंबांत धुसफूस सुरू होती. आज सायंकाळी पाचच्या सुमारास याच कारणावरून पुन्हा वाद उफाळून आला. .कोल्हापूर : कोल्हापूर जिल्हा सहकारी दूध उत्पादक संघ (गोकुळ)ची निवडणूक बिनविरोध करण्यासाठी सत्ताधारी संचालकांनी पालकमंत्री प्रकाश आबिटकर, वैद्यकीय शिक्षणमंत्री हसन मुश्रीफ यांच्यासह नेत्यांच्या भेटी घेऊन साकडे घातले. दरम्यान, बिनविरोधसाठी प्रमुख नेत्यांमध्ये चर्चा होणे गरजेचे असून, त्यांना विश्वासात घेऊनच हा विषय मार्गी लावावा लागेल, असे पालकमंत्र्यांनी शिष्टमंडळाला सांगितले. ‘गोकुळ’च्या सत्ताधारी आघाडीच्या १७ संचालकांनी आज सायंकाळी पालकमंत्री अबिटकर यांची शासकीय विश्रामगृह येथे भेट घेतली. यावेळी ते बोलत होते..Latest Marathi Live Updates 30 March 2026 : सोलापुरात रविवारी झालेल्या चौथ्या महिला महाराष्ट्र कुस्ती स्पर्धेच्या चित्तथरारक अंतिम लढतीत कोल्हापूरच्या अमृता पुजारीने वेदिका सासनेला अस्मान दाखवत महाराष्ट्र केसरी होण्याचा मान मिळवला. महाराष्ट्र राज्य कुस्तीगीर संघ आयोजित सोलापुरातील हरीभाई देवकरण प्रशालेच्या मैदानावर रविवारी सायंकाळी महिला महाराष्ट्र केसरी स्पर्धेची अंतिम लढत अमृता पुजारी विरुद्ध वेदिका सासणे यांच्यात झाली. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : दिल्लीत 'लष्कर-ए-तैयबा' या दहशतवादी संघटनेशी संबंधित कुख्यात दहशतवाद्याला अटक

Delhi Live : दिल्लीत 'लष्कर-ए-तैयबा' या दहशतवादी संघटनेशी संबंधित कुख्यात दहशतवाद्याला अटक

Related Stories