Latest Marathi News Live Update: वॉर्ड क्रमांक 206 शिवडी चे महाविकास आघाडीचे उमेदवार सचिन पडवळ यांच्या कार्यालयाचे उद्घाटन

रश्मी उद्धव ठाकरे यांच्या हस्ते होणार कार्यालयाचे तसेच कार्याहवाल आणि प्रचार रथ याचे करणार उद्घाटनकाही वेळात रश्मी ठाकरे या शिवडी मध्ये होतील दाखल.महाराष्ट्रचे मुख्यमंत्री देवेंद्र फडणवीस यांच्या विधानावर काँग्रेस नेते सचिन सावंत म्हणाले, "घटनात्मक पदावर असलेल्या व्यक्तीने अशा असंवैधानिक पद्धतीने बोलणे हे अशोभनीय आहे, आणि आम्ही मुख्यमंत्र्यांना विचारू इच्छितो की, एखादा बौद्ध, जैन किंवा शीख महापौर होऊ शकत नाही का?... ही कोणत्या प्रकारची भाषा आहे? त्यांनी आधी मुख्यमंत्रीपदाचा राजीनामा दिला पाहिजे... ते मागासवर्गीय, महिला आणि ओबीसींच्या विरोधात आहेत का? भाजपने याचे उत्तर दिले पाहिजे. ही कोणत्या प्रकारची मानसिकता आहे? हीच राष्ट्रीय स्वयंसेवक संघाची मानसिकता आहे का?...".काँग्रेस नेते अमीन पटेल म्हणतात, "...बेस्टमध्ये (बृहन्मुंबई इलेक्ट्रिक सप्लाय अँड ट्रान्सपोर्ट) काम करणाऱ्या आमच्या बंधू-भगिनींना कामावरून काढून कंत्राटी कामगारांना कामावर ठेवण्याच्या कामाबाबत, आणि स्मार्ट मीटर बसवून लोकांची लूट करण्याच्या कामाबाबत, आम्ही काँग्रेस पक्षाच्या या जाहीरनाम्यात नऊ मुद्दे समाविष्ट केले आहेत, जे आम्ही महापालिकेत सत्तेवर आल्यानंतर लागू करू. हे मुद्दे सुनिश्चित करतील की मुंबईच्या लोकांना बेस्टच्या सेवा परवडणाऱ्या दरात मिळतील... सध्या फक्त ६०० बेस्ट बसेस धावत आहेत; बाकीच्या सर्व खाजगी बसेस आहेत. डेपो बंद करून त्यांचे मॉल्स आणि इमारतींमध्ये रूपांतर करण्याची ही प्रथा आम्ही थांबवू...".एक्सर गावातील एका बंद घराला अचानक आग लागून परिसरात भीतीचे वातावरण निर्माण झाले. घटनेची माहिती मिळताच मनसेचे शाखाध्यक्ष विजय पाटील, शिवसेना (उबाठा)चे शाखाप्रमुख मिलिंद म्हात्रे यांच्यासह शेकडो कार्यकर्ते तात्काळ घटनास्थळी दाखल झाले. गावातील अरुंद रस्त्यांमुळे अग्निशमन दलाच्या गाड्यांना अडचणींचा सामना करावा लागला. मात्र गावकरी तसेच शिवसेना–मनसेच्या कार्यकर्त्यांनी जीव धोक्यात घालून आग बऱ्यापैकी आटोक्यात आणली. प्रसंगावधान राखल्यामुळे आजूबाजूची घरे वाचली असून सुदैवाने कोणतीही जीवितहानी झाली नाही..मालाड परिसरातील छोट्या व्यापाऱ्यांना सोशल मीडियावरून धमकी देत जबरदस्ती वसुली करणाऱ्या संजय रामज यादव याला मालाड पोलिसांनी अटक केली आहे.ट्विटर (X) व इतर सोशल मीडिया प्लॅटफॉर्मवर तक्रारी टाकून व्यवसाय बंद पाडण्याची धमकी देत तो व्यापाऱ्यांकडून पैसे उकळत असल्याचा आरोप आहे.पीडितांच्या तक्रारीवरून मालाड पोलीस ठाणे गुन्हा क्रमांक 950/2025 अंतर्गत भारतीय न्याय संहितेच्या कलम 308 अन्वये गुन्हा दाखल करण्यात आला. तांत्रिक विश्लेषण व गोपनीय माहितीच्या आधारे पोलिसांनी आरोपीला अटक केली.या कारवाईमुळे छोट्या व्यापाऱ्यांना मोठा दिलासा मिळाला असून, सोशल मीडियाचा गैरवापर करणाऱ्यांना माफ केले जाणार नाही, असा इशारा वरिष्ठ पोलीस निरीक्षक दुष्यंत चव्हाण यांनी दिला आहे..सिन्नर तालुक्यातील शिवड़े येथे बिबट्याच्या हल्ल्यात शेतकऱ्याचा दुर्दैवी मृत्यू झाल्याची घटना घडली आहे. शेतात जेवण करत असताना गोरख लक्ष्मण जाधव (४३) या शेतकऱ्यावर बिबट्याने हल्ला केला. बिबट्या व शेतकऱ्यात झटापट होवून दोघेही जवळच्या विहिरीत पडले. यात शेतकऱ्याचा मृत्यू झाला. वनविभागाने बिबट्याला बाहेर काढले आहे..जळगावमधील भुसावळ शहरातील रेल्वे स्टेशन परिसरात आग लागण्याची घडना घडली. एका कारला अचानक आग लागली, ज्या ती कार पूर्ण जळून खाक झाली आहे. सुदैवाने या घडनेमध्ये कोणतीही जीवितहानी टळली आहे..रॉयल चॅलेंजर्स बंगळुरू आणि राजस्थान रॉयल्सकडून पुण्यातील गंहुजे येथील महाराष्ट्र क्रिकेट असोसिएशन क्रिकेट स्टेडियमची पाहणी करण्यात आल्याचे महाराष्ट्र क्रिकेट असोसिएशनकडून सांगण्यात आले आहे. त्यामुळे आगामी आयपीएल २०२६ मध्ये पुण्यात सामने होण्याची शक्यता आहे..मुंबई महापालिका निवडणुकीची रणधुमाळी सुरु असतानाच उद्धव ठाकरेंच्या शिवसेनेला मोठा धक्का बसला आहे. माजी महापौर शुभा राऊळ यांनी राजीनामा दिला आहे..शहरापासून जवळ असलेल्या पुर्णाड फाटा येथे मध्य प्रदेशातून महाराष्ट्रातील संभाजी नगर येथे अवैध गुटखा तस्करीसाठी नेत असताना, जळगावच्या स्थानिक गुन्हे शाखेच्या पथकाने पकडला. कारवाईत गुटखा व वाहतुकीसाठी वापरलेली गाडी असा एकूण 12 लाख रुपयांचा मुद्देमाल जप्त करण्यात आला व वाहनचालकास अटक केली आहे..छत्रपती संभाजीनगरमध्ये भाजपकडून २२ जणांचे निलंबन करण्यात आले आहे. पक्षशिस्त भंग केल्याचा ठपका ठेवत ही कारवाई करण्यात आली असून, महापालिका निवडणुकीसाठी पक्षाचे तिकीट न मिळाल्यानंतर इतर पक्षाकडून उमेदवारी अर्ज दाखल केलेल्या इच्छुकांवर ही कारवाई करण्यात आली आहे..पुणे जिल्ह्यातील मंचर येथे मोरडे फाऊंडेशनच्या वतीने राष्ट्रीय स्तरावरील ऑल इंडिया ओपन फाईड रॅपिड रेटिंग बुद्धिबळ स्पर्धेचे आयोजन करण्यात आले आहे. एकाच दिवशी पार पडणाऱ्या या रॅपिड स्पर्धेत देशभरातून 300 पेक्षा अधिक खेळाडूंनी सहभाग घेतला असून, ग्रामीण भागातील खेळाडूंना आपली गुणवत्ता दाखवण्यासाठी ही स्पर्धा महत्त्वाची संधी ठरणार आहे. या स्पर्धेचे उद्घाटन दिलीप वळसे पाटील यांच्या हस्ते करण्यात आले..भारतीय जनता पार्टीने छोट्या समाजातील लोकांना तिकीट दिलेली नाही काँग्रेसकडे फक्त मुस्लिम मतदार आहे आणि तोही आता राहिलेला नाहीये इतक्या दिवस मुस्लिम समाज शरद पवारांच्या नादी लागला होता.मावळ तालुक्यातील देहूरोड परिसरात अमली पदार्थांच्या बेकायदेशीर व्यवहाराविरोधात गुन्हे शाखेच्या विरोधी पथकाने धडक कारवाई केली आहे. मामुर्डी येथील एका नामांकित रहिवासी सोसायटीच्या पार्किंगमध्ये गांजाचा व्यवहार सुरू होण्याच्या आधीच पोलिसांनी छापा टाकून दोन तरुणांना ताब्यात घेतले. ओमकार हरी इंगवले आणि सुभाष राजेंद्र भट अशी अटक करण्यात आलेल्या आरोपींची नावे असून, त्यांच्याकडून 21 किलो 32 ग्रॅम गांजा जप्त करण्यात आला आहे. जप्त केलेल्या गांजाची बाजारभावानुसार अंदाजे 4 लाख 5 हजार रुपयांची किंमत आहे. या प्रकरणी देहूरोड पोलीस ठाण्यात गुन्हा दाखल करण्यात आला असून, पुढील तपास पोलीस करत आहेत..कोल्हापूर येथे महापुरुषांच्या फोटो असलेल्या बॅनरची विटंबना झाल्याच्या निषेधार्थ सकल हिंदू समाजाने आंदोलन केले. लासलगाव येथून जाणाऱ्या विंचूर–प्रकाशा राज्य मार्गावरील श्रीराम चौकात रास्ता रोको करत आंदोलनकर्त्यांनी तीव्र निषेध व्यक्त केला. या आंदोलनामुळे काही काळ वाहतूक ठप्प झाली होती..मनसे नेते अमित ठाकरे यांनी बाळासाहेब सरवदे हत्या प्रकरणाच्या पार्श्वभूमीवर सरवदे कुटुंबीयांची भेट घेतली. या भेटीदरम्यान पत्रकारांशी संवाद साधताना त्यांनी महाराष्ट्रातील निवडणुकांबाबत आपली भूमिका मांडली.यावेळी बोलताना त्यांनी, “आपलं राज्य कुठे नेऊन ठेवलं आहे?” असा सवाल उपस्थित केला. तसेच बाळासाहेब सरवदे यांच्या हत्येप्रकरणी उपमुख्यमंत्री देवेंद्र फडणवीस यांची भेट घेणार असल्याचेही अमित ठाकरे यांनी सांगितले..महाराष्ट्रात उत्तर प्रदेश आणि बिहारसारखा राजकीय पायंडा पाडला जात असल्याची टीका मनसे अध्यक्ष राज ठाकरे यांनी केली आहे. स्थानिक स्वराज्य संस्थांच्या निवडणुकांमध्ये बंगालमध्ये बिनविरोध प्रक्रिया झाल्यावर भाजपने न्यायालयाचा दरवाजा ठोठावला होता. मात्र बंगालमध्ये जे मान्य नाही, ते महाराष्ट्रात कसे चालते, असा सवाल त्यांनी उपस्थित केला.सत्तेचा मक्ता कुणालाही मिळालेला नसतो, हे सत्ताधाऱ्यांनी लक्षात ठेवावे, असे सांगत राज ठाकरे म्हणाले की, आज सत्तेत असलेल्यांनी विरोधकांवर टीका करताना संयम बाळगावा, कारण सत्ता गेल्यानंतर आपल्यावरही टीका होऊ शकते. आपण करत असलेल्या कृतीमुळे भविष्यात चुकीचा पायंडा पडत नाही ना, याचा विचार सत्ताधाऱ्यांनी करायला हवा.महाराष्ट्राने देशाला दिशा दिली असून हा राज्य संस्कृती आणि मूल्यांची ओळख आहे. तरीही सध्या येथे उत्तर प्रदेश आणि बिहारप्रमाणे राजकारण केले जात असल्याचा आरोप करत राज ठाकरे यांनी तीव्र नाराजी व्यक्त केली..राज्यात २९ महापालिकांच्या निवडणुका १५ जानेवारीला होणार आहेत. या निवडणुकांच्या पार्श्वभूमीवर ठाकरे बंधूंनी एकत्र येऊन वचननाम्याचं उद्घाटन केलं. यावेळी उद्धव ठाकरे यांनी विरोधी पक्षांवर टीका करताना राहुल नार्वेकरांना पदावरून निलंबित करण्याची मागणी केली..राज्यातील २९ महापालिकांच्या निवडणुका येत्या १५ जानेवारीला होणार आहेत. या निवडणुकांच्या पार्श्वभूमीवर ठाकरे बंधूंनी एकत्र येऊन वचननाम्याचे उद्घाटन केले. राज ठाकरे २० वर्षांनंतर शिवसेना भवनात आले..कोल्हापूर जिल्ह्यातील कुंभोज येथे छत्रपती शिवाजी महाराजांच्या प्रतिमेची विटंबना झाल्याची घटना समोर आल्यानंतर राज्यभरातून संताप व्यक्त केला जात आहे. या घटनेचे तीव्र पडसाद आता नाशिक जिल्ह्यातही उमटले असून, आज सकल हिंदू समाजाच्या वतीने ठिकठिकाणी आंदोलनं करण्यात येत आहेत.या आंदोलनातून शिवरायांच्या अपमानाचा तीव्र शब्दांत निषेध करत दोषींवर कठोर कारवाईची मागणी करण्यात येत आहे. केवळ ही घटना नव्हे, तर बांगलादेशात हिंदूंवर होणाऱ्या अत्याचाराचाही यावेळी निषेध व्यक्त करण्यात येणार आहे.सकल हिंदू समाजाने यावेळी आक्रमक भूमिका घेत राष्ट्रीय प्रतीकांचा अपमान करणाऱ्यांना कडक कायदा करण्याची मागणी सरकारकडे केली आहे..मुंबई महापालिका निवडणुकीसाठी ठाकरे बंधूंची युती झाल्यानंतर आज, रविवारी (ता. ४ जानेवारी) उद्धव ठाकरे आणि राज ठाकरे हे दोघे त्यांचा संयुक्त जाहीरनामा प्रसिद्ध करणार आहेत. मनसेची स्थापना केल्यानंतर राज ठाकरे एकदाही शिवसेना भवनात गेले नव्हते. मात्र आता जाहीरनामानिमित्त राज ठाकरे २० वर्षांनंतर ते सेनाभवनात दाखल झाले आहेत..भाक्षीच्या खंडोबा महाराज यात्रेला सुरुवात झाली आहे. या यात्रेसाठी तालुक्यासह जिल्ह्यातील भाविक दर्शनसाठीक भाक्षी येथे येत आहेत. भाक्षीच्या खंडोबा महाराज याञेसाठी आधुनिक युगातही बागलाणच्या पश्चिम पट्ट्यातून बैलांना सजवून बैलगाडीतून येण्याची प्रथा आजही सुरू असून भाविक सहकुटुंब बैलगाडीतून येऊन मंदिरात बैलांना भेटवण्यास घेऊन जातात..ठाकरेंच्या वचननामापूर्वी मनसे नेते बाळा नांदगावकर राज ठाकरेंच्या भेटीला वचननामा संदर्भात राज ठाकरे सोबत करणार चर्चा.खोपोली येथील मंगेश काळोखे हत्यांकांड प्रकरणी प्रेसनोट काढत रायगड पोलिसांनी मोठी माहिती उघड केली आहे. वैयक्तीक आणि राजकिय वैमनस्यातुन काळोखेंची हत्या झाल्याचे उघड झाले आहे. यासाठी देवकर यांनी 20 लाख रुपयांची सुपारी ईशा शेख या महिले मार्फत आदिल शेख, खादिल कुरेश आणि एक मारेकरी अशा तीघांना दिली होती अशी माहिती रायगड पोलिसांनी दिली आहे..सादिक कपूर चे प्रशांत जगताप यांना पत्र२० डिसेंबर रोजी प्रशांत जगताप यांना लिहिले होते पत्रफारुख इनामदार हा टिपू पठाण टोळीचा म्होरक्या असल्याची केली होती तक्रारपक्षातील वरिष्ठांनी फारुख ला रोखले पाहिजे, अशी केली होती विनंतीफारुख इनामदार या राष्ट्रवादीच्या उमेदवाराचे नाव घेत सादिक कपूर ने केली काल आत्महत्या.हवामान विभागाने दिल्ली, हरियाणा, चंदीगड, पंजाब, उत्तर प्रदेश, बिहार आणि ओडिशा या राज्यांमध्ये उद्यापर्यंत दाट धुक्याचा इशारा दिला आहे. पंजाब, हरियाणा, चंदीगड आणि दिल्लीमध्ये पुढील तीन दिवस थंडीची लाट कायम राहण्याची शक्यता आहे..कल्याण शहरात एक धक्कादायक आणि मन हेलावणारी घटना समोर आली आहे, जिथे वालधुनी पुलाखाली सापडलेल्या महिलेच्या मृतदेहामागे कौटुंबिक संपत्तीचा वाद असल्याचे उघड झाले आहे. महात्मा फुले चौक पोलीस ठाण्याच्या हद्दीत रस्त्याच्या कडेला अंदाजे ३५ वर्षांच्या महिलेचा रक्ताने माखलेला मृतदेह सापडला होता. तिच्या डोक्यावर, चेहऱ्यावर आणि हातावर गंभीर जखमा होत्या. रुक्मिणीबाई रुग्णालयात तपासणीनंतर डॉक्टरांनी तिला मृत घोषित केले..सोलापुरातील मनसे पदाधिकारी बाळासाहेब सरवदे खून प्रकरणात दुसरा गुन्हा दाखलहत्येचे आरोप असलेल्या शिंदे परिवाराकडून मृत बाळासाहेब सरवदे यांच्या परिवाराविरोधात तक्रारसरवदे कुटुंबातील सदस्यांनी हातात तलवार, कोयता, काठ्या घेऊन घरात घुसून मारहाण केल्याचा आरोपबाळासाहेब सरवदे हत्या प्रकरणातील आरोपी शंकर शिंदे यांचा भाचा राहुल सरवदे याची पोलिसांत फिर्याद.अंबादास दानवे यांनी त्या अधिकाऱ्याचे नाव उघड केलेघाटी हॉस्पिटलचे डीन शिवाजी सुक्रे हे शिवसेना उद्धव ठाकरे पक्षाच्या उमेदवारांना धमकी देत असल्याचा अंबादास दानवे यांचा आरोपएक्स वर अंबादास दानवे यांनी निवडणूक आयोगाला दिले पत्र टाकून मंत्राच्या आदेशानुसार कोण अधिकारी आमच्या उमेदवाराला त्रास देतोय हे सांगितले..लातूरच्या निलंगा तालुक्यातील झरी शिवारात हार्वेस्टर मशीन मध्ये 28 वर्षीय ऑपरेटरने आपला जीव गमावला आहे. शेतातील तुरीची रास केल्यानंतर मशीनचे साफसफाई करताना सचिन धीम्मान वय 28 हा राहणार मूळचा उत्तर प्रदेशातील असून याचा जागीच मृत्यू झाला. दरम्यान आठ दिवसांपूर्वी औसा तालुक्यातल्या आशिव येथे शेतकऱ्याचा हार्वेस्टर मध्ये अडकून मृत्यू झाला होता. नंतर आज पुन्हा हार्वेस्टर ऑपरेटर चा मृत्यू झाल्याने परिसरात हळूहळू व्यक्त करण्यात येते आहे..भाजप उमेदवारांच्या प्रचारासाठी मुख्यमंत्री देवेंद्र फडणवीस यांच्यासह बड्या नेत्यांच्या पुण्यात सभा होणार आहेत. सोमवारी मुख्यमंत्री फडणवीस यांची पुण्यातील येरवडा मध्य, तर ११ तारखेला फडणवीस यांचा अनोखा "टॉक शो" असेल. याशिवाय शिंदेसेनेच्या प्रचारासाठी उपमुख्यमंत्री एकनाथ शिंदे यांच्या ९ तारखेला २ सभा आहेत. दोन्ही राष्ट्रवादी काँग्रेस पक्षाच्या उमेदवारासाठी उपमुख्यमंत्री अजित पवार यांचा सभासत्राला आजपासून सुरुवात होणार आहे..महापालिका निवडणुकीच्या पार्श्वभूमीवर उद्धव ठाकरे आणि राज ठाकरे यांची युती झाली असून आज शिवसेना भवनात ठाकरे बंधूंचा संयुक्त जाहीरनामा जाहीर होणार आहे. १९ वर्षानंतर राज ठाकरे शिवसेना भवनात पाऊल ठेवणार आहेत. शिवसेनापासून वेगळं झाल्यानंतर राज ठाकरेंनी वेगळी चूल मांडली होती. पण आता पुन्हा एकदा दोन्ही भाऊ एकत्र आले आहेत. .ऐन निवडणुकीच्या रणधुमाळी मध्ये पुण्यात एक धक्कादायक घटना समोर आली आहे. पुण्यात एका ५६ वर्षीय व्यक्तीने हडपसर मधील एका पक्षाचा उमेदवार त्रास देत असल्याचा आरोप करत आत्महत्या केलीय. सादिक उर्फ बाबू कपूर असे आत्महत्या केलेल्या व्यक्तीचे नाव आहे. पुण्यातील लष्कर भागात असलेल्या त्यांच्या ऑफीसमध्ये गळफास घेऊन त्यांनी आत्महत्या केली. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update: वॉर्ड क्रमांक 206 शिवडी चे महाविकास आघाडीचे उमेदवार सचिन पडवळ यांच्या कार्यालयाचे उद्घाटन

Mumbai News: वॉर्ड क्रमांक 206 शिवडी चे महाविकास आघाडीचे उमेदवार सचिन पडवळ यांच्या कार्यालयाचे उद्घाटन

Related Stories