Latest Marathi News Updates Live : पंतप्रधान नरेंद्र मोदी यांनी उत्तराखंड येथील खासदारांशी भेट घेतली

पंतप्रधान नरेंद्र मोदी यांनी उत्तराखंड येथील खासदारांशी भेट घेतली आणि पावसामुळे बाधित भागांतील नागरिकांशी सतत संपर्कात राहण्याचे आवाहन केले..पंतप्रधान यांनी पर्यावरण संरक्षणासाठी सजगता आणि संवेदनशीलतेचा संदेश देत कर्तव्य भवन-3 च्या परिसरात वृक्षारोपण कार्यक्रमात भाग घेतला..मुंबईकरांच्या आरोग्याचाही विचार केला पाहिजे. कोणीही कायदा हातात घेऊ नका. दादरमधील आंदोलन चुकीचं, अशी प्रतिक्रिया मंगलप्रभात लोढा यांनी दिली आहे..हृदयविकाराच्या झटक्याने शाळेत जाणाऱ्या एका विद्यार्थिनीचा मृत्यू झाला. नाशिक शहरातील एका इंग्रजी माध्यमाच्या शाळेत इयत्ता सहावीच्या वर्गात शिकणाऱ्या विद्यार्थिनीसोबत ही दुर्देवी घटना घडली. श्रेया किरण कापडी असे मृत विद्यार्थिनीचे नाव आहे. शाळेच्या गेटमधून आत प्रवेश करत असताना तिला चक्कर आली..उपमुख्यमंत्री अजित पवार यांच्या संपर्क कार्यालयाने साधला पर्यटकांशी संवाद. नांदेड जिल्हा प्रशासन 11 प्रवाशांच्या संपर्कात. काल विभक्त झालेले पर्यटक आज आले एकत्र. कोणी काळजी करू नये आम्ही सुखरूप आहोत सचिन पत्तेवार यांची माहिती..कबुतरखाना बंद करण्यापूर्वी विचार करायला हवा होता असे रोहित पवार माध्यमांशी बोलताना म्हणाले आहे. .पुण्यातील नवले ब्रीजवर ट्रकने चारचाकी कारला धडक दिली आहे. .कबुतरखान्यावरून मनसेचे बोलण्यास नकार दिला आहे. .कोथरूड मुलींना हाणमारी प्रकरणी मोठी अपडेट समोर आलीय. ससून रुग्णालयाचा पीडित मुलींच्या तपासणीचा अहवाल पुणे पोलिसांना प्राप्त झालाय. पोलिसांनी पीडित तरुणींना हाणमारी केल्याचा आरोप केला आहे. मात्र ससून रुग्णालयाच्या तपासणी अहवाला तरुणींना कोणतीही ताजी दुखापत नसल्याचे समोर आलेय. पीडित मुलीने ससून रुग्णालयात 2/8/2025 ला 5.40 pm ला तपासणी केलीय. यामध्ये तपासणी करणाऱ्या डॉक्टरांनी निरीक्षण नोंदवले आहे..पुणे शहरातील फुरसुंगी मध्ये एका थार गाडीतून गांजाची मोठ्या प्रमाणावर तस्करी सुरू असल्याची धक्कादायक बाब समोर आली. गुन्हे शाखेच्या पथकाने सापळा रचून ही कारवाई करत २६ किलो गांजासह ही थार गाडी जप्त केली आहे. याप्रकरणी एकाला ताब्यात घेण्यात आलं आहे. एका थार गाडीतून गांजाची तस्करी होणार असल्याची माहिती पोलिसांना मिळाली, त्यानुसार गुन्हे शाखेच्या अधिकाऱ्यांनी तत्काळ हालचाली करत परिसरात सापळा रचला आणि गाडीची तपासणी केली. गाडीच्या आतून तब्बल २६ किलो गांजा सापडला. त्याची अंदाजे बाजारभावानुसार किंमत २२ लाख रुपये असल्याचे पोलिसांनी सांगितले..माधुरी हत्तीणीबाबत वनताऱ्याच्या अधिकाऱ्यांसोबत देवेंद्र फडणवीसांची चर्चा वनतारा व्यवस्थापनाच्या वरिष्ठ अधिकार्यांसोबत आज मुंबईत सविस्तर चर्चा झाली. महादेवी हत्तीण (माधुरी) पुन्हा सुखरुप नांदणी मठाकडे परत देण्यासाठी महाराष्ट्र सरकारने जी याचिका करण्याचे ठरविले, त्यात सहभागी होण्याचा निर्णय वनताराने घेतला असल्याचे त्यांनी मला आश्वस्त केले आहे. या चर्चेदरम्यान त्यांनी मला सांगितले की, आम्ही केवळ मा. सर्वोच्च न्यायालयाच्या निर्णयाचे पालन केले आणि महादेवी हत्तीणीचा ताबा घेण्याचा आमचा कुठलाही प्रयत्न नव्हता असं मुख्यमंत्री फडणवीस यांनी म्हटलंय..दादरमधील कबुतरखाना बंद केल्यानंतर जैन समाजानेआक्रमक होत आंदोलन सुरु केले होते हे आंदोलन अखेर मागे घेण्यात आले आहे. .काबूतरखाना प्रकरणात मुख्यमंत्री देवेंद्र फडणवीस यांच्या एका आदेशानंतर प्रशासनाने घेतलेली माघार हा स्थानिक निर्णय, शासकीय आदेश आणि न्यायालयीन प्रक्रियेचा अपमान असल्याची भावना मराठी एकीकरण समितीचे अध्यक्ष गोवर्धन देशमुख यांनी व्यक्त केली आहे. त्यांच्या म्हणण्यानुसार, अल्पसंख्यांक समाजाच्या संघटित मतांपुढे प्रशासन वारंवार झुकते, तर बहुसंख्य मराठी समाजाची दखल घेतली जात नाही. यापूर्वीही अशाच घटनांमध्ये मराठी अधिकाऱ्यांना अन्याय सहन करावा लागला असून, त्यावर न्यायालयीन मंजुरी असूनही न्याय मिळालेला नाही. भाषेपासून घरांपर्यंत आणि नोकऱ्यांपासून अस्मितेपर्यंत – प्रत्येक पातळीवर मराठी समाजाला दूर सारले जात असल्याचे देशमुख यांनी स्पष्ट केले आहे. राज्य हे सर्वांचे असल्याचे सांगितले जात असले तरी, मराठी जनतेची ओळखच पुसली जात असल्याची धोक्याची घंटा त्यांनी वाजवली आहे. शासनाने याकडे गांभीर्याने पाहावे आणि मराठी नेतृत्वाने एकत्र येत ठोस भूमिका घ्यावी, असा इशाराही त्यांनी दिला..नाशिक शहरातील वाढत्या वाहतूक कोंडीवर उपाय म्हणून आता मुंबई पोलिसांची मदत घेण्याचा निर्णय घेण्यात आला आहे. नाशिकची वाहतूक व्यवस्था सुरळीत करण्यासाठी मुंबई पोलिसांकडून प्रशिक्षण घेण्याची योजना आखली असून, यासाठी मंत्री छगन भुजबळ लवकरच मुंबई पोलिसांना पत्र पाठवणार आहेत. मुंबई पोलिसांनी नाशिकमध्ये येऊन स्थानिक पोलिसांना ट्रॅफिक ट्रेनिंग द्यावे, अशी मागणी करण्यात येणार आहे. शहरातील अनेक भागांमध्ये तासन्तास वाहतूक कोंडी निर्माण होत असून, त्यावर तोडगा काढण्यासाठी हा महत्त्वपूर्ण निर्णय घेण्यात आला आहे..गुहागर-विजापूर राष्ट्रीय महामार्ग चौपदरीकरण प्रकल्पासाठी शेतकऱ्यांनी 2017 मध्ये आपली जमीन दिली, मात्र आठ वर्षांनंतरही त्यांना मोबदला मिळालेला नाही. या गंभीर प्रकरणाची दखल घेत राज्याचे पालकमंत्री उदय सामंत यांनी आज मुंबईतील मंत्रालयात तातडीची बैठक बोलावली आहे. या बैठकीला राष्ट्रीय महामार्ग विभागाचे अधिकारी, चिपळूणचे प्रांताधिकारी आणि संबंधित खात्यांचे वरिष्ठ अधिकारी सहभागी होणार आहेत. बैठकीत शेतकऱ्यांच्या प्रलंबित समस्यांवर तोडगा काढण्यासाठी चर्चा होणार असून, लवकरच योग्य निर्णय अपेक्षित आहे..बिहार शहरात सततच्या मुसळधार पावसामुळे गंगा आणि सोन नद्या ओसंडून वाहत असल्याने पाटण्यात निवासी भागात पाणी शिरले आणि रस्ते पाण्याखाली गेले आहेत..कोल्हापूर : जिल्हा सहकार बोर्डाच्या २०२५ ते २०३० या कालावधीसाठी माजी खासदार संजय मंडलिक यांची अध्यक्षपदी, तर उपाध्यक्ष म्हणून अमित देसाई यांची निवड झाली. संचालक मंडळाच्या बैठकीत सर्वानुमते ही बिनविरोध निवड झाली..सांगवडेवाडी : नांदणी येथील ‘महादेवी हत्तीणी’ला गुजरात जामनगर येथील ‘वनतारा’ येथे हलवण्यात आल्याच्या निषेधार्थ वसगडे (ता. करवीर) येथे जैन बांधवांसह सर्वधर्मीय नागरिकांनी एकत्र येत मूक मोर्चा काढला. मोर्चात जैन समाजाचे अध्यक्ष धूळगोंडा पाटील, श्रेणिक पाटील, संदीप भोसले, सुरेश वसगडेकर, आनंदा जाधव, गौतम कांबळे, गजेंद्र कांबळे, बाळासाहेब उपाध्ये, राजगोंडा चौगले, सतीश भेंडवडे, सुरेखा पाटील, ललिता चौगुले, प्रतिभा गाट, सांगवी कोळी यांनी आपल्या भावना व्यक्त केल्या. मोर्चामध्ये सरपंच योगिता बागडी, पोलिसपाटील संजय पाटील, माजी सरपंच नेमगोंडा पाटील, डॉ. श्रीकांत चौगुले, बाळू कुंभार, आब्बास मुल्लाणी, श्रीकांत गवळी, राजगोंडा पाटील, जैन श्रावक- श्राविका सहभागी झाले..कोल्हापूर : महिला व बालविकासमंत्री आदिती तटकरे गुरुवारी (ता. ७) जिल्हा दौऱ्यावर येत आहेत. सकाळी १०.३५ वाजता त्या कोल्हापूर विमानतळावर येतील. त्यानंतर सकाळी ११.३० ला कबनूर येथील श्रीकृष्ण सांस्कृतिक भवन पायाभरणी कार्यक्रमास उपस्थित राहतील. महासैनिक दरबार हॉल येथे दुपारी तील ते चार दरम्यान महिला लाभार्थ्यांना पिंक ई रिक्षा व रुपे कार्डचे वितरण व माविमच्या बचत गटास धनादेश वितरण कार्यक्रमास उपस्थिती. दुपारी ४.१० वाजता शासकीय विश्रामगृह येथे आगमन व कोल्हापुरी चप्पलबाबत त्या महिला उद्योजिका व बचत गटातील महिलांसमवेत चर्चा करणार आहेत. सायंकाळी ५ ते ५.३० दरम्यान जिल्हा परिविक्षा व अनुरक्षण संघटनेला भेट दिली जाणार आहे. ५.३० ते ६.३० वाजता राष्ट्रवादी पक्ष कार्यालयात मंत्री तटकरे पदाधिकारी व कार्यकर्त्यांशी संवाद साधतील. सायंकाळी सात वाजता करवीरनिवासिनी श्री अंबाबाईचे दर्शन घेणार आहेत. शुक्रवारी (ता. ८) सकाळी त्या मुंबईला रवाना होतील..नवी दिल्ली : बॅंक कर्ज अनियमितता प्रकरणी सक्तवसुली संचालनालयाने (ईडी) उद्योगपती अनिल अंबानी यांची मंगळवारी १० तास चौकशी केली. काही सरकारी आणि खासगी बॅंकांनी अंबानी यांच्या कंपन्यांना १७ हजार कोटी रुपयांचे कर्ज दिले होते. हवाला प्रतिबंधक कायद्यातील विविध कलमांनुसार ईडीकडून अंबानी यांच्याविरोधात कारवाई सुरू आहे..नवी दिल्ली : जम्मू-काश्मीरचे माजी राज्यपाल सत्यपाल मलिक (वय ७८) यांचे मूत्रपिंड विकारामुळे मंगळवारी निधन झाले. दिल्लीच्या राम मनोहर लोहिया रुग्णालयात त्यांनी अखेरचा श्वास घेतला. जनता दल ते भारतीय जनता पक्ष असा प्रवास केलेले मलिक हे अखेरच्या टप्प्यात मोदी सरकारचे टीकाकार बनले होते. .Latest Marathi Live Updates 6 August 2025 : उत्तराखंडमध्ये गंगोत्रीच्या मार्गावर असलेल्या धराली गावाजवळ झालेल्या ढगफुटीनंतर मंगळवारी (ता. ५) पूरसदृश स्थिती निर्माण झाली. डोंगराकडून येणाऱ्या गाळ आणि चिखलमिश्रित पाण्याचा प्रचंड मोठा प्रवाह घरे आणि इमारतींवर आदळला आणि एकच हाहाकार उडाला. या घटनेमध्ये चार जणांचा मृत्यू झाला असून, ६० ते ७० जण वाहून गेले असल्याची शक्यता वर्तविण्यात आली आहे. तसेच जम्मू-काश्मीरचे माजी राज्यपाल सत्यपाल मलिक (वय ७८) यांचे मूत्रपिंड विकारामुळे मंगळवारी निधन झाले. दिल्लीच्या राम मनोहर लोहिया रुग्णालयात त्यांनी अखेरचा श्वास घेतला. भारतावर लादण्यात आलेल्या २५ टक्के आयातशुल्कामध्ये येत्या २४ तासांमध्ये लक्षणीय वाढ करणार आहे, अशी धमकी अमेरिकेचे अध्यक्ष डोनाल्ड ट्रम्प यांनी दिली आहे. बॅंक कर्ज अनियमितता प्रकरणी सक्तवसुली संचालनालयाने (ईडी) उद्योगपती अनिल अंबानी यांची मंगळवारी १० तास चौकशी केली. महादेवी (माधुरी) हत्तीणप्रश्नी नांदणी मठ आणि राज्य शासनाकडून सर्वोच्च न्यायालयात फेरविचार याचिका दाखल केली जाईल. महादेवीला परत आणण्यासाठी शासन सकारात्मक असून, मठाच्या धार्मिक परंपरा जपण्यासाठी शासन कटिबद्ध असल्याची ग्वाही मुख्यमंत्री देवेंद्र फडणवीस यांनी आज दिली. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates Live : पंतप्रधान नरेंद्र मोदी यांनी उत्तराखंड येथील खासदारांशी भेट घेतली

Live: पंतप्रधान नरेंद्र मोदी यांनी उत्तराखंड येथील खासदारांशी भेट घेतली

Related Stories