मुंबईकरांना सोमवारी सकाळी मोठ्या त्रासाला सामोरे जावं लागलं. मोनो रेल्वे मार्गावरची वाहतूक अचानक बंद झाली असून, मेट्रोमध्ये देखील तांत्रिक बिघाड झाल्याने शहरातील प्रवाशांची मोठी तारांबळ उडाली आहे.
चेंबूर-वडाळा मार्गावर धावणारी मोनो रेल्वे सेवा आज सकाळपासूनच बंद आहे. प्रवाशांनी स्टेशनवर पोहोचल्यावर अचानक सेवा बंद असल्याचं समजल्याने संताप व्यक्त केला. काही वेळातच सोशल मीडियावर यासंबंधी तक्रारींचा पाऊस पडू लागला. अद्याप मोनो रेल्वे प्रशासनाकडून बिघाडाचे नेमके कारण स्पष्ट करण्यात आलेलं नाही.
