Latest Marathi News Updates : बागडोगरा विमानतळावर आज AN-32 वाहतूक विमानाचा अपघात

बागडोगरा विमानतळावर आज AN-32 वाहतूक विमानाचा अपघात झाल्याची घटना उघडकीस आली आहे. घटनास्थळावरून विमान बाहेर काढण्यात येत आहे. विमानातील कर्मचारी सुरक्षित आहेत: भारतीय हवाई दलाचे अधिकारी.ॲग्रीकल्चरल डेव्हलपमेंट ट्रस्ट, बारामती संचलित कृषी विज्ञान केंद्र आणि शारदा महिला संघ यांच्या संयुक्त विद्यमानाने आज शारदानगरला यशस्वी महिलांना माहेरचा आहेर देत त्यांचा सन्मान करण्यात आला..ओडिशाचे मुख्यमंत्री मोहन चरण माझी यांनी भुवनेश्वरमधील नवनिर्मित नयापल्ली पोलिस स्टेशनचे उद्घाटन केले, तसेच राज्यातील इतर १३ पोलिस स्टेशन इमारतींचे व्हर्च्युअल मोडमध्ये उद्घाटन केले..देसाई गावात एका जागेवरुन सुरु असलेल्या वादातून परप्रांतीय महिलांनी गावात शिरकाव करत शेतकरी कुटूंबांना धमकावित त्यांच्या घरावर दगडफेक केली आहे. .आयजीआय विमानतळावर तैनात असलेल्या सीआयएसएफच्या एका महिला हेड कॉन्स्टेबलने आज दिल्ली विमानतळाच्या टी-३ येथील वॉशरूममध्ये आत्महत्या केली. तिने तिच्या सर्व्हिस पिस्तूलने आत्महत्या केली. एफएसएलच्या पथकाने घटनास्थळी भेट दिली आहे आणि काही साहित्य जप्त केले आहे. कोणतीही सुसाईड नोट सापडलेली नाही. मृतदेह सफदरजंग रुग्णालयात हलवण्यात आला आहे आणि पोस्टमॉर्टम केले जात आहे. अधिक चौकशी सुरू आहे..मुंबईतील जुहू लोटस आय हॉस्पिटलसमोर असलेल्या गॉड गिफ्ट वसाहतीतील घटनावसाहतीमध्ये असलेल्या परप्रांतीय पांड्ये नावाच्या तीन मुलींकडून मराठी माणसाला शिवीगाळ आणि मारहाणशिवीगाळ आणि मारहाणीची संपूर्ण घटना सीसीटीव्ही कॅमेऱ्यात कैदडिंपल पांडे आणि तिच्या दोन बहिणींकडून शेजाऱ्यांना नेहमीच त्रासत्या तिघांविरोधात जुहू पोलीस ठाण्यात तक्रारीपोलीस कसलीच कारवाई करत नसल्याचा नागरिकांचा आरोप.शिवसेना मध्यवर्ती कार्यालय शालीमार येथे आंदोलनभय्याजी जोशी वर गुन्हा दाखल करून कारवाई करावी यासाठी शिवसेना ठाकरे गट आक्रमककाळे झेंडे दाखवत सुरू आहे निषेध, भैय्या जोशींच्या प्रतिमेस जोडे मारत केलं आंदोलन.औरंगजेबाची कबर जेसीबीने खोदून काढा, अशी मागणी उदयनराजे यांनी केली आहे. अबू आझमींनी केलेल्या विधानानंतर देशभरातून संताप व्यक्त होतोय..सरकारच्या पहिल्या १०० दिवसांच्या कार्यकाळात पूर्ण करायच्या कामांचा एक लेखाजोखा निश्चित केला आहे, तालुकास्तरीय कार्यालयांना सात कामं सांगितली आहेत, १५ एप्रिल ला १०० दिवस पूर्ण होणार आहेत, त्यानंतर सर्व विभागांच्या कामांचं मूल्यमापन केलं जाईल- मुख्यमंत्री देवेंद्र फडणवीस.शहरातील स्वच्छतागृहांची स्वच्छतेवर महापालिकेने लक्ष घातले आहे. शहरातील रस्ते, दुभाजक, परिसर स्वच्छ राहण्याबरोबर शहरातील सार्वजनिक स्वच्छतागृहांची स्वच्छता महत्वाची आहे. त्यासाठी शहरातील आठही झोनमधील स्वच्छतागृहांची तपासणी सुरू असून आठवड्याभरात तीन झोनमधील स्वच्छतागृहांची पाहणी संबंधित कर्मचाऱ्यांकडून झाली आहे. या पाहणी दरम्यान आढळलेली अस्वच्छता, दुरुस्ती, पाण्याची स्थिती, दिव्यांची स्थिती आदीं बाबीं नोदवून घेतले जात आहे. अहवालानुसार या स्वच्छतागृहांची देखभाल दुरुस्ती करण्यात येणार आहे..महापालिकेच्यावतीने प्लस्टिक मोहीमेमध्ये अतिरिक्त आयुक्त पवार सोलापूर बस स्थानक येथे अचानक भेट देऊन त्याठिकाणी असलेल्या आस्थापनची पाहणी केली. तीन ठिकाणच्या तीन आस्थापनांमध्ये वापरास मनाई असलेले सिंगल युज प्लस्टिक आढळून आले. या आस्थापनांना प्रत्येकी पाच हजार रुपये दंड करण्यात आले. या प्रमाणे तीन आस्थापनास १५ हजार रुपयांचा दंड करुन प्लॅटिक जागेवर नष्ट केले. तसेच सार्वजनिक ठिकाणी लघुशंका आणि थुंकणाऱ्या नागरिकांवरही यावेळी कारवाई करण्यात आली..ते म्हणाले, कैलास बोराडे बोळसर स्वभावाचा माणूस आहे. देवाची विटंबना करतोय किंवा तो दारुडा आहे असं ठरवून. तुम्हाला जीव घेण्याचा अधिकार कोणी दिला ? जरांगेचा डोक्यावर इलाज करण्याची आवश्यकता आहे. मानसिक उपचाराची गरज आहे, अशी टीकाही केली -लक्ष्मण हाकें.-पुणे पोलीसांचे पथक दत्ता गाडेचा मोबाईल शोधण्यासाठी आरोपीसह ऊसाच्या शेतात जाणार आहेत.-पुणे पोलिसांची क्राइम ब्रांच गुनाट गावी जाणार आहेत.-दत्ता गाडेच्या मोबाईलचा शोध घेतला जाणार आहे.-गाडेच्या मोबाईलमधून अनेक महत्त्वाचे पुरावे हाती येण्याची शक्यता आहे..औरंगजेबाच्या कबरीवरून सत्ताधारी संताप व्यक्त करताना औरंगजेबच लांगुंचालान करणाऱ्यांना खपवून घेतले जाणार नाही असे ठणकावून सांगितले जाते. मात्र त्याच्या औरंगजेबाच्या कबरीच रक्षण आणि संरक्षण सरकार करीत असते. पुरातत्त्व विभागाचे म्हणजे केंद्र सरकारच्या पगाराचे सहा कर्मचारी येथे काम करतात. ते देखभाल दुरुस्ती वर्षभर करीत असतात. कबर सुरक्षित राहावी यासाठी दरवर्षी खर्च केले जातात. डागडुजी वेळोवेळी केली जाते. तो आकडा १५ लक्षपर्यंत जातो असे सांगितले जाते..महिला दिनाच्या औचित्यावर L&T कंपनीमध्ये काम करणाऱ्या महिलावर्गाला आनंदाची बातमी मिळाली आहे. या कंपनीच्या सीईओनी मासिक पाळी निमित्त एक दिवसीय रजा मंजूर केली आहे. ९० तासांचे वादग्रस्त विधान करणाऱ्या सीईओच्या या निर्णयाची चर्चा सगळीकडे आहे. . जागतिक महिला दिनाचे औचित्य साधत उद्या दि. ८ मार्च २०२५ रोजी राज्यभरातील सर्व ग्रामपंचायतींमध्ये विशेष ग्राम सभा आय़ोजित करण्यात येणार आहेत. महाराष्ट्र राज्य महिला आय़ोगाच्या संपल्पनेनुसार बालविवाह रोखणे, विधवा प्रथा बंद करणे तसेच महिला सुरक्षिततेसाठीचे ठराव या ग्रामसभांमध्ये करण्यात येणार आहेत..परराष्ट्र व्यवहार मंत्री डॉ, एस जयशंकर म्हणाले, भारत युरोपसोबत संबंध बळकट करत आहे. आयर्लंडच्या डब्लिन युनिव्हर्सिटी कॉलेजमध्ये भाषण करताना त्यांनी भारतीय अर्थव्यवस्थेच्या वाढीवर प्रकाश टाकला. .छत्रपती संभाजी महाराजांचा अपमान मी कधी करुच शकत नाही, छत्रपती शिवजी महाराज, छत्रपती संभाजी महाराज हे आपले दैवत आहेत, त्यांच्याशी स्वतःची तुलना होऊच शकत नाही. आपण कोणतीही तुलना केली नाही - शिवसेना उबाठाचे आमदार अनिल परब यांचं उत्तर. .उपमुख्यमंत्री आणि वित्त मंत्री अजित पवार यांनी राज्याचा २०२४-२५ चा पाहणी अहवाल विधानसभेत पटलावर मांडला. .औरंगजेबाची कबर उकरून टाका -उदयनराजे भासले.पक्ष बदलण्यासाठी आमचा छळ केला गेला असे परब म्हणाले आहे. .क्रिकेटर रोहित शर्मा यांचे प्रशिक्षक दिनेश लाड यांच्या टर्फवर म्हाडाची कारवाई करण्यात आली आहे. चारकोप गोराई येथील क्रिकेट प्रशिक्षक दिनेश लाड यांच्या टर्फवर म्हाडाकडून कारवाई करण्यात आली. म्हाडा कर्मचाऱ्यांनी टर्फ अनधिकृत असल्याचं सांगत ही कारवाई केली आहे. म्हाडाच्या मालकीच्या जागेवर टर्फ असल्याचा म्हाडाचा दावा आहे..मुख्यमंत्र्यांनी दिलेला शब्द पूर्ण करावा,आम्हाला आंदोलन करायला भाग पाडू नका असा इशारा पुन्हा एकदा मनोज जरांगे यांनी दिला आहे. शिंदे समितीला मुदतवाढ दिली मात्र समिती काम करत नाही, त्यामुळं समाजाला फसवू नका. मराठ्यांच्या आमदारांना सांगतो तुम्हाला समाजानं मतं दिली आहेत. आरक्षणाचा विषय लावून धरा, मराठ्यांच्या मताचा आदर राखा. प्रश्न मांडला नाही तर गावागावात परिणाम दिसतील. सगळ्या विद्यार्थ्यांसाठी SCBC लागू करा, OBC च्या धरतीवर लागू करा, मुलींच्या मोफत शिक्षण लागू करा, या मागण्याही त्यांनी केला..पुण्यात कोयता गँगने पुन्हा एकदा दहशत माजवली आहे. वाघोली परिसरातील आव्हाळवाडी येथे रात्री दहा ते बारा गाड्यांची तोडफोड करण्यात आली. दगडफेक करून वाहनांच्या काचा फोडण्यात आल्या. या घटनेने स्थानिकांमध्ये भीतीचे वातावरण निर्माण झाले आहे. वाघोली पोलीस आरोपींचा शोध घेत असून लवकरच कठोर कारवाई करण्यात येईल, असे सांगण्यात आले आहे..शिवणे-वारजे-कर्वेनगर रस्त्यावर सततच्या वाहतूक कोंडीमुळे नागरिक हैराण झाले आहेत. वाढत्या वाहनांच्या संख्येमुळे आणि अपुऱ्या रस्त्यांच्या रुंदीमुळे हा मार्ग वारंवार बंदिस्त होतो. शालेय व कार्यालयीन गर्दीच्या वेळी ही समस्या अधिक तीव्र होते. प्रशासनाकडून कोणतेही ठोस उपाय केले जात नसल्याने नागरिकांमध्ये नाराजी आहे..CSMT स्टेशनवरील शौचालयात 18 वर्षीय तरुणीने जीवन संपविण्याचा प्रयत्न केला आहे. तिला उपचारासाठी सेंट जॉर्ज हाॅस्पिटलमध्ये भरती करण्यात आले आहे. .चाकण जवळील वाकी येथे प्लास्टिक मोल्डिंग कंपनीला आग लागली असून आगीवर नियंत्रण मिळविण्यासाठी अग्निशामक दलाचे प्रयत्न सुरू आहेत..केंद्रीय प्रशासकीय न्यायाधिकरण (कॅट) ने आयआरएस अधिकारी समीर वानखेडे यांची मुंबईहून चेन्नईला केलेली बदली रद्द केली आहे. महसूल विभागाने बदलीसंदर्भात स्वत:च तयार केलेल्या मार्गदर्शक तत्त्वांचे उल्लंघन केल्याचा ठपका ‘कॅट’ने ठेवला आहे. .ठाणे महापालिकेचा अर्थसंकल्प आज सादर होणार आहे. अर्थसंकल्पात 600 ते 700 कोटी वाढ अपेक्षित आहे. गेल्यावर्षी सादर झालेला अर्थसंकल्प 5025 कोटीचा होता. 2023-24 मध्ये सादर झालेला अर्थसंकल्प 4370 कोटीचा होता. .भुवनेश्वर : ओडिशातील पारादीप बंदरात लागलेल्या भीषण आगीत किमान १७ बोटी जळून खाक झाल्या. दरम्यान, गॅस टँकच्या स्फोटाने संपूर्ण परिसर हादरला. आग विझवण्यासाठी १३ अग्निशमन गाड्या तैनात करण्यात आल्या. कटकहूनही आणखी काही अग्निशमन गाड्या मागवाव्या लागल्या. आग विझवण्याचा प्रयत्न करताना, एक व्यक्ती जखमी झाली असून त्याला उपचारासाठी रुग्णालयात दाखल करण्यात आले आहे..कवठेमहांकाळ : कैलास बोऱ्हाडे (रा. अन्वा ता. भोकरदन जि. जालना) यांच्या अमानुष छळप्रकरणातील आणि मस्साजोगचे सरपंच संतोष देशमुख या दोघांच्या मारेकऱ्यांना फाशीची शिक्षा द्यावी, याबाबतचे निवेदन तहसील कार्यालयास देण्यात आले..आजरा : आजरा साखर कारखान्याचे अध्यक्ष वसंतराव धुरे यांनी पदाचा राजीनामा दिला. प्रभारी कार्यकारी संचालक व्यंकटेश ज्योती यांच्याकडे त्यांनी राजीनामा सुपुर्द केला असून, शनिवार (ता. ८) संचालक मंडळाच्या बैठकीसमोर ठेवला जाणार आहे. .बंगळूर : मुख्यमंत्री सिद्धरामय्या आज (ता. ७) आपला विक्रमी अर्थसंकल्प सादर करत आहेत. ज्यामध्ये मूलभूत पायाभूत सुविधा आणि कल्याणकारी कार्यक्रमांच्या विकासाला प्राधान्य दिले जाण्याची शक्यता आहे. काँग्रेसच्या जाहीरनाम्यात दिलेल्या आश्वासनानुसार ते पंचहमी योजना सुरू ठेवतील आणि अधिक लोककल्याणकारी योजनांचा समावेश करतील, अशी अपेक्षा आहे..शिरूर कासार (जि. बीड) : अज्ञात व्यक्तीस विवस्त्र करून मारहाण करणाऱ्या सतीश भोसलेची चित्रफीत सोशल मीडियावर व्हायरल झाली होती. याप्रकरणी पोलिसांकडून गुन्हा दाखल झाल्यानंतर गुरुवारी (ता. ६) बावी येथील व्यक्तींनीही सतीश भोसलेची तक्रार केली आहे. भोसलेने तीक्ष्ण हत्याराने मारहाण करून जिवे मारण्याची धमक्या दिल्याची तक्रार दिल्यानंतर भोसलेवर दुसरा गुन्हा दाखल करण्यात आला..न्यूयॉर्क : मुंबईवर २६-११ रोजी झालेल्या दहशतवादी हल्ल्याचा सूत्रधार तहव्वूर राणाने त्याच्या भारतातील प्रस्तावित प्रत्यार्पणाला अमेरिकेच्या सर्वोच्च न्यायालयामध्ये आव्हान दिले आहे. भारतामध्ये प्रत्यार्पण झाल्यास आपला जीव धोक्यात येऊ शकतो असेही राणाने म्हटले आहे. अनेक दुर्धर आजार असल्याकडेही राणाने न्यायालयाचे लक्ष वेधले आहे..मुंबई : ‘सकाळ माध्यम समूह’ने आयोजित केलेल्या श्रीगुरू पादुका दर्शन उत्सवासाठी मोठ्या संख्येने भाविक नोंदणी करीत असून, त्यांची कुठलीही गैरसोय होऊ नये म्हणून वेगवेगळ्या सोयी-सुविधांनी ‘भक्तीचा महाकुंभ’ सज्ज होत आहे. उद्यापासून (ता. ८) या उत्सवाला सुरुवात होणार असून, २१ श्रीगुरूंच्या पादुकांसाठी वरळीच्या एनएससीआय डोममध्ये आकर्षक मंदिरे साकारली जात आहेत. इथे क्लिक करा.Latest Marathi Live Updates 7 March 2025 : मुंबईत मराठी भाषा शिकणे गरजेचे नाही, असे विधान राष्ट्रीय स्वयंसेवक संघाचे माजी सरकार्यवाह भैयाजी जोशी यांनी केल्यानंतर त्यांच्यावर सर्वत्र टीका झाली. अखेर त्यांनी घूमजाव करीत मुंबई-महाराष्ट्रात प्रत्येकाने मराठी भाषा शिकलीच पाहिजे, असे स्पष्टीकरण दिले. तर, अज्ञात व्यक्तीस विवस्त्र करून मारहाण करणाऱ्या सतीश भोसलेची चित्रफीत सोशल मीडियावर व्हायरल झाली होती. याप्रकरणी पोलिसांकडून गुन्हा दाखल झाल्यानंतर बावी येथील व्यक्तींनीही सतीश भोसलेची तक्रार केली आहे. ‘सकाळ माध्यम समूह’ने आयोजित केलेल्या श्रीगुरू पादुका दर्शन उत्सवासाठी मोठ्या संख्येने भाविक नोंदणी करीत असून, त्यांची कुठलीही गैरसोय होऊ नये म्हणून वेगवेगळ्या सोयी-सुविधांनी ‘भक्तीचा महाकुंभ’ सज्ज होत आहे. उद्यापासून (ता. ८) या उत्सवाला सुरुवात होणार असून, २१ श्रीगुरूंच्या पादुकांसाठी वरळीच्या एनएससीआय डोममध्ये आकर्षक मंदिरे साकारली जात आहेत. कर्नाटक राज्याचा अर्थसंकल्प आज सादर होणार आहे. त्याचबरोबर राज्यात अजूनही काही भागांत थंडी कमी झालेली दिसत नाहीये. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : बागडोगरा विमानतळावर आज AN-32 वाहतूक विमानाचा अपघात

Related Stories

Latest Marathi News Live Update : आज दिवसभरातील राज्य आणि देशातील घडामोडी वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update: झोजिला खिंडीजवळील शैतान नल्ला येथे हिमस्खलनामुळे अनेक वाहने सापडली

Latest Marathi News Update: राज्यासह देशभरात दिवसभरात काय काय घडलं? वाचा एका क्लिकवर...