Ajit Pawar: मी कायम स्पष्ट बोलतो म्हणणाऱ्या अजित पवारांनी एकेकाळी ईव्हीएमवरून घेतला होता 'यू-टर्न'

Ajit Pawar U-Turn on EVM: नुकत्याच देशातील पाच राज्यांमध्ये विधानसभा निवडणुका पार पडल्या. या निवडणुकांमध्ये काँग्रेस पराभवाच्या वाटेवर आहे. त्यानंतर महाराष्ट्राचे उपमुख्यमंत्री अजित पवार यांनी या विजयाचं श्रेय नरेंद्र मोदी यांना दिलं आणि मोदी हेच देशासमोरील पर्याय आहेत असं वक्तव्य केलं.

यावेळी अजित पवारांना ईव्हीएमबाबत प्रश्न करण्यात आले होते. ईव्हीएमच्या प्रश्नावरही त्यांनी सडेतोड भाष्य केलं.तेव्हा त्यांनी इव्हीएमवर विश्वास असल्याचे स्पष्ट केले. त्याचबरोबर ते म्हणाले की मी स्पष्ट वक्ता आहे, भूमिका बदलत नाही.

काही वर्षांपूर्वी ईव्हीएमबाबतीत अजित पवार यांनी भूमिका वेगळी होती. त्यावेळी अजित पवार म्हणाले होते की माझा ईव्हीएमवर विश्वास असून कुठलीही शंका नाही. त्यावेळी ईव्हीएमची पाठराखण करणारे अजित पवार हे राष्ट्रवादीचे एकमेव नेते होते, दुसऱ्या बाजूला सुप्रिया सुळे आणि शरद पवार यांनी ईव्हीएमला विरोध दर्शवला होता.

त्यानंतर २०१९मध्ये आयोजित करण्यात आलेल्या सर्वपक्षीय पत्रकार परिषदेत अजित पवारांनी ईव्हीएमविरोधात भूमिका घेतली होती. ईव्हीएमऐवजी मतपत्रिकेवर निवडणुक घ्यावी, असं मत त्यावेळी अजित पवारांनी मांडलं होतं.(Latest Marathi News)

त्यामुळे अजित पवार यांचं स्पष्ट वक्तव्य आणि ठाम भूमिका यातून दिसून येते. त्यांनी ईव्हीएमच्या मुद्द्यावरुन दोन वेळा आपल्या विधानांवरुन 'यू-टर्न' घेतला. एकेकाळी नरेंद्र मोदींचा विरोध करणारे पवार, आता मोदींचं कौतुक करत आहेत.

तीन राज्यातील निवडणुकांमध्ये विजय मिळवल्यानंतर अजित पवार यांनी मोदींची स्तुती केली होती आणि बीआरएस पक्षाचे नेते केसीआर यांच्यावर टीका देखील केली. (Latest Marathi News)