Maharashtra Politics: पवार घराण्याचे वाद चव्हाट्यावर? नरेश म्हस्केंचा अजित पवारांवर खळबळजनक आरोप

शिवसेनेचे नेते आणि ठाण्याचे माजी महापौर नरेश म्हस्के यांनी अजित पवार यांच्यावर खळबळजनक आरोप केले आहेत. त्यांच्या आरोपामुळे राजकीय वर्तुळात पवार घराण्यासंदर्भात अनेक प्रश्न उपस्थित होत चर्चेला उत आला आहे. (Maharashtra Politics Naresh Mhaske on Ajit Pawar )

महाराष्ट्र क्रिकेट असोसिएशन निवडणुकीमध्ये रोहित पवार यांना पाडा असं सांगण्यासाठी अजित पवार खुद्द अनेकांना फोन करत होते असा खळबळजनक दावा म्हस्के यांनी केला आहे. तसेच, तुम्ही आधी तुमच्या घरातलं पाहा नंतर मुख्यमंत्री एकनाथ शिंदे यांच्यावर आरोप करा. असही म्हस्के यावेळी म्हणाले. त्यामुळे राजकीय वर्तुळता चर्चेला उधाण आलं आहे.

जानेवारीमध्ये झालेल्या निवडणुकीमध्ये महाराष्ट्र क्रिकेट असोशिएशनवर राष्ट्रवादीचे आमदार रोहित पवार यांची सदस्य म्हणून निवड झाली. या अगोदर महाराष्ट्र क्रिकेट असोशिएशनच्या १६ सदस्याच्या कमिटीमध्ये रोहित पवारांची निवड झाली.

खासदार शरद पवार यांनीसुद्धा मुंबई क्रिकेट असोशिएशनच्या निवडणुकीसाठी कंबर कसली होती. भाजपकडूनही निवडणुकीची जोरदार तयारी केली होती. यात भाजपच्या आशिष शेलार यांच्याशी या निवडणुकीसाठी त्यांनी युती केली होती.