मुंबई : महाराष्ट्र शासनाच्या सांस्कृतिक कार्य विभागातर्फे दिला जाणारा यंदाचा चित्रपती व्ही. शांताराम जीवनगौरव पुरस्कार नामवंत अभिनेते, दिग्दर्शक व निर्माते महेश मांजरेकर यांना जाहीर झाला आहे. या पुरस्काराचे स्वरूप दहा लाख रुपये, स्मृतिचिन्ह, मानपत्र व चांदीचे पदक असे आहे. अभिनेते अनुपम खेर, अभिनेत्री मुक्ता बर्वे, अभिनेत्री काजोल देवगण आणि गझल गायक भीमराव पांचाळे यांनाही पुरस्कार जाहीर झाले आहेत.