Anna Hazare on Manipur: मणिपूरच्या 'त्या' भीषण घटनेवर अण्णा हजारेंचा संताप; म्हणाले, त्यांना...

राळेगणसिद्धी : मणिपूरमध्ये महिलांची विवस्त्र धिंड काढल्याच्या घटनेनं संपूर्ण देश हादरला आहे. अनेकांनी यावर तीव्र प्रतिक्रिया दिल्या आहेत. यावर आता राज्यातील ज्येष्ठ समाजसेवक अण्णा हजारे यांनी देखील तीव्र प्रतिक्रिया दिली आहे.

पीटीआय या वृत्तसंस्थेशी बोलताना हजारे म्हणाले, "मणिपूरच्या महिलांवर जे अन्याय अत्याचार झाले अशा नराधमांना फाशीवर लटकवायला पाहिजे. मी तर म्हणेन की या घटनेमध्ये याची गरज आहे.

स्त्री आपली आई आहे, बहिण आहे. विशेषतः जे देशाचं संरक्षण करण्यासाठी सीमेवर तैनात असतात. अशा एका जवानाच्या पत्नीवर असा अन्याय-अत्याचार होतो, हे अजूनच गंभीर आहे. (Latest Marathi News)

मणिपूरमध्ये घडलेल्या या घटना म्हणजे मानवतेला लागलेला खूप मोठा कलंक आहे, अशा शब्दांत अण्णा हजारे यांनी संताप व्यक्त केला आहे. (Marathi Tajya Batmya)

ब्रिजभूषण यांनी केलं भाष्य

दरम्यान, मणिपूरच्या या घटनेवर भाजप खासदार बृजभूषण सिंह यांनी देखील प्रतिक्रिया दिली आहे. ब्रिजभूषण म्हणाले, "स्वतंत्र भारतात ही खूपच दुःखद घटना घडली आहे. पंतप्रधान मोदींनी याची दखल घेतली असून तुम्ही त्यांचं विधान ऐकलंच असेल. तरी देखील घटना घडली आहे, पण ती निंदनीय आहे"