मराठा मोर्चा रणशिंग फुंकणार

सकाळ वृत्तसेवा
गुरुवार, 5 सप्टेंबर 2019

 मराठा समाजाला राज्य सरकारने अनेक आश्‍वासने दिली; मात्र त्यांची पूर्तना न केल्याने विधानसभा निवडणुकीच्या तोंडावर सरकारची कोंडी करण्याची रणनीती मराठा क्रांती ठोक मोर्चा आखत आहे.

मुंबई - मराठा समाजाला राज्य सरकारने अनेक आश्‍वासने दिली; मात्र त्यांची पूर्तना न केल्याने विधानसभा निवडणुकीच्या तोंडावर सरकारची कोंडी करण्याची रणनीती मराठा क्रांती ठोक मोर्चा आखत आहे. या पार्श्‍वभूमीवर आठवड्याभरात सरकारविरोधात रणशिंग फुंकण्याचा इशारा संघटनेच्या समन्वयकांनी बुधवारी पत्रकार परिषदेत दिला. मराठा आंदोलकांवरील गुन्हे मागे घेण्यात यावेत, अण्णासाहेब पाटील आर्थिक महामंडळातील योजना तात्काळ लागू कराव्यात आदी संघटनेच्या प्रमुख मागण्या आहेत.

समजाच्या मागण्यांसाठी संघटनेचे समन्वयक मंत्र्यांना भेटण्याचा प्रयत्न करतात; मात्र मंत्री ती टाळतात. अशा मंत्र्यांना ताळ्यावर आणण्यासाठी विधानसभा निवडणुकीच्या तोंडावर सरकारची कोंडी करण्यात येईल. आठवड्याभरात समन्वयकांची बैठक होणार असून त्यात पुढील रणनीती ठरवण्यात येईल, अशी माहिती या पत्रकार परिषदेत देण्यात आली. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Maratha Kranti morcha